2 Bakalenga 3:6 - MUKANDA WA MYIDI MUKULU

⁶ Nanku, Yorame kumuka mu Samariya, bua kubandila bena mvita ba bena Izrayele bonsu.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Ku tshikondo atshi mukelenge Yeholama wakafuma ku Samalea, wakabikila Bena Isalele bonso.

2 Bakalenga 3:6 ပူးပေါင်းရင်းမြစ်များ

1 Bakalenga 20:27

Mukalenga Akabe kabidi kubandila bena mvita ba bena Izrayele, kubapesha biakudia. Kuyabu bua kusambakena ne baluishi babu. Bena mvita ba bena Izrayele kuasa mitanda mu bisumbu bibidi bitangilangane ne bena Siriya. Bena mvita ba bena Izrayele bavua bamueneka anu bu bisumbu bikese bia mbuji bibidi. Kadi, bena Siriya bavua bapite bungi, batuangane ditunga dijima.

2 Bakalenga 3:5

Kadi, mukalenga Akabe mumane kufua, Mesha kutombokela Yorame uvua mupingane Akabe mu bukalenga.

2 Bakalenga 3:7

Pashishe, kutumaye bantu bua kuambila Yesafate, mukalenga wa bena Yuda, ne: “Mukalenga wa bena Mowabe mmuntombokele. Tudi mua kuya nebe bua kuluisha ditunga diende anyi?” Yosafate, mukalenga wa bena Yuda, kuandamuna ne: “Ndi muanyishe. Wewe ne meme tudi bantu bamue. Bantu bebe mbanyi meme. Bantu banyi mbebe wewe. Nyama yebe ya tubalu nyanyi meme. Nyama yanyi ya tubalu nyebe wewe.”

1 Samuele 11:8

Shawule kuya ku Bezeke, kutentekela bantu bonsu. Bantu ba bisamba bia ku mutu wa ditunga bavua binunu nkama isatu, ba mu tshisamba tshia Yuda, bavua binunu makumi asatu.

1 Samuele 15:4

Shawule kubikidisha bena mvita bende ku Teleme, kutuadijaye kubakenketa ku tshisumbu ku tshisumbu. Bena mvita bavua benda ku makasa bavua binunu nkama ibidi. Tusakidile kabidi bantu bakuabu ba bena Yuda binunu dikumi.