2 Bakalenga 25:5 - MUKANDA WA MYIDI MUKULU

⁵ Kadi, bena mvita ba bena Babilone kumulondakaja, kumukuatshila mu mpata wa Yeriko. Bena mvita bende bonsu bavua bamane kunyema bamushiya.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Kadi masalayi a Bena Kasada akihata mukelenge, akamuheta mu mpata ya ku Yeleko; masalayi andi onso akatangadika kudiye.

2 Bakalenga 25:5 ပူးပေါင်းရင်းမြစ်များ

2 Bakalenga 25:4

bena Babilone kupula tshitupa tshia tshimana tshia tshimenga. Butuku, bena mvita ba bena Yuda kunyema. Bena Babilone bavua anu banyungulula Yerushalayime. Kadi, bena mvita ba bena Yuda kuyila mu njila, bapitshila pa tshiibi tshivua pankatshi pa bimana bibidi bia tshimenga, pabuipi ne lupangu lua mukalenga. Diba adi, mukalenga Sedekiya uvua mulonde njila wa ku tshibandabanda tshia musulu wa Yardene.

2 Bakalenga 25:6

Bena Babilone kumukuata, kuya nende kudi mukalenga wa bena Babilone uvua mu tshimenga tshia Ribla. Bena Babilone kulumbuluisha Sedekiya mu tshimenga atshi.

Yeshaya 30:16

Nudi nuandamuna ne: “Nansha kakese! Netubande pa nyama ya tubalu, tunyeme lubilu!” Bulelela, nenubande pa tubalu, nunyeme lubilu. Bualu badi banuipata! Nudi nuamba kabidi ne: “Tubalu tuetu tudi tunyema lukasa.” Eyowa, kadi badi banulondakaja, badi banyema kabidi lubilu lupita lua tubalu tuenu!

Yirmeya 21:7

Pashishe, Sedekiya, mukalenga wa bena Yuda, balombodi ba bukalenga buende, ne bantu ba mu tshimenga etshi, badi bapanduke ku disama dia tshiambu, ku mvita, ne ku tshiyole tshia nzala, mukalenga wa bena Babilone neabakuate. Eyowa, nembafile kudi baluishi babu badi bajinga kubashipa. Mukalenga Nebukadnesare neabashipe kayi luse. Kakushiya muntu nansha umue ne muoyi.”

Yirmeya 24:8

Kadi Sedekiya, mukalenga wa bena Yuda, balombodi bende ba mu bukalenga, bantu bavua bashale mu Yerushalayime, kabidi ne bonsu bavua baya kusomba mu Ejipitu, nembenzele mudibu benzele bimuma ba mfiku bimane kubola, kabayi mua kubidia.

Yirmeya 34:3

Wewe kuena mua kunyema mukalenga awu to. Nebakukuate, bakufila mu bianza biende. Nenumonangane nende mpala ne mpala. Newikale ne tshilumbu tshia kuandamuna ku nkonku yende, bangabanga ne wewe kuya mu Babilone mu bupika.

Yirmeya 39:5

Kadi bena mvita ba bena Babilone kubalondakaja, kuluisha kabidi mukalenga Sedekiya mu mpata wa Yeriko, kumukuatabu. Pashishe, kumufilabu kudi Nebukadnesare, mukalenga wa mu Babilone uvua ku Ribla mu ditunga dia Amate. Aku ke kuvua mukalenga Nebukadnesare mulumbuluishe mukalenga Sedekiya.

Yirmeya 52:8

Kadi bena mvita ba bena Babilone bavuabalondakaja mukalenga Sedekiya. Kumupetabu mu mpata wa Yeriko. Bena mvita bende bonsu bakavua bamane kumushiya nkayende.

Muadi 1:3

Tshisamba tshia Yuda tshidi mu dikenga. Mbaye natshi mu ditunga dia bende. Tshidi tshikuata mpindiewu midimu ya bupika. Tshidi munkatshi mua bantu ba bisamba bikuabu, tshipanga muaba wa kusomba. Bantu bavua batshipata, batshifimpakaja, mbatshikuate.

Muadi 1:6

Siyone mmumane kujimija lumu luende luonsu. Balombodi ba mu bukalenga buende badi bu nyama ya ngulungu, idi kayiyi mipete mashinde a kudia, inyema tshilembi, kayiyi ne bukole.

Yezekiyele 12:14

Bantu badiye nabu, bena mvita badi bamulame, ne bena tshiluilu tshiende bonsu, nembamuangalaje ku nseke yonsu inayi. Pashishe nembalondakaje ne muele wanyi.

Yezekiyele 17:21

Nebashipe bena mvita bende ba bukitu mu mvita. Badi bashale ne muoyi nebabatangalaje nseke inayi ya buloba. Nanku nenumanye ne: meme Maweja-Nangila, ndi nnumanyisha bionsu ebi.”

Yezekiyele 19:1

Maweja-Nangila kungambila bua kuela kasala ka madilu, bua kudila bakalenga babidi ba mu Izrayele. Meme kudila ne: