2 Bakalenga 3:7 - MUKANDA WA MYIDI MUKULU

⁷ Pashishe, kutumaye bantu bua kuambila Yesafate, mukalenga wa bena Yuda, ne: “Mukalenga wa bena Mowabe mmuntombokele. Tudi mua kuya nebe bua kuluisha ditunga diende anyi?” Yosafate, mukalenga wa bena Yuda, kuandamuna ne: “Ndi muanyishe. Wewe ne meme tudi bantu bamue. Bantu bebe mbanyi meme. Bantu banyi mbebe wewe. Nyama yebe ya tubalu nyanyi meme. Nyama yanyi ya tubalu nyebe wewe.”

Mukanda wa Nzambi Dihungila Dikulukulu ne Dihungila Dihia-dihia 2003

⁷ Wakatuma mukenji kudi Yehoshafata, mukelenge wa Yuda, wamba ne, Mukelenge wa Moaba wakuntombokela, wewe neuye nʼanyi bua kuluangana ne Bena Moaba, anyi? Wakamukudimuna ne, Tuyaya nʼebe! Meme ndi bu wewe, bantu banyi badi bu bantu bebe, tubalu tuanyi tudi bu tubalu tuebe.

2 Bakalenga 3:7 ပူးပေါင်းရင်းမြစ်များ

1 Bakalenga 22:4

Nanku, Akabe kukonka mukalenga Yosafate ne: — Udi mua kuya kumfila mu mvita bua tuetu kukuata tshimenga tshia Ramote, tshidi mu ditunga dia Ngilaade anyi? Mukalenga Yosafate kuandamuna ne: — Wewe ne meme tudi bantu bamue. Bantu bebe, mbanyi meme. Bantu banyi, mbebe wewe. Nyama yanyi ya tubalu nyebe wewe.

2 Bakalenga 13:20

Elisha kufua. Kumujiikabu. Ku tshidimu tshionsu, bivi ba bena Mowabe bavua babuela mu buloba bua bena Izrayele bua kupawula bintu.

2 Bakalenga 3:6

Nanku, Yorame kumuka mu Samariya, bua kubandila bena mvita ba bena Izrayele bonsu.

2 Bakalenga 3:8

Kadi, Yosafate kukonka Yorame ne: “Netuyile njila kaayi?” Yorame kuandamuna ne: “Netuyile mu tshipela tshia Edome.”

2 Bakalenga 3:9

Bakalenga aba, wa bena Izrayele, wa bena Yuda, ne wa bena Edome kutuadija luendu. Bobu bamane kuenda matuku muanda mutekete, kabena bapeta kabidi mayi bua bena mvita kunuabu, nansha bua kunuisha nyama ivuabu nayi to.

2 Kulondolola 18:3

Akabe kukonka Yosafate ne: — Udi mua kumfila mu mvita bua tuetu kukuata tshimenga tshia Ramote tshidi mu ditunga dia Ngilaade anyi? Yosafate kuandamuna ne: — Wewe ne meme tukadi bantu bamue. Bantu bebe mbanyi, banyi mbebe. Tudi tuya nebe pamue mu mvita.

2 Kulondolola 19:2

Muambi Yeku, muana wa Anani, kufika bua kumuakidila, umukonka ne: — Uvua muambuluishe muntu muenzayi bua tshinyi? Bantu badi babenga Maweja-Nangila, tuetu tudi mua kubananga anyi? Maweja-Nangila mmukufikile munda bua bualu buudi muenze ebu!