2 Bakalenga 4:23 - MUKANDA WA MYIDI MUKULU

²³ Bayende kumukonka ne: — Udi uya kudi muambi lelu bua tshinyi? Ki ndituku dia tshibilu tshia ngondu mupiamupia, nansha dituku dia Dikisha mene! Mukaji kuandamuna ne: — Kupampakanyi to!

Mukanda wa Nzambi Dihungila Dikulukulu ne Dihungila Dihia-dihia 2003

²³ Yeye wakamuebesha ne, Udi musue kuya kudiye lelu bua tshinyi? Edi kandituku dia lumingu ne ngondo kena muanze kubala. Mukashi wakamuambila ne, Bualu nebuikale buakane.

2 Bakalenga 4:23 ပူးပေါင်းရင်းမြစ်များ

2 Bakalenga 4:22

kubikila bayende, umuambila ne: — Ntumina muena mudimu ne nyama wa mpunde. Ndi nya lukasa kudi muambi wa Mvidi Mukulu. Nempingane.

2 Bakalenga 4:24

Kusuikaye biseba bia kusomba pa nyama wa mpunde. Kuambilaye muena mudimu ne: — Tuyeku lubilu ne nyama wa mpunde, umusake too ne muaba undi nkuambila bua kuimana.

1 Kulondolola 23:31

nangananga misangu yonsu idibu bamulambula milambu ya kuosha, dituku dia Dikisha, dituku dia kumpala dia ngondu, nansha matuku makuabu a bibilu. Diba dionsu badi ne bua kukumbaja midimu yabu kumpala kua Maweja-Nangila, bantu bikale bungi bukumbane buvuabu babafundile.

Amosa 8:5

Nudi nuebejangana ne: “Bibilu bia ngondu mupiamupia nebijike diba kaayi, bua tumone mua kupana tshiakabidi ntete yetu ya kuenza bukula! Dituku dia Dikisha ki ndijike anyi, bua tumone mua kukangula, biibi bia mayeba etu! Netukepeshe bipimu bia ntete, netubandishe mushinga. Netunyangakaje tshiamu tshia kupima natshi bua tumone mua kudinga bantu.”

Dibadika 10:10

Panudi nuenza tshibilu dituku dia kumpala dia ngondu yonsu, nansha tshibilu tshia mushindu mukuabu, nenuele mpungi diba didibu bandambula milambu ya kuosha, nansha milambu ya bobumue. Nanku, nennuvuluke. Meme ndi Maweja-Nangila Mvidi Mukulu wenu.”

Dibadika 28:11

“Dituku dia kumpala dia ngondu yonsu, nungoshile meme Maweja-Nangila ngombe milume ibidi, mukoku wa tshimpanga, ne bana ba mikoku muanda mutekete, badi bamane kukumbaja tshidimu tshijima. Bimuna bionsu abi, kabikadi ne bulema pambidi to.

Dibadika 28:9

“Dituku dia Dikisha, nundambule bana ba mikoku babidi, badi bamane kukumbaja tshidimu tshimue, kabayi bulema pambidi to. Nusakidile kabidi kilo isambombu ya bukula, busambakaja ne mafuta, kabidi ne maluvu a mvinyo.

1 Samuele 20:5

Davide kumuandamuna ne: — Malaba ne kuikala tshibilu tshia dibala dia ngondu mupiamupia. Meme mvua ne bua kuikala ku didia dia tshibilu atshi didi mukalenga mulongolola. Kadi, anyisha bua meme kumuka malaba, ne dituku didi dilonda. Nennye kusokoma mu tshisuku too ne ku dilolu dia dituku dibidi adi.