2 Bakalenga 4:43 - MUKANDA WA MYIDI MUKULU

⁴³ Kadi muena mudimu kumukonka ne: — Biakudia ebi, ndi mua kudisha nabi bantu lukama munyi? Muambi Elisha kumuambila kabidi ne: — Abanyine bantu bonsu biakudia ebi, bualu Maweja-Nangila udi wamba ne: “Muntu yonsu neapete biakudia bikumbane, bikuabu nebishale.”

Mukanda wa Nzambi Dihungila Dikulukulu ne Dihungila Dihia-dihia 2003

⁴³ Muntu wandi wakamuebesha ne, Bundi nʼabu mbua kuteka bintu ebi ku mesu kua bantu lukama, anyi? Kadi yeye wakamuambila ne, Uhe bantu, badie, bualu bua Yehowa udi wamba ne, Bobo nebadie ne bintu nebishale.

2 Bakalenga 4:43 ပူးပေါင်းရင်းမြစ်များ

Dibadika 11:13

Munyinyi wa kudia, udi bena Izrayele bonsu aba bandomba, badila ne muadi, meme ndi mua kuupeta kuepi?

Dibadika 11:23

Maweja-Nangila kuandamuna Moshe ne: — Meme ndi ne bukole bua kukumbaja bionsu abi. Wewe nkayebe neudimuene amu mpindiewu mundi mbikumbaja.

Matayi 14:20

Muntu yonsu uvua mudie muukute. Balongi kukunguja bisunsukile bivua bishale, bibondu dikumi ne bibidi tente.

Matayi 15:37

Muntu yonsu kudia kuukuta. Balongi kusangisha bisaka muanda mutekete biwule tente ne bisunsukila.

Marke 8:20

Yezu kubakonka kabidi ne: — Pamvua mutshibule mampa muanda mutekete bua bantu binunu binayi, nuvua bumbule bisaka biuwule tente bungi bishi? Bobu kuandamuna ne: — Bisaka muanda mutekete.

Marke 8:4

Balongi bende kumukonka ne: — Mpenyi patudi mua kupeta bia kubadisha buonsu buabu mu tshipela emu?

Luke 9:13

Kadi Yezu kubandamuna ne: — Nuenu mene nubapeshe biakudia. Balongi kumuandamuna ne: — Tudi amu ne mampa atanu ne mishipa ibidi. Kadi udi musue tuye kusumbila bantu bonsu aba biakudia anyi?

Luke 9:17

Bonsu bavua badia, buukuta. Balongi kukunguja bivua bishale mu bibondu dikumi ne bibidi tente.

Yowanane 6:9

— Kudi nsongalume muaba ewu udi ne mampa a orje atanu ne mishipa ibidi. Kadi binebi, bua bantu bungi nenku, tshienzabi ntshinyi?