2 Bakalenga 5:20 - MUKANDA WA MYIDI MUKULU

²⁰ Ngeyazi, muena mudimu wa muambi Elisha kuela meji ne: “Mfumuanyi Elisha mmubenge bintu bionsu bivuabu bamulambula kudi Namane, muena Siriya. Nanku, bu mudi Maweja-Nangila ne muoyi, ndi ndonda Namane bua kupeta bintu bikuabu bidiye nabi!”

Mukanda wa Nzambi Dihungila Dikulukulu ne Dihungila Dihia-dihia 2003

²⁰ Kadi Gehazi, muena mudimu wa Elisha, muntu wa Nzambi, wakamba ne, Mukelenge wanyi wakafuka Nâmana, Muena Sulia, luse, hakabengeye kuangata bintu biakalueye nʼabi; bu mudi Yehowa ne muoyo, nemmulonde, nengangate bintu kudiye.

2 Bakalenga 5:20 ပူးပေါင်းရင်းမြစ်များ

1 Bakalenga 17:1

Muambi Eliya uvua mu musoku wa Tishebe, mu ditunga dia Ngilaade. Kuambilaye mukalenga Akabe ne: — Bu mudi Maweja-Nangila ne muoyi, Mvidi Mukulu wa bena Izrayele undi ngenzela mudimu, ndi ngamba ne: “Bidimu bidi kumpala ebi, lumuma kaluena mua kumata kabidi, mvula kena mua kuloka, amu meme mumulombe.”

2 Bakalenga 13:19

Muambi kufika munda, wambila mukalenga ne: — Bu wewe mutuute miketa ayi panshi misangu itanu nansha isambombu, uvua mua kutshimuna bena Siriya kashidi. Kadi mpindiewu, neubatshimune anu misangu isatu.

2 Bakalenga 4:12

Ke muambi Elisha kutuma muena mudimu wende Ngeyazi bua kubikila muena nzubu awu. Mukaji awu kufika ku tshibambalu aku,

2 Bakalenga 4:25

Mukaji kuya, ulonda njila wa ku mukuna wa Karmele bua kumonangana ne muambi Elisha. Muambi Elisha umona mukaji utshidi pa bule, kuambila muena mudimu wende Ngeyazi ne: — Tangila, ke mukaji utu ungakidila ku Shuneme wawa.

2 Bakalenga 4:31

Kadi Ngeyazi uvua mumane kufika kumpala kuabu. Kutekaye dikombu dia muambi Elisha pa mpala pa muana. Kadi kena mumone bualu. Muana kena muakule, kena munyungakane. Ngeyazi kupingana kudi muambi Elisha, umuambila ne: — Muana kena mutabale to.

2 Bakalenga 4:36

Diakamue, Elisha kubikila Ngeyazi kumuambila ne: — Ndaku, ubikile mamuende wa muana. Ngeyazi kutuluka bua kukeba mamuende wa muana. Awu ufika, Elisha kumuambila ne: — Luaku, wangata muanebe.

2 Bakalenga 5:16

Kadi muambi Elisha kuandamuna ne: — Bu mudi Maweja-Nangila undi nkuatshila mudimu ne muoyi, ndi nkujadikila ne: tshiena ngangata tshintu nansha tshimue. Namane uvua anu umusengelela, kadi muambi Elisha kubenga.

2 Bakalenga 5:21

Ke Ngeyazi kulonda Namane. Namane umona Ngeyazi umulonda lubilu, kutulukaye mu ditempu, kuya lukasa bua kusambakena ne Ngeyazi, umukonka ne: — Mmalu kaayi?

2 Bakalenga 6:31

Mukalenga kuela diyi ne: — Dilolu edi, pangikala tshiyi mukose mutu wa Elisha, muana wa Shafate, Mvidi Mukulu annyoke ne dinyoka dikole.

2 Bakalenga 8:4

Tshikondu atshi, mukalenga wa bena Izrayele uvua uyukila ne Ngeyazi, muena mudimu wa muambi Elisha. Uvua umukonka bishima bionsu bivua muambi Elisha muenze.

2 Bakalenga 8:7

Tshikondu tshikuabu, muambi Elisha kuya mu tshimenga tshia Damase. Benadade, mukalenga wa bena Siriya, uvua usama. Benadade umvua ne: muambi Elisha mmufike mu tshimenga,

Misambu 10:3

Muntu mubi udi uditambisha bua buenzayi buende. Muena lubombu udi utshipa Maweja-Nangila, umuseka.

