2 Bakalenga 4:2 - MUKANDA WA MYIDI MUKULU

² Elisha kumukonka ne: — Tshindi mua kukuenzela ntshinyi? Ungambile tshiudi natshi ku nzubu kuebe? Mukaji kuandamuna ne: — Tshiena ne tshintu to. Ndi mushale anu ne tufuta tukese mu kasu, tundi ndilaba pambidi.

Mukanda wa Nzambi Dihungila Dikulukulu ne Dihungila Dihia-dihia 2003

² Elisha wakamuebesha ne, Udi musue meme nkuenzele tshinyi? Ungambile tshiudi nʼatshi mu nsubu muebe. Yeye wakamuambila ne, Muntu webe mukashi kena ne tshintu mu nsubu anu kasu ka manyi.

2 Bakalenga 4:2 ပူးပေါင်းရင်းမြစ်များ

1 Bakalenga 17:12

Mukaji kuandamuna ne: — Bu mudi Maweja-Nangila Mvidi Mukulu webe ne muoyi, ndi nkujadikila ne: tshiena ne diampa to. Ndi mushale anu ne dianza dia bukula mu mulondu, ne mafuta makese mu kasu. Ndi mufike muaba ewu bua kuangula tukunyi, bua kuya kulamba biakudia bidi bishala abi, bua meme kudia ne muananyi wa balume. Patuadia biakudia abi netufue, bualu katuena ne bikuabu to.

2 Bakalenga 2:9

Bobu bamane kusabuka, Eliya kuambila Elisha ne: — Undombe tshiudi musue, bua meme kukuenzela, bangabanga ne Maweja-Nangila kungambula, bua tuetu kushiyangana nebe. Elisha kuandamuna ne: — Ndi musue kupiana mueyelu webe wa buambi misangu ibidi bukole buawu. Eliya kumuandamuna ne:

2 Bakalenga 4:3

Elisha kumuambila kabidi ne: — Uye kudi bena mutumba nebe, usombe biasu bikuabu bia mafuta bia munda mutupu. Kadi, usombe bia bungi.

Ekesode 4:2

Maweja-Nangila kukonka Moshe ne: — Tshiudi natshi ku bianza atshi ntshinyi? Moshe kuandamuna ne: — Ndi ne dikombu.

Matayi 15:34

Yezu kubebeja ne: — Nudi ne mampa bungi munyi? Bobu ne: — Tudi ne mampa muanda mutekete, ne tushipa tukese.

Bienzedi 3:6

Ke Petro kumuamba ne: — Tshiena ne lukanu lua tshiamu tshitoke tshia mushinga mukole, nansha lua tshiamu tshia mpawungi. Kadi tshindi natshi, ndi nkupeshatshi: mu dina dia Yezu Kristu wa mu Nazarete, ndi nkuamba ne: juka, enda!

2 Korente 6:10

Badi batubungamija, kadi tudi tuleja amu disanka. Tudi tumueneka bu bapele, kadi tudi tunemesha bantu bavule. Tudi tumueneka bu badi ku bianza kutupu, kadi tudi ne bionsu.

Yakobe 2:5

Bana hetu basuibue, telejayi: Mvidi Mukulu mmusungule bapele ba panu, bua bikale bena biuma mu ditaba, bapete Bukalenga buvua Mvidi Mukulu mulaye badi bamunanga.