2 Bakalenga 4:13 - MUKANDA WA MYIDI MUKULU

¹³ Elisha kuela Ngeyazi diyi, bua ambile mukaji awu ne: — Udi muditatshishe bikole bualu buetu. Tshitudi mua kukuenzela ntshinyi? Udi musue tukuakuile kudi mukalenga, nansha kudi mfumu wa bena mvita anyi? Mukaji kuandamuna ne: — Nansha kakese, tuasakidilayi. Meme ndi munkatshi mua bena tshisamba tshietu. Tshiena nkengela tshintu to.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Yeye wakambila Gehazi ne, Umuambile ne, Mona, wewe wakatulesha dikuatshisha edi dinene, tuetu netukuenzele wewe tshinyi? Udi musue tuetu tukuakuile kudi mukelenge anyi kudi kapitene ka masalayi, anyi? Yeye wakamukudimuna ne, Ndi mushikame munkatshi mua bana betu.

2 Bakalenga 4:13 ပူးပေါင်းရင်းမြစ်များ

Genese 14:24

Meme tshiena ngangata tshintu nansha tshimue pa kumusha biakudia bivua bantu banyi badie. Kabidi bantu bonsu batuvua nabu mu mvita bangambuluisha abu: Anere, Eshekole ne Mambre, bobu nkayabu nebadiangatshile tshiabu tshitupa tshia bintu.

2 Samuele 19:13

Nuenu nudi bana babu ne mukalenga Davide menemene. Nanku, kanuikadi ba ndekelu bua kumupingaja to.”

1 Bakalenga 2:32

Bualu Abnere, muana wa Nere, mfumu wa bena mvita ba bena Izrayele, ne Amasha, muana wa Yetere, mfumu wa bena mvita ba bena Yuda, bavua bantu ba nsongu bapite Yowabe. Kadi Yowabe uvua mubashipe, tatu wanyi Davide kayi mumanye. Nanku Maweja-Nangila nkayende neasombuele Yowabe bua bantu aba bavuaye mushipe!

2 Bakalenga 4:12

Ke muambi Elisha kutuma muena mudimu wende Ngeyazi bua kubikila muena nzubu awu. Mukaji awu kufika ku tshibambalu aku,

2 Bakalenga 4:14

Elisha kukonka Ngeyazi ne: — Tumuenzele tshinyi? Ngeyazi kuandamuna ne: — Kena ne muana wa balume to. Kabidi bayende ukadi mumane kukulakaja.

2 Bakalenga 8:1

Dituku dikuabu, muambi Elisha kuambila mukaji, muena muana uvuaye mubishe ku lufu, ne: — Umuka munemu ne bena nzubu webe, nuye kusomba muaba unudi basue. Bualu Maweja-Nangila mmusue kutuma tshiyole tshia nzala mu ditunga dia bena Izrayele. Tshiyole atshi, tshikadi tshituadija anu mpindiewu. Netshinenge bidimu muanda mutekete.

2 Bakalenga 9:5

Yeye mumane kufika, kusangana bamfumu ba bena mvita ba bena Izrayele mu tshisangilu. Muambi nsongalume kuamba ne: — Mfumu ndi ne bualu bua kukuambila! Yehu kumukonka ne: — Kutudi eku udi musue kuyukila ne nganyi? Muambi nsongalume kuandamuna ne: — Mfumu, anu wewe.

Misambu 37:3

Tekemena kudi Maweja-Nangila, enza bimpe, neushale mu ditunga, usombemu talalaa.

Rome 16:2

Numuakidile mu dina dia Mfumu, mudi bena tshisamba tshia Mvidi Mukulu ne bua kuakidilangana. Numuambuluishe mu malu onsu adiye mua kuikala nenu dijinga. Yeye mene uvua muambuluishe bantu bavule, nangananga meme.

Rome 16:6

Elayi Mariya, uvua munukuatshile mudimu bikole, muoyi.

Ebrewu 13:5

Mu nsombelu wenu, kanuikadi ne lukuka lua biuma. Nusanke ne binudi nabi, bualu Mvidi Mukulu mmuambe ne: “Tshiena nkulekela, tshiena nkushiya nkayebe nansha kakese.”

Ebrewu 6:10

Mvidi Mukulu kena wenza bibi. Kena mua kupua binudi benze muoyi. Udi amu uvuluka dinanga dinuvua bamuleje ku midimu inuvua benzele bantu ba tshijila ne inutshidi nubenzela.