2 Bakalenga 5:15 - MUKANDA WA MYIDI MUKULU

¹⁵ Diakamue, Namane ne bonsu bavuaye nabu kupingana ku nzubu kua muambi Elisha. Namane kuimana kumpala kua muambi, kumuambila ne: — Mpindiewu ndi mumanye ne: pa buloba bujima kakuena Mvidi Mukulu mukuabu to, anu wa bena Izrayele. Nanku ndi nkusengelela: wangate mulambu undi nkupesha ewu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Nunku wakahingana kudi muntu wa Nzambi, yeye ne tshisumbu tshiandi tshionso, bakimana ku mpala kuandi; wakamuambila ne, Katataka ndi mumanye ne, Kakuena Nzambi mukuabo ha buloba buonso anu mu Isalele; nunku ndi nkusengelela ne, Wangate kuha kudi muntu webe.

2 Bakalenga 5:15 ပူးပေါင်းရင်းမြစ်များ

Genese 33:11

Ndi nkusengelela ne: angata mulambu undi mukutuadile ewu, bualu Mvidi Mukulu wanyi mmumpe bintu bia bungi. Yakobe kunanukila bikole. Esawu kuitaba.

1 Bakalenga 13:7

Pashishe, mukalenga Yerobowame kuambila muambi awu ne: — Tuye nebe ku nzubu kuanyi bua kudia. Pashishe, nenkupe tshintu tshia kukusankisha natshi.

1 Bakalenga 18:36

Dilolu, diba dia kulambula Maweja-Nangila dikumbane, muambi Eliya kusemena pabuipi ne tshilambuilu, kuamba ne: — Maweja-Nangila Mvidi Mukulu wa Abrahame, wa Izake ne wa Yakobe, lelu uleje bantu ne: udi Mvidi Mukulu wabena Izrayele, bajadike kabidi ne: meme ndi muntu webe, bionsu bindi ngenza ebi, ndi mbienza anu ku diyi diebe.

2 Bakalenga 19:15

Nanku, kutendelelaye, wamba ne: “Maweja-Nangila Mvidi Mukulu wa Izrayele, wewe udi usomba pa mutu pa bakerubine. Wewe nkayebe ke Mvidi Mukulu mu makalenga onsu a pa buloba, wewe ke uvua mufuke diulu ne buloba.

2 Bakalenga 19:19

Kadi wewe, Maweja-Nangila Mvidi Mukulu wetu, mpindiewu, utusungidile mu bianza bia Senakeribe. Nanku, mu makalenga onsu a pa buloba, nebamanye ne: anu wewe Maweja-Nangila ke Mvidi Mukulu.”

2 Bakalenga 5:8

Muambi Elisha umvua ne: mukalenga wa bena Izrayele mmudipande bilamba, kumutuminaye muntu bua kumukonka ne: — Udi upampakana, udipanda bilamba bua tshinyi? Muntu awu afike ku nzubu kuanyi, bua ujaddike ne: mu ditunga dia bena Izrayele mudi muambi bulelela.

Yeshaya 44:6

Maweja-Nangila, mukalenga wa bena Izrayele, udi uludika, ulama bantu bende. Yeye ke Maweja-Nangila muena bukole buonsu. Udi ukuambila, wewe Izrayele, ne: “Meme ndi wa kumpala, ndi kabidi wa ndekelu. Kakuena Mvidi Mukulu mukuabu, amu meme.

Yeshaya 44:8

Nuenu bantu banyi, kanutshinyi, kanuikadi ne bowa. Nkadi mumane kunumanyisha kale, nkadi mumane kunusokoluela, malu adi ne bua kuenzeka. Ke bualu bunudi bamanye bimpe. Ke bualu bunudi mua kujadika nuenu mene. Kudi Mvidi Mukulu mukuabu anyi? Too, kakuena Dibue dikuabu. Meme tshiena mumanye nansha dimue.”

Yeshaya 45:6

Bantu ba ku luseke ludi diba dipatukila, ne ba ku luseke ludidi dibuelela, nebamanye ne: Kakuena Mvidi Mukulu mukuabu, amu Meme Maweja-Nangila. Kakuena mukuabu to.

Danyele 2:47

Pashishe mukalenga kuambila Daniyele ne: — Bulelela, Mvidi Mukulu webe udi munene mupite mvidie yonsu, udi mfumu wa bakalenga. Yeye nkayende udi umanyisha malu masokome, bualu wewe nkayebe uvua mua kuntanduila bualu ebu busokome.

Danyele 3:29

Nenku ndi ntuma diyi ne: “Muntu ne wa mu tshisamba kaayi, wa ditunga kaayi, nansha wa muakulu kaayi, udi udiwula Mvidi Mukulu wa Shadrake, Meshake ne Abede-Nego, nebamukose bitupa bitupa, nebupule nzubu wende, neashale dikolu. Bualu kakuena mvidie mukuabu udi mua kusungidila bantu bu mudi ewu muenze.”

Danyele 4:34

Ke pandi meme Nebukadnesare mpindiewu ntumbisha, nganyisha, nnemeka Mukalenga wa diulu! Tshionsu tshidiye wenza tshidi tshiakane. Malu ende onsu adi pa wowu. Yeye udi ne bukole bua kupuekesha nansha bantu bena diditambisha.”

Rome 10:10

Bualu padi muntu witaba mu muoyi wende, Mvidi Mukulu udi umubingisha kumpala kuende. Padi muntu utonda mukana muende, Mvidi Mukulu udi umusungidila.

2 Korente 9:5

Ke pamvua muele meji ne: ndi ne bua kusengelela bana hetu aba, bua badianjile kuenu aku kumpala kuanyi. Basangishe muaba umue binuvua balaye ne muoyi wa kalolu. Nanku pangafika, nembisangane. Ke munudi mua kuleja bantu munudi nubifila ne muoyi wenu mujima, kabayi banuenzeja malu ku bukole.

Yoshua 9:24

Bena Ngibone kuandamuna ne: — Teleja tshitudi benzela bionsu ebi. Tuetu tuvua bamane kumvua muvua Maweja-Nangila Mvidi Mukulu webe muambile Moshe, muntu wende, bua kunupa ditunga edi dijima. Uvua mumane kunuambila bua nuenu kubutula bena ditunga edi ku kakese ku kakese, panudi nuenda nusemena. Nanku tuvua banutshine bikole. Tuvua bakeba kudipandisha ku lufu.

Yoshua 9:9

Kuandamunabu ne: — Tuetu tudi bapika bebe. Tudi bafume mutantshi mule. Bualu tudi bamane kumvua lumu lua Maweja-Nangila Mvidi Mukulu webe. Tudi bamanye malu a dikema avuaye muenze mu ditunga dia Ejipitu.

1 Samuele 25:27

Angata bintu bia disanka bindi mukutuadile, ubiabanyine bansongalume baudi nabu.

1 Samuele 9:7

Shawule kukonka muena mudimu ne: — Patuafika kudi muambi awu, netumupeshe tshinyi? Katuena kabidi ne mampa mu mifuku yetu to. Katuena nansha ne tshintu tshia disanka tshia kumulambula. Tudi tshianana.