2 Bakalenga 5:13 - MUKANDA WA MYIDI MUKULU

¹³ Kadi bena mudimu ba Namane, kusemena pabuipi nende, bamukonka ne: — Mfumu, bu muambi Elisha mukuambile bua kuenza bualu bunene, kuvua mua kubuenza anyi? Kadi, udi ubenga bua kuenza tshidiye mukuambile, bua kuowa anu mayi, disama diebe kujikadi, bua tshinyi?

Mukanda wa Nzambi Dihungila Dikulukulu ne Dihungila Dihia-dihia 2003

¹³ Hashishe bantu bandi bakasemena ha buihi nʼandi, bakamukonka ne, Tatu wetu, bu muprofete mukuambile bua wewe kuenza bualu bunene, kuakadi kubuenza, anyi? Bualu budi butamba kukutonda muakuambeye ne, Wowe mai, wikale muakane, munyi?

2 Bakalenga 5:13 ပူးပေါင်းရင်းမြစ်များ

Genese 41:43

Kumubandishaye mu ditempu divuabu babande amu kudi tshindonda tshiende. Bantu bavua banyema badianjidila kumpala kuende, bela mbila, bamba ne: “Mushilayi njila, apite”. Ke muvua Yozefe mupete bumfumu bua ditunga dijima dia bena Ejipitu nanku.

1 Bakalenga 20:23

Balombodi ba mu bukalenga bua bena Siriya, kuambilabu mukalenga wabu ne: — Mvidi Mukulu wa bena Izrayele udi Mvidi Mukulu wa ku mikuna, ke padi bena Izrayele batupite bukole. Kadi, tuye kuluangana nabu mu mpata, netubapite bukole bulelela.

1 Bakalenga 20:31

Balombodi ba mu bukalenga bua Benadade, kumuambila ne: — Teleja, tudi bumvue ne: bakalenga ba bena Izrayele badi ne luse lua bungi. Nanku, tudi basue kuvuala bilamba bikayabale, kudisuika mionji mu nshingu, bua tuye kumonangana ne Akabe, mukalenga wabena Izrayele. Misangu mikuabu kena mua kukushipa to.

2 Bakalenga 13:14

Disama dia lufu kukuata muambi Elisha. Nanku, Yowashe, mukalenga wa bena Izrayele, kuya kudi muambi Elisha, kumupukila, udila, wamba ne: — Tatu wanyi! Tatu wanyi! Wewe udi mupite matempu a mvita ne babandi ba pa nyama ya tubalu bonsu ba bena Izrayele!

2 Bakalenga 2:12

Elisha umona nanku, kuelaye lubila ne: — Tatu wanyi! Tatu wanyi! Wewe udi mupite matempu a mvita onsu ne babandi ba pa tubalu bonsu ba bena Izrayele. Pavua Elisha kayi mumone kabidi Eliya, kupandaye bilamba biende bipese bibidi.

2 Bakalenga 5:10

Muambi Elisha kutuma muntu bua kumuambila ne: — Uye kudiina mu mayi a Yardene misangu muanda mutekete. Disama diebe nedijike. Kuakuikala kabidi ne mikiya to.

2 Bakalenga 5:3

Dituku dikuabu, nsongakaji awu kuambila mfumuende wa mudimu, mukaji wa Namane, ne: — Bulelela, bu mfumuanyi Namane muye kudi muambi udi mu tshimenga tshia Samariya, muambi awu udi mua kujikija disama diende dia nsudi lukasa.

2 Bakalenga 6:21

Anu mukalenga wa bena Izrayele umona bena mvita abu bonsu, kukonkaye muambi Elisha ne: — Tatu wanyi, mbimpe kubashipa anyi?

2 Bakalenga 8:9

Azayele kuya kumonangana ne muambi Elisha. Uvua mutuadile muambi bintu bimpe bia disanka bia mu Damase, biambula kudi nyama ya tumelu makumi anayi. Azayele ufika kudi muambi Elisha, kumuambila ne: — Muena mudimu webe Benadade, mukalenga wa bena Siriya ke udi muntume ewu. Uvua mungambile bua kukukonka bua disama diende ne didi mua kujika?

Misambu 51:2

Musambu ewu mmusake tshikondu tshivua muambi Natane mumonangane ne Davide, yeye mumane kubuelela Batsheba mu nzubu.

Misambu 51:7

Eyowa, ndi muenji wa malu mabi, katshia bandela, muena tshibawu, katshia bangimita.

Yeshaya 1:16

Dilongololayi, nudikobolole, nubenge buenzayi, tshibumvu kabidi nansha. Kanuenji kabidi bibi to.

