2 Bakalenga 5:18 - MUKANDA WA MYIDI MUKULU

¹⁸ Kadi ndi ndianza kulomba Maweja-Nangila bua amfuile luse, bualu padi mfumuanyi, mukalenga wa bena Siriya, ubuela mu nzubu wa mvidie wende Rimone bua kutendelela, ndi ne bua kuinama panshi musangu umue nende, bualu utu unshindamena pa dikaya. Nanku Maweja-Nangila amfuile luse pandi ngenza mushindu awu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Nunku Yehowa abuikile bubi bua muntu webe mu bualu ebu: haya mukelenge wanyi mu nsubu wa Limona bua kutendelelamu, yeye utu washindamena ku tshianza tshianyi ne meme kabidi ntu ngatua mpala wanyi hanshi mu nsubu wa Limona; hashishe hanalua mpala wanyi hanshi mu nsubu wa Limona, Yehowa abuikidile muntu webe bualu bubi ebu.

2 Bakalenga 5:18 ပူးပေါင်းရင်းမြစ်များ

1 Bakalenga 19:18

Kadi munkatshi mua bena Izrayele, nenshiye bantu bakuabu binunu muanda mutekete ne muoyi, mmumue ne: bonsu badikabayi banji kukukuila mvidie Baale, kabayi banji kutua mpingu ayi mishiku.

2 Bakalenga 17:35

Eku Maweja-Nangila uvua mumane kutua ndondu ne ndelanganyi ya Yakobe, muyipeshe mikenji eyi ne: “Kanutendeledi mvidie. Kanuyituidi mpala mpanshi. Kanuyenzedi mudimu, kabidi kanuyilambudi milambu.

2 Bakalenga 7:17

Mukalenga Yorame kutuma muntu uvuaye wenda nende miaba yonsu, bua aye kumona bivua bienzeka mu tshisalu, ku tshiibi tshia tshimenga. Kadi bantu bavua bunguile muaba awu, kudiata muntu awu, kufuaye bu muvua muambi Elisha muambe pavua mukalenga wa bena Izrayele mufike bua kumonangana nende.

2 Bakalenga 7:2

Kadi muntu uvua wenda ne mukalenga, kubenga, wamba ne: — Nansha Maweja-Nangila mutunzuluile biibi biamu diulu bua kututumina ntete, bualu buudi wamba abu budi mua kuenzeka anyi? Muambi Elisha kuandamuna ne: — Eyowa, wewe neumone bualu ebu. Kadi kuakudi a bintu ebi to.

Ekesode 20:5

Kukukuidi mpingu ya nanku. Kuyitendeledi, bualu meme ndi Maweja-Nangila Mvidi Mukulu webe. Ndi musue kuikala Mvidi Mukulu webe, meme nkayanyi. Nennyoke bantu bonsu badi bankina too ne ku ndelanganyi yabu ya musangu muisatu nansha muinayi.

Yirmeya 50:20

Meme Maweja-Nangila ndi ngamba ne: Tshikondu atshi, bantu nebakebe bilema bidi bena Izrayele nabi. Kadi kabakubisangana to. Nebakebe tshilema tshia bena Yuda, kadi kabakumona nansha tshimue to. Bualu bantu bandi mushiye ne muoyi, nembafuile luse.

Dibadika 21:15

ne misapa yende, udi luseke lua Are, uleja mikalu ya ditunga dia bena Mowabe…”

Yoshua 23:7

Kanubuelakanyi ne bantu ba bisamba bikuabu, batshidi bashale munkatshi muenu. Kanukebi diambuluisha kudi mvidie yabu. Kanutedi dina dia mvidie ayi, panudi nutshipa. Kanuinami kumpala kuayi bua kuyitendelela.