2 Bakalenga 25:4 - MUKANDA WA MYIDI MUKULU

⁴ bena Babilone kupula tshitupa tshia tshimana tshia tshimenga. Butuku, bena mvita ba bena Yuda kunyema. Bena Babilone bavua anu banyungulula Yerushalayime. Kadi, bena mvita ba bena Yuda kuyila mu njila, bapitshila pa tshiibi tshivua pankatshi pa bimana bibidi bia tshimenga, pabuipi ne lupangu lua mukalenga. Diba adi, mukalenga Sedekiya uvua mulonde njila wa ku tshibandabanda tshia musulu wa Yardene.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Hashishe bakashimbula tshituha tshia lumbu lua musoko, nunku bena nvita bonso bakanyema butuku mu nshila wa hankatshi ha ngumbu ibidi yakanyunguluka ku tshibunda tshia mukelenge; Bena Kasada bakadi banyunguluka musoko ku nseke yonso. Bakanyema mu nshila wa ku Alabâ.

2 Bakalenga 25:4 ပူးပေါင်းရင်းမြစ်များ

2 Bakalenga 25:5

Kadi, bena mvita ba bena Babilone kumulondakaja, kumukuatshila mu mpata wa Yeriko. Bena mvita bende bonsu bavua bamane kunyema bamushiya.

2 Kulondolola 32:5

Bu muvua Izkiya ne muoyi mukole, kulongolueshaye tshimana tshia ku tshimenga miaba yonsu ivuatshi tshinyanguke. Kulepeshaye tuleya. Pashishe, kuibakabu tshimana tshikuabu tshibidi pa mpenga pa tshimenga. Kukoleshabu bimana bivua muaba uvua mushiki wa buloba mu Tshimenga tshia Davide. Izkiya kuenzeja misongolu ne ngabu mivule.

Nehemya 3:15

Tshiibi tshia ku Mpokolu wa mayi bavua batshilongolola kudi Shalume, muana wa Koloze. Shalume uvua mulombodi wa buloba bua Mispa. Shalume mumane kulongolola tshiibi atshi, muenze ne mutu watshi, kuelaye bitupa bibidi bia tshiibi ku mbelu. Kuasaye milonda ya kupayika nayi tshiibi. Pashishe, kuibakululaye tshimana pabuipi ne dijiba dia Shilowa, pankatshi pa lupangu lua mukalenga, ne tshibandilu tshidi tshifumina mu Tshimenga tshia Davide.

Yeshaya 22:11

Nuvua bumbule tshiina tshia mayi, munkatshi mua bimana bibidi, bua kukoka mayi avua mu tshiina tshia mayi tshikulukulu. Kadi kanuena bavuluke ne: Mvidi Mukulu ke udi muenze malu onsu. Uvua mualongolole ku kale. Kadi nuenu kanuvua bamone bualu ebu.

Yeshaya 22:3

Balombodi ba tshituilu tshiebe bavua banyema bonsu, baluishi babu kabayi banji kubela mikete. Bantu bonsu bavua muluishi mupete, uvua ubela mu lukanu, nansha bavua banyeme kule mene.

Yirmeya 32:4

Nansha Sedekiya, mukalenga wa bena Yuda, kakunyema bena Babilone to. Bualu ndi musue kumufila kudi mukalenga wa mu Babilone. Nebamonangane ne Nebukadnesare mpala ne mpala. Neikale ne tshilumbu tshia kuandamuna ku nkonku idibu bamuela.

Yirmeya 34:3

Wewe kuena mua kunyema mukalenga awu to. Nebakukuate, bakufila mu bianza biende. Nenumonangane nende mpala ne mpala. Newikale ne tshilumbu tshia kuandamuna ku nkonku yende, bangabanga ne wewe kuya mu Babilone mu bupika.

Yirmeya 38:18

Kadi paudi ubenga kuya kudi balombodi ba mukalenga wa bena Babilone, tshimenga etshi, nebatshikuate kudi bena Babilone, nebatshibutule batshioshe. Wewe mene kuakushala, kuakupanda to.”

Yirmeya 4:17

Kuelabu tshimenga tshia Yerushalayime munkatshi anu bu mudi bansentedi balama budimi. Maweja-Nangila udi wamba ne: “Bionsu ebi bidi bienzeka bualu bavua bantombokele.”

Yirmeya 4:29

Bavua bela lubila ne: “Monayi matempu a mvita, monayi bena mata a mikete!” Bonsu bavua mu bimenga kunyema, kuya kusokoma muitu, kubanda pa mbuebue mu mikuna. Mu bimenga bionsu kushalamu mutupu, kamuyi muntu to.

Yirmeya 44:30

Nemfile Ofra, mukalenga wa bena Ejipitu mu bianza bia baluishi bende, badi bakeba kumushipa, anu mumvua mufile Sedekiya, mukalenga wa bena Yuda, kudi muluishi wende Nebukadnesare, mukalenga wa mu Babilone. Meme Maweja-Nangila ndi ngamba nanku.”

Yirmeya 5:10

Nentume baluishi bua kunyanga madimi abu a mvinyo adi pa mikuna. Kadi kabakunyangakaja madimi onsu to! Nebakose matamba adi kaayi anyi meme Maweja-Nangila!

Muadi 1:3

Tshisamba tshia Yuda tshidi mu dikenga. Mbaye natshi mu ditunga dia bende. Tshidi tshikuata mpindiewu midimu ya bupika. Tshidi munkatshi mua bantu ba bisamba bikuabu, tshipanga muaba wa kusomba. Bantu bavua batshipata, batshifimpakaja, mbatshikuate.

Muadi 1:6

Siyone mmumane kujimija lumu luende luonsu. Balombodi ba mu bukalenga buende badi bu nyama ya ngulungu, idi kayiyi mipete mashinde a kudia, inyema tshilembi, kayiyi ne bukole.

Yezekiyele 12:12

Mukalenga udi unulombola neambuile bintu biende pa makaya, neumbuke mu tshimenga mu midima. Nebatubule tshimana bua kumonaye mua kupatuka. Neadibuikile mpala bua kamonyi mudiye uya.

Yezekiyele 12:14

Bantu badiye nabu, bena mvita badi bamulame, ne bena tshiluilu tshiende bonsu, nembamuangalaje ku nseke yonsu inayi. Pashishe nembalondakaje ne muele wanyi.

Yezekiyele 12:4

Munda munya, upatule bintu biebe kuebe, bobu batangile. Pashishe, dilolu uye bu mudi mupika umuka, bobu amu batangile.

Yezekiyele 33:21

Dituku ditanu dia ngondu wa dikumi, tshidimu tshia dikumi ne tshimue tshivuabu bamane kuya netu mu bupika, muntu uvua mupanduke, pakuatshibu Yerushalayime, kutota kungambila ne: — Mbakuate tshimenga!

Lewitiki 26:17

Nennukengeshe. Baluishi benu nebanutshimune, banutshimbakaje. Nenudinyemene, kakuyi muntu unuipata.

Lewitiki 26:36

“Kadi bena Izrayele bikale bashale ne muoyi mu ditunga dia baluishi babu, nembakuatshishe bowa bua bungi. Nebanyeme too ne mutoyi wa dibeji dia mutshi dinyungisha kudi lupepela, bu mudi muntu unyema mvita. Nebende badishinda, kakuyi muntu udi ubipata.

Zekâya 8:19

— Matuku anudi nujila biakudia, mu ngondu muinayi, muitanu, wa muanda mutekete, nansha wa dikumi, ku tshidimu tshionsu, neikale a tshibilu tshinene adi bena Yuda basanka, batshionkomoka. Kadi nuambilangane amu malu malelela, nukebe kabidi diakalenga dia bonsu!

Dielulula 28:25

Maweja-Nangila neambuluishe baluishi benu bua banutshimune. Panuikala bayile njila umue bua kubaluisha, nenubanyeme, nupingane mu njila muanda mutekete mishilangane. Bakalenga bonsu ba pa buloba nebatshine, pamonabu bionsu bidi binuenzekela.

Dielulula 32:30

Pandi meme Maweja-Nangila, lubuebue ludi bukole buabu, mbafila mu bianza bia baluishi babu, muluishi umue neatshimune bena Izrayele tshinunu, baluishi babidi nebanyemeshe bena Izrayele binunu dikumi.