2 Bakalenga 25:7 - MUKANDA WA MYIDI MUKULU

⁷ Kushipabu bana ba Sedekiya ba balume, tatuabu mutangile. Pashishe, Nebukadnesare kutonkona mesu a Sedekiya onsu abidi. Kumutumaye ku Babilone musuike mionji bikole.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Bakashiha bana balume ba Sedekiya ku mesu kuandi; hashishe bakashiha mesu a Sedekiya, bakamubuesha mu lukanu, bakaya nʼandi ku Babulona.

2 Bakalenga 25:7 ပူးပေါင်းရင်းမြစ်များ

Genese 21:16

Kuyaye kusomba pa nkayende mutantshi muipi udibu mua kuela muketa ufika. Uvua wamba ne: “Tshiena musue kumona mudi muananyi ufua to”. Agare kusomba ku mpenga, udila muadi.

Genese 44:34

Meme tshiyi ne muana ewu, tshiena mua kupingana kudi tatu to. Tshiena mua kukengesha tatu bikole nanku to.

2 Kulondolola 33:11

Nanku, Maweja-Nangila kubatumina balombodi ba bena m vita ba mukalenga wa bena Ashure. Kukuatabu Menashe, kumuela nkanu ku mbanga, kumusuikabu bikole ne nkanu, kuyabu nende ku Babilone.

2 Kulondolola 36:6

Nebukadnesare, mukalenga wa Babilone, kubuela ne mvita mu ditunga dia Yowakime. Kuelaye Yowakime mu lukanu, kuya nende ku Babilone.

Misambu 149:8

bele bakalenga babu nkanu, basuike balombodi ba mu bukalenga buabu ne nkanu.

Yeshaya 22:3

Balombodi ba tshituilu tshiebe bavua banyema bonsu, baluishi babu kabayi banji kubela mikete. Bantu bonsu bavua muluishi mupete, uvua ubela mu lukanu, nansha bavua banyeme kule mene.

Yirmeya 21:7

Pashishe, Sedekiya, mukalenga wa bena Yuda, balombodi ba bukalenga buende, ne bantu ba mu tshimenga etshi, badi bapanduke ku disama dia tshiambu, ku mvita, ne ku tshiyole tshia nzala, mukalenga wa bena Babilone neabakuate. Eyowa, nembafile kudi baluishi babu badi bajinga kubashipa. Mukalenga Nebukadnesare neabashipe kayi luse. Kakushiya muntu nansha umue ne muoyi.”

Yirmeya 22:30

Udi wamba ne: “Bafunde muntu ewu mu mukanda wa bakalenga bu muntu udi kayi ne bana! Nsongalume awu mmupange bionsu. Muntu nansha umue wa ku ndelanganyi yende kakusomba pa nkuasa wa bukalenga bua Davide, kakuikala mfumu wa Yuda to.”

Yirmeya 34:3

Wewe kuena mua kunyema mukalenga awu to. Nebakukuate, bakufila mu bianza biende. Nenumonangane nende mpala ne mpala. Newikale ne tshilumbu tshia kuandamuna ku nkonku yende, bangabanga ne wewe kuya mu Babilone mu bupika.

Yirmeya 37:17

Pashishe mukalenga Sedekiya kutuma muntu bua kukeba Yirmeya. Mukalenga uvua musue kumukonka malu mu musokoku mu nzubu wende wa bukalenga. Mukalenga kumukonka ne: — Udi ne malu a kungambila a kudi Maweja-Nangila anyi? Yirmeya kumuandamuna ne: — Eyowa, ngwowu aa: Nebakukuate, bakufile kudi mukalenga wa mu Babilone.

Yirmeya 38:23

Eyowa, nebafile bakaji bebe ne bana bebe ba balume kudi bena Babilone. Nansha wewe kuakunyema to. Mukalenga wa bena Babilone neakuele mu lukanu. Neabutule tshimenga etshi ne kapia.

Muadi 2:9

Biibi bia tshimenga kupuka. Mvidi Mukulu kutshibula milonda ya kukanga nayi biibi abi. Mukalenga ne balombodi ba mu bukalenga buende, badi mu bianza bia bantu ba bisamba bikuabu. Kakuena muntu udi mua kuamba tshidi Mvidi Mukulu musue; nansha bambi mene kabatshiena bapeta mukenji wa kudi Mvidi Mukulu.

Yezekiyele 12:11

Ubambile ne: ndi muenze nenku bua kunuleja makenga anudi ne bua kupeta. Nebaye nenu mu bupika ku matunga a bende.

Yezekiyele 7:27

Mukalenga wa ditunga neabuele mu madilu. Muana wa mukalenga kakutekemena tshintu. Bantu ba mu ditunga nebazakale. Nembanyoke bilondeshile mudi nsombelu wabu mubi. Nembalumbuluishe tshiyi ne luse, amu muvuabu balumbuluishe bantu. Nanku nebajadike ne: meme ndi Maweja-Nangila.”

Dielulula 28:34

Panuamona malu onsu aa, nenuikale bu bantu badi ne disama dia mukupa.

Dielulula 28:36

Pashishe Maweja-Nangila neanukuatshishe mu bupika ne mukalenga unuikala nende. Neanufikishe mu ditunga divua bankambua benu kabayi bamanye, nansha nuenu kabidi. Mu ditunga adi nentendelele mvidie idi anu mpingu ya mitshi misonga, nansha ya mabue.

Balombodi 16:21

Nanku bena Peleshete kumukuata, kumutonkona mesu. Kuyabu nende mu tshimenga tshia Sora. Kumusuikabu ne nkanu mikunze, kumuela mu nzubu wa lukanu. Kumuenzejabu muaba awu mudimu wa kushipula ntete.