2 Bakalenga 4:30 - MUKANDA WA MYIDI MUKULU

³⁰ Kadi mamuende wa muana kuambila muambi Elisha ne: — Bu mudi Maweja-Nangila ne muoyi, ne wewe kabidi muikale ne muoyi, tshiena mua kupingana nkayanyi, katuyi nebe! Nanku Elisha kuya ne mukaji awu.

Mukanda wa Nzambi Dihungila Dikulukulu ne Dihungila Dihia-dihia 2003

³⁰ Mamu wa muana wakamba ne, Bu mudi Yehowa ne muoyo ne bu mudi mutshima webe ne muoyo, tshiena nkulekela. Yeye wakajuka, wakamulonda.

2 Bakalenga 4:30 ပူးပေါင်းရင်းမြစ်များ

Genese 32:27

Pashishe muntu kampande awu kuambila Yakobe ne: — Ndekela nya, bualu butuku mbumane kutshia. Yakobe kuandamuna ne: — Bua meme kukulekela amu wewe mungele lupemba.

2 Bakalenga 2:2

Tshitupa tshikese, Eliya kuambila Elisha ne: — Ushale muaba ewu. Maweja-Nangila mmuntume ku Betele. Kadi Elisha kumuandamuna ne: — Bu mudi Maweja-Nangila ne muoyi, ne muudi wewe ne muoyi, ndi nditshipa ne: tshiena nkushiya to! Nanku, kuyabu bonsu babidi ku Betele.

2 Bakalenga 2:4

Eliya kuambila kabidi Elisha ne: — Shala muaba ewu, Maweja-Nangila mmuntume ku Yeriko. Kadi Elisha kumuandamuna ne: — Bu mudi Maweja-Nangila ne muoyi, ne muudi wewe nawu, ndi nditshipa ne tshiakukushiya to. Nanku, kuyabu bonsu babidi ku Yeriko.

2 Bakalenga 2:6

Eliya kuambila kabidi Elisha ne: — Ushale muaba ewu. Maweja-Nangila mmuntume ku muelelu wa Yardene. Kadi Elisha kumuandamuna ne: — Bu mudi Maweja-Nangila ne muoyi, ne bu muudi wewe ne muoyi, ndi nditshipa ne: tshiena nkushiya to! Nanku, kuyabu bonsu babidi!

2 Bakalenga 6:3

Kadi muambi mukuabu wa ku bambi abu, kuandamuna ne: — Mfumu, mbimpe tuye nebe! Muambi Elisha kuandamuna ne: — Eyowa, ndi nya nenu.

1 Samuele 1:26

Ane kukonka mutuangaji Eli ne: — Utshidi muvuluke mukaji uvua muimane muaba ewu dituku dikuabu, pabuipi nebe bua kulomba Maweja-Nangila anyi? Amu bu muudi ne muoyi bulelela, ndi nkujadikila ne: mukaji awu mmeme.