2 Bakalenga 5:14 - MUKANDA WA MYIDI MUKULU

¹⁴ Namane kuya ku Yardene, kudiina mu mayi misangu muanda mutekete, bu muvua muambi Elisha mumuambile. Nanku disama diende kujikadi. Dikoba diende kushala bu dia muana mutekete.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Hashishe wakahueka, wakadila mu mai a Yadene misangu muanda mutekete bu muakadi dî dia muntu wa Nzambi; musunyi wakahingana bu wa muana mukese, wakadi muakane.

2 Bakalenga 5:14 ပူးပေါင်းရင်းမြစ်များ

1 Bakalenga 17:16

Bukula kabuvua bujika mu mulondu, mafuta kaavua majika mu kasu to, anu muvua Maweja-Nangila muambile muambi Eliya.

2 Bakalenga 4:35

Elisha kujuka, kuenda mu nzubu awu, utua eku ne eku. Pashishe kulalaye kabidi pambidi pa muana. Muana kuela nyashi misangu muanda mutekete, kutabalaye.

2 Bakalenga 5:10

Muambi Elisha kutuma muntu bua kumuambila ne: — Uye kudiina mu mayi a Yardene misangu muanda mutekete. Disama diebe nedijike. Kuakuikala kabidi ne mikiya to.

2 Kulondolola 20:20

Patshiatshia kuyabu bonsu mu tshipela tshia Tekowa. Pa kuyabu, Yosafate kubambila ne: — Bena Yerushalayime, bena Yuda, ntelejayi! Tekemenayi kudi Maweja-Nangila Mvidi Mukulu wenu. Nenupete bukole. Tekemenayi kudi bambi bende. Nenutshimune mvita!

Yobe 31:13

Pavua muena mudimu wanyi mulume, nansha muena mudimu mukaji ne bualu, mvua mmuteleja, mmulongoluela tshilumbu anu mu buakane.

Yobe 33:25

Ke muntu kupeta tshiakabidi mubidi mukole muimpe, bu wa diba ditshivuaye nsongalume.

Ekesode 4:7

Maweja-Nangila kuambila Moshe ne: — Pingaja tshianza tshiebe pa tshiadi. Moshe utshipingaja, utshiumusha kabidi. Tshianza kushala muatshi mua kale katshiyi ne disama dia nsudi to.

Nsumuinu 9:9

Tshiudi wambila muena meji, tshidi tshivudija meji ende. Tshiudi ulongesha muntu muakane, tshidi tshidiundisha dimanya diende.

Lewitiki 13:58

“Padibu basukula tshintu atshi, dikeji dijika, batshisukulule musangu muibidi, bua tshishale katshiyi ne mikiya.”

Zekâya 13:1

Dituku adi, mpokolu wa mayi neabudike bua kusukula bubi ne malu mabi a ndelanganyi ya Davide ne a bena Yerushalayime.

Zekâya 14:8

Dituku adi, mpokolu neabudike mu Yerushalayime, tshia bibidi tshimue tshia mayi awu, netshipuekele ku Mayi manene a luepu, tshia bibidi tshikuabu netshipuekele ku Mayi manene a pankatshi. Nebienzeke nanku tshidimu tshijima, mu mushipu, nansha mu mvula.

Luke 4:27

Mu tshikondu tshia muambi Elisha, muvua kabidi bena nsudi bavule mu Izrayele. Kadi nansha umue wa kudibu kabena bajikija disanka diende, kadi anu dia Naamane wa mu ditunga dia Siriya.

Luke 5:13

Yezu kuolola tshianza, kumulenga, wamba ne: — Ndi musue, mubidi webe wakane! Diakamue nsudi kujika pambidi pa muntu awu.

Yowanane 2:5

Mamuende wa Yezu kuambila bena mudimu ne: — Nuenze muonsu muanuambilaye.

Tite 2:14

Yeye mene uvua mudifile buetu tuetu, bua kutupikula ku bubi buonsu, kutulengeja, kutuenza bantu bende badi bamuitaba amu Yeye, benza midimu mimpe ne disuminyina.

Yoshua 6:4

Batuangaji muanda mutekete nebadianjidile kumpala kua mushete wa tshijila. Mutuangaji yonsu neikale ne mpungi. Kadi dituku dia muanda mutekete, nenunyungulule tshimenga misangu muanda mutekete. Batuangaji nebikale benda bela mpungi.