2 Bakalenga 4:29 - MUKANDA WA MYIDI MUKULU

²⁹ Elisha kukonka Ngeyazi ne: — Udi mumane kudilongolola bua kuya anyi? Angata dikombu dianyi dia buambi, uye ku Shuneme. Wewe musangile ne muntu mu njila, kuimanyi bua kumuela muoyi to. Padi muntu musue kukuela muoyi, kujimiji diba bua kuyukila nende to. Pawafika, uteke dikombu dianyi pa mpala pa muana.

Mukanda wa Nzambi Dihungila Dikulukulu ne Dihungila Dihia-dihia 2003

²⁹ Hashishe yeye wakambila Gehazi ne, Suika mukaba webe, wangate mulangala wanyi mu tshianza tshiebe, ya mu nshila webe; biwasangakena ne muntu, kumuedi muoyo nansha; biakuela muntu muoyo, kuitabi nansha; ya, uteke mulangala wanyi ha mpala ha muana

2 Bakalenga 4:29 ပူးပေါင်းရင်းမြစ်များ

1 Bakalenga 18:46

Muambi kusuika mukaba wende mu tshimonu bua kuya. Maweja-Nangila kumupa bukole bua bungi. Kunyemaye lubilu kumpala kua ditempu dia Akabe too ne pafikibu mu Yizreyele.

2 Bakalenga 2:14

Kuambulaye tshinkutu atshi, kutuuta pa mayi a musulu, wamba ne: — Maweja-Nangila Mvidi Mukulu wa Eliya, udi penyi? Eyowa, udi penyi? Kutuutaye tshinkutu pa mayi a musulu. Mayi kupanduluka eku ne eku. Elisha kusabuka.

2 Bakalenga 2:8

Eliya kukopola tshinkutu tshiende tshivuaye natshi, kutshibunya, kutshituila pa mayi. Mayi kupanduluka eku ne eku. Nanku, bonsu babidi kusabuka ku makasa kume.

2 Bakalenga 4:12

Ke muambi Elisha kutuma muena mudimu wende Ngeyazi bua kubikila muena nzubu awu. Mukaji awu kufika ku tshibambalu aku,

2 Bakalenga 9:1

Dituku dikuabu, muambi Elisha kubikila nsongalume wa mu tshisumbu tshia bambi, kumuambila ne: — Udilongolole, ndi nkutuma ku luendu. Angata kalondu ka mafuta a tshijila aka. Uye mu tshimenga tshia Ramote mu ditunga dia Ngilaade.

Ekesode 14:16

Kadi, wewe olola dikombu diebe pa mayi, apanduluke. Bena Izrayele basabuke ku makasa kuma.

Ekesode 4:17

Ukuate kabidi dikombu edi mu tshianza, wenze nadi bishima.

Nsumuinu 31:17

Udi ukuata mudimu muende muonsu, kayi upungila to.

Luke 10:4

Kanuangatshi tshibuta tshia makuta, nansha tshia luendu, nansha bisabata. Kanuimanyi mu njila bua kuela muntu muoyi.

Bienzedi 19:12

Bavua bateka pambidi pa babeedi bilamba, nansha tulamba, bivua bilenga mubidi wa Polu. Babeedi kumvua amu bilenga, mikishi mibi kumuka kudibu.

Bienzedi 3:16

Muntu ewu unudi bamona, kabidi bamanye, udi wenda ku bukole bua dina dia Yezu, ne bua ditaba divuaye nadi pa dina adi. Bu muvuaye muitabe Yezu, ke padiye wenda bimpe kashidi, bu munudi bamumona mujukilamu.

Efeze 6:14

Nanku, dilongololayi: suikayi bulelela bu mukaba mu tshimonu. Vualayi buakane bu kazaku ka mvita kela pambidi.

1 Petro 1:13

Nanku nudilongolole bua numone mua kukuata mudimu. Nutabale muenu muonsu, batekemene bikole dipa dianupeshabu dituku diamueneka Yezu Kristu.