Ekesode 20:17

“Kualakanyi tshintu nansha tshimue tshia mukuenu: nansha nzubu wende, mukajende, mupika wende, ngombe wende, mpunde wende.”

Ekesode 20:7

“Kutedi dina dianyi meme, Maweja-Nangila Mvidi Mukulu webe, tshitelatela, bualu meme nengangate muntu yonsu udi kayi unemeka dina dianyi bu muena tshibawu.

Nsumuinu 26:16

Muena lulengu udi mudimone muena meji mupite bantu muanda mutekete badi bandamuna ne lungenyi.

Yeshaya 48:1

Nuenu tshisamba tshia Yakobe, telejayi. Nudi nudisua, bua panudi ne dina dia Izrayele, bua panudi ndelanganyi ya Yuda. Nudi nutshipa, nutela dina dia Maweja-Nangila, nutela Mvidi Mukulu wa Izrayele. Kadi kanuena nuditshipilamu, kanuena ne muoyi wa kukumbaja tshinudi nulaya ne mutshipu.

Yirmeya 22:17

Kadi wewe udi musue anu tshidi tshikulengelela wewe nkayebe. Udi ukeba anu kushipesha bantu badi kabayi ne bualu, ne kukengesha bantu ne tshikisu.

Abakuke 2:9

Nudi bena diakabi! Nudi banemeshe bena meku enu ne bintu bipeta ku buivi. Nansha nuenu base nzubu yenu kulu ku katongobela, dikenga nedinukuate.

Matayi 10:4

Simone, uvua mu tshisumbu tshia baluidi ba ditunga, ne Yudase Iskariyote, uvua mupangile Yezu.

Matayi 26:9

Kabavua mua kusumbisha manananshi aa ku mushinga mukole, kupesha bapele makuta anyi?

Luke 12:15

Pashishe Yezu kuambila bantu bonsu ne: — Nudimuke. Kanuteki muoyi ku biuma. Bualu muntu kena ne muoyi bualu bua biuma, nansha yeye nabi bivule!

Luke 16:8

Ke Mfumu kutumbisha mulami wa bintu ewu, bualu mmukuate mudimu ne budimu. Bualu bantu ba panu badi badimukila binabu, bapite mudi bantu badi benda mu butoke benza.

Yowanane 13:2

Yezu ne balongi bende bavua mu didia dia dilolu. Diabolu ukavua mumane kuitabijija Yudase muana wa Simone Iskariyote, bua elele Yezu tshitungu.

Yowanane 6:70

Yezu kubandamuna ne: — Tshivua munusungule bonsu buenu dikumi ne babidi anyi? Kadi umue wenu ndiabolu!

Bienzedi 5:2

Kadi Ananiyase kudilamina tshitupa tshia lupetu lua budimi, kuya ne tshikuabu kudi bapostolu. Mukajende uvua mumanye mu-vuaye muenze amu.

2 Timote 4:10

Bualu Demase ukadi mundekele, muye ku Tesalonike, bualu udi mutambe kusua malu a panu. Kreshense mmuye ku Ngalate, Tite ku Dalmasiya.

Tite 1:7

Bualu mulombodi wa Tshisumbu tshia bena ditaba udi wenzela Mvidi Mukulu mudimu. Nanku bantu kabena mua kuikala ne mushindu wa kumudiwula ku bualu nansha bumue. Kaditembi muanzu wende. Kafiki munda lukasalukasa, kikadi munuavi, muena tshikisu, nansha muena mutshima udi ukeba kupeta biuma mu njila mubi.

1 Petro 5:2

nuludike bu balami ba nsongu mikoku idi Mvidi Mukulu munupe. Mvidi Mukulu udi musue bua nuyilame bimpe ne muoyi wenu mujima, kanuyi ne tshimfulamuoyi. Nuenze mudimu muenu muonsu, kabidi ne disanka, kanuyi nukeba biuma.

1 Samuele 14:39

Bu mudi Maweja-Nangila, Musungidi wa bena Izrayele ne muoyi, ndi nditshipa ne: muntu udi muenze bibi neafue, nansha yeye muananyi wa balume Yonatane. Munkatshi mua bena mvita bonsu, muntu nansha umue kena muandamune to.