2 Bakalenga 3:9 - MUKANDA WA MYIDI MUKULU

⁹ Bakalenga aba, wa bena Izrayele, wa bena Yuda, ne wa bena Edome kutuadija luendu. Bobu bamane kuenda matuku muanda mutekete, kabena bapeta kabidi mayi bua bena mvita kunuabu, nansha bua kunuisha nyama ivuabu nayi to.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Mukelenge wa Isalele wakaya ne mukelenge wa Yuda ne mukelenge wa Edome; bakenda luendu lunyunguluke tô lua matuku muanda mutekete; kabakamona mai a kunuisha hau bantu anyi nyama biakadi bienda nʼabo.

2 Bakalenga 3:9 ပူးပေါင်းရင်းမြစ်များ

1 Bakalenga 22:27

Ubambile ne: bele muntu awu mu nzubu wa lukanu mu dina dianyi. Bamupeshe kapese ka diampa ne mayi makese a kunua, too ne pangapingana katakata ku mvita eyi.

1 Bakalenga 22:47

ne mushindu uvuaye muipate balume ne bakaji bonsu bavua benda tshiendenda mu nzubu ya mvidie yabu bua kuyitendelela. Bavua bashala benza nanku nansha tshikondu tshia tatuende Asa.

1 Bakalenga 22:48

Kadi, tshikondu atshi, mu ditunga dia Edome kamuvua mukalenga to. Muvua anu mulombodi uvua mukalenga wa bena Yuda mutekemu.

2 Bakalenga 3:1

Yorame, muana wa Akabe, uvua mubuele mu bukalenga bua Izrayele mu tshidimu tshia dikumi ne muanda mukulu, tshivua Yosafate mu bukalenga bua bena Yuda. Yorame kushala mu bukalenga mu tshimenga tshia Samariya bidimu dikumi ne bibidi.

2 Bakalenga 3:10

Nanku, mukalenga wa bena Izrayele kuela lubila ne: — Diakabi! Maweja-Nangila ke udi mututume tuetu bonsu bakalenga basatu muaba ewu, bua kutufikisha mu bianza bia bena Mowabe!

2 Bakalenga 3:7

Pashishe, kutumaye bantu bua kuambila Yesafate, mukalenga wa bena Yuda, ne: “Mukalenga wa bena Mowabe mmuntombokele. Tudi mua kuya nebe bua kuluisha ditunga diende anyi?” Yosafate, mukalenga wa bena Yuda, kuandamuna ne: “Ndi muanyishe. Wewe ne meme tudi bantu bamue. Bantu bebe mbanyi meme. Bantu banyi mbebe wewe. Nyama yebe ya tubalu nyanyi meme. Nyama yanyi ya tubalu nyebe wewe.”

2 Bakalenga 3:8

Kadi, Yosafate kukonka Yorame ne: “Netuyile njila kaayi?” Yorame kuandamuna ne: “Netuyile mu tshipela tshia Edome.”

2 Bakalenga 8:20

Pavua Yorame mu bukalenga, bena Edome kutombokela bena Yuda. Kudisunguilabu wabu mukalenga.

Ekesode 11:8

Balombodi ba mu bukalenga buebe bonsu nebantuile binu, balengelela ne: “Umbukayi mene ne bantu bonsu baudi nabu!” Diba adi nenshishe kuya. Moshe kumuka ne tshiji tshikole kudi mukalenga wa bena Ejipitu.

Ekesode 15:22

Moshe kumuka ne bena Izrayele ku Mayi manene makunze, kuya mu tshipela tshia Shure. Kuendabu mu tshipela matuku asatu, kabayi bapeta mayi a kunua.

Ekesode 17:1

Bu muvua Maweja-Nangila mubambile, bena Izrayele kumuka bonsu pamue mu tshipela tshia Sine, benda bimana mu njila bua kuya mu Refidime. Kuasabu mitanda. Kadi muaba awu kauvua mayi a kunua to.

Dibadika 20:2

Muaba awu kamuvua mayi a kunua to. Bena Izrayele kutombokela Moshe ne Arone.

Dibadika 20:4

Kadi tuetu, tshisamba tshia Maweja-Nangila, nuatufikishi mu tshipela emu bua tshinyi? Amu bua tuetu kufuilamu ne bimuna bietu anyi?

Dibadika 21:5

Kujanabu Mvidi Mukulu ne Moshe, bamba ne: — Nuvua batumushe mu Ejipitu bua tshinyi? Bua tuetu kufuila nzala mu tshipela! Apa katuena ne mampa, katuena ne mayi a kunua! Tudi tudia anu mana bua dikenga. Kadi akadi matutonde.

Dibadika 33:14

Bumuka mu Alushe, kuyabu ku Refidime, muaba uvuabu kabayi mua kupeta mayi a kunua to.

Balombodi 4:10

Barake kusangisha bena Naftali ne bena Zebulone. Bantu balume binunu dikumi kuitaba bua kulonda Barake. Debora muine kuya nabu.