2 Bakalenga 5:1 - MUKANDA WA MYIDI MUKULU

¹ Mukalenga wa bena Siriya, uvua ne mfumu mulombodi wa bena mvita bende, dina diende Namane. Mukalenga wa bena Siriya uvua usanka bua bionsu bivua Namane wenza. Kabidi uvua wenzela Namane bimpe, bualu Maweja-Nangila uvua mupeshe Namane bukole, bua bena Siriya bamone mua kutshimuna baluishi babu. Nanku, Namane ewu, uvua tshilobu tshia mvita tshia kalanda-musenga, kadi uvua ne disama dia nsudi.

Mukanda wa Nzambi Dihungila Dikulukulu ne Dihungila Dihia-dihia 2003

¹ Nâmana, kapitene ka masalayi a mukelenge wa Bena Sulia, wakadi muntu munene wa butumbi ku mesu kua mukelenge wandi, bualu bua Yehowa wakalesha Bena Sulia luhandu ku tshianza tshiandi; yeye kabidi wakadi muena bukitu, kadi wakadi muena nsudi.

2 Bakalenga 5:1 ပူးပေါင်းရင်းမြစ်များ

2 Samuele 3:29

Amu Yowabe ne bena mu nzubu wende bonsu, ke bena tshibawu. Ku ndelanganyi yende mu bikondu bionsu, muntu neapete disama dia tufina tupatuka mu mubidi, nansha nsudi, ikale wenda ne dikombu, afue ku muela wa mvita, apanga biakudia!

2 Bakalenga 4:8

Dituku dikuabu, Elisha uvua upitshila mu musoku wa Shuneme. Mu musoku awu, muvua mukaji mubanji. Mukaji awu, kusengelela Elisha bua alue kudia biakudia kuende. Nanku, biangatshile dituku adi, pavua Elisha upitshila mu buloba abu, uvua anu uya kudia biakudia kua mukaji awu.

2 Bakalenga 5:2

Kadi, pavua bena Siriya baye bua kubuela mu ditunga dia bena Izrayele, kunyenga bintu, kukuatabu nsongakaji wa mu ditunga adi bua kuikalaye mupika. Nsongakaji awu kushala wenzela mukaji wa Namane mudimu.

2 Bakalenga 5:27

Bualu, disama dia nsudi divua nadi Namane nedikuambulukile, wewe ne ndelanganyi yebe kashidi! Ngeyazi umuka muaba uvua muambi Elisha, mubidi wende uvua mutoke too bu busu bua ndanda ne disama dia nsudi.

2 Bakalenga 7:3

Bena nsudi banayi bavua pambelu ku tshiibi tshinene tshia tshimenga, kuambilanganabu ne: — Tudi basombe muaba ewu bindila lufu bua tshinyi?

Estere 10:3

Nenku Mordekayi muena Yuda, kushala muntu wa butumbi mu bukalenga, ulonda Ahashaveroshe ku bumfumu. Bana babu bonsu bena Yuda bavua bamunange ne bamunemeke bikole. Uvua ubenzela mudimu bua diakalenga diabu, ubakuila bua kubapesha ditalala.

Estere 9:4

Mordekayi uvua ne muanzu munene mu nzubu wa bukalenga. Lumu luende luvua lumanyike too ne mu matunga a ku mpenga. Bumfumu buende buvua buenda bukola.

Ekesode 11:3

Maweja-Nangila kuambuluisha bena Izrayele. Kupetabu diakalenga kudi bena Ejipitu. Kabidi Moshe uvua ne lumu lunene mu ditunga dia Ejipitu. Bavua bamunemeke bikole kudi balombodi ba mu bukalenga ne kudi bena Ejipitu bakuabu bonsu.

Nsumuinu 21:31

Badi bavuadika nyama ya tubalu bia kuluangana nabi, bua kuya mu mvita. Kadi anu Maweja-Nangila ke udi utshimuna.

Luke 4:27

Mu tshikondu tshia muambi Elisha, muvua kabidi bena nsudi bavule mu Izrayele. Kadi nansha umue wa kudibu kabena bajikija disanka diende, kadi anu dia Naamane wa mu ditunga dia Siriya.

Yowanane 19:11

Yezu kumuandamuna ne: — Kuena ne bumfumu nansha bumue pambidi panyi, pa kumusha buvua Mvidi Mukulu mukupeshe. Nanku muntu uvua mmufile kuudi, udi ne tshibawu tshipite tshiebe.

Rome 15:18

Bualu meme musue kutela bualu kampanda, ndi ngamba amu bivua Kristu muenze kundi, bua kufikisha bantu ba bisamba bikuabu ku ditumikila Mvidi Mukulu. Uvua muenze nanku ku bimvua muambe, ne ku bimvua muenze,

2 Korente 12:7

mBandeje malu adibu kabayi mua kumvuija. Kadi bua tshimonyi mua kuditambisha, Mvidi Mukulu mmumpeshe dikenga dinene. Mutumibue wa diabolu mmuntatshishe bua tshiditembi.

Dielulula 2:37

Nanku katuena bafike mu ditunga dia bena Amone, ne mu misoku yonsu idi ku luseke ludi diba dipatukila lua musulu wa Yaboke, ne mu bimenga bionsu bidi pa mikuna, ne miaba ivua Maweja-Nangila Mvidi Mukulu wetu munkandike bua katufikimu.