2 Bakalenga 3:23 - MUKANDA WA MYIDI MUKULU

²³ Nanku bena Mowabe kuela mbila ne: — Eyi, mmashi! Bulelela, bakalenga abu ne bena mvita badibu nabu, ke bavua basangane, bashipangane nkayabu. Bena Mowabe jukayi, tuye kupawula!

Mukanda wa Nzambi Dihungila Dikulukulu ne Dihungila Dihia-dihia 2003

²³ Bakambilangana ne, Au mmashi, bakelenge bakabutulangana bulelela, bakashihangana; nunku tuyai bietu, Bena Moaba, kuhaula bintu!

2 Bakalenga 3:23 ပူးပေါင်းရင်းမြစ်များ

2 Bakalenga 3:22

Mu dinda, bena mvita ba bena Mowabe babike ku tulu, kumonabu nkenke ya diba imueneka mu mayi. Mayi awu, avua amueneka pa bule bu mashi.

2 Bakalenga 3:24

Kadi, bena Mowabe bamane kufika pabuipi ne mitanda ya bena Izrayele, ke bena Izrayele kujuka, kubaluisha. Nanku, bena Mowabe kunyema. Bena Izrayele kubalondakaja, kubuela mu buloba bua bena Mowabe. Kubutulabu bena Mowabe bapite bungi.

2 Bakalenga 7:6

Bena Siriya bavua mu mitanda, Maweja-Nangila uvua mumane ibatshinyisha ne mutoyi mukole wa bena mvita, bikale ne nyama ya tubalu ne matempu a mvita. Ke bena Siriya kuambilangana ne: “Yorame, mukalenga wa bena Izrayele, mmumane kufuta bakalenga ba bena Iti ne ba bena Ejipitu bua batume bena mvita babu bua kutuluisha.”

2 Kulondolola 20:25

Yosafate ne bantu bende kutuadija kupawula bintu bivua muaba uvua bitalu abi. Kusanganabu nyama ya bungi, bintu bia bubanji, bilamba, ne bintu bikuabu bia mushinga mukole. Bavua banenga matuku asatu bua kuambula bintu abi, bualu bivua bipite bungi. Kadi kabavua mua kuambula bionsu to.

Ekesode 15:9

Bena lukuna betu kuamba ne: “Netubalonde, tubapete. Nebabanyangane bintu biabu, netubidie tuukute. Netutule muele wa mvita, tubabunde bonsu.”

Yeshaya 10:14

Mvua mupete biuma bia bantu, bu mudi muntu ukuata disua dia nyunyi. Meme kusangisha bintu bionsu bidi pa buloba, bu mudi muntu usangisha makele malekela kudi nyunyi. Kakuvua muntu uvua mubuuke, nansha mukangule muinu, nansha mudile muadi.”

Balombodi 5:30

“Bena mvita mbapawule bintu bulelela, bakadi babanyangana bivuabu bapete: muena mvita yonsu mmupete nsongakaji, mulengele, umue nansha babidi mene. Sisra mmupete bilamba bilaba kakula, bizola mekala. Eyowa, mmupete tshilamba tshilengeja ne buanda bua mekala a mishindu ibidi, tshia kuela mu nshingu mua muntu udi utshimuna.”