2 Bakalenga 4:1 - MUKANDA WA MYIDI MUKULU

¹ Mukaji mukuabu uvua mufuishe bayende. Bayende awu uvua wa mu tshisumbu tshia bambi. Mukaji awu kuya kudi Elisha, umusengelela bua kumuambuluisha, wamba ne: — Elisha, udi mumanye ne: bayanyi mmumane kufua. Kadi, muntu uvua mutusombeshe makuta, mmufike bua kuangata bana banyi babidi, bua bashale bapika bende.

Mukanda wa Nzambi Dihungila Dikulukulu ne Dihungila Dihia-dihia 2003

¹ Mukashi wa umue wa bana ba baprofete wakadila kudi Elisha ne, Muntu webe, bayanyi udi mufue; wewe udi mumanye bu muakatshina muntu webe Yehowa; muena dibanza wakalua bua kuangata bana banyi babidi bu bahika.

2 Bakalenga 4:1 ပူးပေါင်းရင်းမြစ်များ

Genese 22:12

Maweja-Nangila kumukandika ne: — Kulengi muana, kumuenzedi bibi. Mpindiewu ngajadiki ne: udi untshina meme Mvidi Mukulu, bualu kuena mumpale muanebe umuepele umvua mukupeshe.

1 Bakalenga 18:3

Akabe uvua mubikile Obadya, mulombodi wa nzubu wa bukalenga. Obadya uvua muitabe Maweja-Nangila muende muonsu.

1 Bakalenga 20:35

Tshikondu atshi, Maweja-Nangila kutumina muntu wa mu tshisumbu tshia bambi diyi, bua kuambilaye muntu mukuabu wa mu tshisumbu atshi ne: “Ntuuta!” Kadi muntu awu kubenga kumutuuta.

2 Bakalenga 2:15

Bantu ba mu tshisumbu tshia bambi bavua mu tshimenga tshia Yeriko bavua batangila pa bule, bamone bionsu bivua Elisha wenza. Kuambilanganabu ne: “Mueyelu wa muambi udi ulombola Elisha.” Kuyabu kusambakena ne Elisha. Kumutuilabu mpala panshi,

2 Bakalenga 2:3

Bantu ba mu tshisumbu tshia bambi bavua basombe ku Betele, bavua bebeja Elisha ne: — Udi mumanye ne: lelu Maweja-Nangila neambule mfumuebe Eliya mulu anyi? Elisha kuandamuna ne: — Eyowa, ndi mumanye bualu ebu, kadi puwayi!

2 Bakalenga 2:5

Bantu ba mu tshisumbu tshia bambi bavua basombe ku Yeriko, kusemena kudi Elisha bamukonka ne: — Udi mumanye ne: Maweja-Nangila neambule mfumuebe Eliya mulu anyi? Elisha kuandamuna ne: — Eyowa, ndi mumanye bualu ebu, kadi puwayi!

2 Bakalenga 2:7

Bambi bu makumi atanu bavua anu benda babalonda. Kadi bambi abu bavua bimanyine pa bule. Kabavua bafike muaba uvua Eliya ne Elisha bimane ku muelelu wa Yardene to.

2 Bakalenga 4:38

Tshikondu tshivua tshiyole tshia nzala mu ditunga, Elisha kupingana mu tshimenga tshia Ngilgale. Kubikidishaye tshisumbu tshia bambi. Kuambilaye muena mudimu wende ne: — Teka luesu lunene pa kapia, utulambile nsupu.

2 Bakalenga 6:9

Kadi muambi Elisha kutuma bantu kudi mukalenga wa bena Izrayele bua kumuambila ne: — Nudimuke! Kanuena mua kupitshila muaba kampande awu to, bualu bena mvita ba bena Siriya badiku.

Nehemya 10:31

Nanku, katuena basue kuselesha bana betu ba bakaji kudi bantu bavua bashale mu buloba buetu, patuvua mu bupika. Kabidi bana betu ba balume kabena mua kusela bakaji ba bantu aba to.

Nehemya 7:2

Ku mudimu wa kulongolola tshimenga tshia Yerushalayime, meme kuteka muanetu Anani, kabidi Ananiya, uvua mulombodi wa nzubu wa bena mvita. Ananiya uvua muntu muimpe, mulamatshi wa Mvidi Mukulu, mupite bantu bakuabu ba bungi.

Misambu 103:11

Bu mudi diulu dilunguluka pa mutu pa buloba, ke mudi malu ende mimpe, amueneka kudi bantu badi bamunemeka.

Misambu 103:17

Kadi malu mimpe a Maweja-Nangila adi ashala bikondu bionsu kudi badi bamunemeka. Buakane buende budi bujama kudi bana ba bana babu,

Misambu 115:13

— Ele bantu bonsu, baneme ne bapele badi batendelela Mvidi Mukulu lupemba!

Misambu 147:11

udi muanyishe bantu badi bamumanya bu Mvidi Mukulu wabu, batekemena bulenga buende.

Nsumuinu 22:7

Mubanji udi mfumu wa mupele. Bantu badi basombangana bintu, badi bapika ba badi babasombesha.

Muambi 12:13

Kadi nkomenu wa malu onsu atuvua bafunde udi nunku: Muntu yonsu udi ne bua kunemeka Mvidi Mukulu, kutumikila meyi ende.

Muambi 8:12

Nanku muntu mubi udi mua kuenza bibi misangu lukama, kushala amu ne muoyi matuku mavule. Ndi mumanye kabidi mudibu bamba ne: “Amu bantu badi batshina Mvidi Mukulu nebapete diakalenga, bualu badi banemeka bumfumu buende.

Yeshaya 50:1

Maweja-Nangila udi unuebeja ne: Nudi nuamba ne: ndi mubenge Yerushalayime, mamuenu, kadi mukanda udi ujadika mundi munubenge wepi? Meme munusumbishe, munutume ku bupika, bua meme kufuta mabanza, kadi ndi munutume kudi nganyi? Eyowa, bavua banusumbishe bua malu enu mabi, bavua babenge mamuenu bua buntomboji buende, bua buntomboji buenu.

Yirmeya 34:14

Mvua mubambile ne: Pakumbana bidimu muanda mutekete, yonsu wa kunudi apikule muanabu muena Ebrewu uvua mudipane kudiye bu mupika, ne ukavua mumane kumuenzela mudimu bidimu bisambombu. Nudi mua kumulekela aye mudiye musue. Kadi bankambua benu ki mbanteleje, ki mbitabe tshimvua mubambile to.

Lewitiki 25:48

badi mua kumupikula kudi muena Izrayele umue wa ku bana babu ba tatuende.

Malaki 3:16

Pashishe bantu bonsu bavua banemeka Maweja-Nangila, kuelanganabu pabu meji. Maweja-Nangila uvua mubateleje, mumvue bivuabu bamba. Kufundabu mena a bonsu bavua bamutshina, bamunemeka mu mukanda, yeye mutangile.

Matayi 18:25

Muntu ewu kavua ne kantu ka kuhita dibanza edi. Nanku mukalenga wende kutuma diyi bua bamupane bu mupika, bapane kabidi mukajende, bana bende, ne bionsu bivuaye nabi bua kuhita dibanza diende.

Matayi 18:30

Kadi awu kavua musue to. Kumueleshaye mu nzubu wa lukanu, too ne pafutaye dibanza diende.

Matayi 18:35

Yezu kushikila apa, kuamba ne: — Ke mudi Tatuanyi udi mu diulu mua kunuenzela, panudi kanuyi nulekelangana bilema ne muoyi wenu mujima.

Bienzedi 13:26

Bana betu, nuenu ndelanganyi ya Abrahame, kabidi ne nuenu bena bisamba bikuabu bitabi ba Mvidi Mukulu, mbatutumine tuetu bonsu mukenji wa lupandu ewu.

Yakobe 2:13

Bualu muntu uvua kayi mufuile muanabu luse, Mvidi Mukulu neamulumbuluishe, kayi umufuila luse. Muntu uvua muleje luse, udi mua kutekemena luse kudi Mvidi Mukulu, mumukosedi wa nsambu.

Didimanyisha 15:4

Maweja-Nangila, wabenga kukutshina nnganyi? Wabenga kukunemeka udiku anyi? Bualu Wewe nkayebe udi wa tshijila. Bisamba bionsu nebikukukuile, bualu bantu bonsu badi bamona patoke malu mimpe audi wenza.”

Didimanyisha 19:5

Diyi kufumina ku nkuasa wa butumbi, diamba ne: “Nuenu bonsu bantu ba Mvidi Mukulu, tumbishayi Mvidi Mukulu wetu, nuenu bonsu badi bamunemeka, baneme ne bashadile!”

Rute 1:3

Elimeleke kufua. Nowemi kushala nkayende, ne bana bende ba balume babidi.

1 Samuele 22:2

Bantu bakuabu bu nkama inayi, bavua ne bilumbu, nansha bavua ne mabanza, nansha bavua babenga bulongolodi bua ditunga, kudisangisha muaba uvua Davide. Davide kushala mfumuabu.