Malaki 1:6

— Meme Maweja-Nangila wa bukole buonsu, ndi ngambila batuangaji ne: Muana wa balume udi unemeka tatuende, muena mudimu udi unemeka mfumuende. Kadi meme tshiena tatuenu anyi? Tshiena mfumuenu anyi? Nanku kanuena nunnemeka, kanuena nuntshina bua tshinyi? Nudi numpetula, nunkonka ne: “Tudi bakupetule munyi?”

Matayi 23:9

Pa buloba kanubikidi muntu ne: “Tatu.” Bualu Tatu wenu udi amu umue, wa mu diulu.

Yowanane 13:8

Petro kumuamba ne: — To, katshia kuena mua kungowesha mayi ku makasa nansha! Yezu kumuandamuna ne: — Meme tshiyi mukuoweshe mayi ku makasa, kuena mua kupeta kabidi tshintu nansha tshimue kundi.

Yowanane 9:7

Kumuambilaye ne: — Uye kuowa mayi ku mesu ku dijiba dia Silowa. (Dina adi Silowa didi diumvuija ne: “Mutumibue”.) Mpofu kuya ku dijiba, kuowa mayi ku mpala, kupingana umona.

Bienzedi 22:16

Kadi mpindiewu tshiudi windila kabidi ntshinyi? Jukaku, bakutue mu mayi, utonde mu dina dia Yezu, bua mibi yebe ijimine.”

1 Korente 1:21

Bualu Mvidi Mukulu mmuleje meji ende mu bionsu. Kadi bantu ne meji abu nkayabu kabavua mua kujingulula mudi Mvidi Mukulu. Ke padi Mvidi Mukulu musue kusungidila bena ditaba ku dilongesha dietu dia Lumu lua Disanka, nansha badiamba ne: ndia bupale.

1 Korente 1:27

Kadi bua kufuisha bena meji bundu, Mvidi Mukulu mmusungule bidi bantu batangila bu bia bupale. Bua kufuisha badi ne bukole bundu, mmusungule bidi bantu batangila bu bidi kabiyi ne bukole.

1 Korente 4:15

Bualu, nansha nuenu bapete balongeshi binunu dikumi, badi banuludika mu njila wa Yezu Kristu, kadi tatuenu udi anu umue. Bualu bu mumvua munutuadile Lumu lua Disanka, ndi mudienze tatuenu mu njila unudi nulonda badisange ne Yezu Kristu.

Tite 3:5

ke Yeye kusungidila, ki mbua midimu mimpe ituvua benze, kadi anu bua luse luende. Uvua mutusungidile, bualu bavua bafume mu mayi, batulele tshiakabidi, batupeshe muoyi mupiamupia kudi Mueyelu wa Tshijila.

Ebrewu 10:22

Nenku tusemenayi kudi Mvidi Mukulu ne muoyi umue, bashindame mu ditaba dietu, bamane kulengeja muoyi wetu ku bilema bionsu bidi kondu ketu ka munda katupisha nabi, bamane kuowesha mubidi wetu ne mayi mimpe.

1 Petro 3:21

Mayi aa adi tshimfuanyi tshia mayi mudibu banutua mpindiewu bua kunusungidila. Kabena batua muntu mu mayi aa, amu bua kumusha manyanu a pambidi. Kadi badi balomba Mvidi Mukulu bua umushe mibi yonsu idi kondu kenu ka munda kanupisha. Padibu banutua mu mayi, Mvidi Mukulu udi unusungidila, bualu Yezu Kristu mmubike ku bafue,

Didimanyisha 7:14

Meme kumuandamuna ne: — Mfumu wanyi, tshiena mumanye. Amu wewe ke udi mua kumanya. Ke kungambilaye ne: — mBantu bavuabu bakengeshe bikole, kadi kabayi bateketa. Bavua basukule mintumpu yabu, bayitokeshe mu mashi a Muana wa mukoku.

1 Samuele 24:11

Lelu ewu, ujadike ne: Maweja-Nangila uvua mukufile mu bianza bianyi mu lubuebue emu. Bakungambila bua meme kukushipa. Kadi meme kukufuila luse. Tshivua musue kukushipa to. Bualu Maweja-Nangila ke uvua mukusungule bua wikale mukalenga.

1 Samuele 28:23

Shawule kubenga mua kudia biakudia nansha bikese. Kadi bantu bavuaye nabu ne mukaji muena lubuku, kumusengelela bikole. Nanku kuitabaye. Kujukaye panshi, kusomba pa bulalu.