2 Bakalenga 25:27 - MUKANDA WA MYIDI MUKULU

²⁷ Yowakine, mukalenga wa bena Yuda, mumane kulala mu bupika bidimu makumi asatu ne muanda mutekete, Evile-Merodake, kudia bukalenga mu Babilone. Mu matuku makumi abidi ne muanda mukulu a ngondu wa dikumi ne muibidi, tshidimu atshi, Evile-Merodake kufuila Yowakine luse, kumupatula mu nzubu wa lukanu.

Mukanda wa Nzambi Dihungila Dikulukulu ne Dihungila Dihia-dihia 2003

²⁷ Mu tshidimu tshia makumi asatu ne muanda mutekete tshia buhika bua Yehoyakina, mukelenge wa Yuda, mu dituku dia makumi abidi ne muanda mutekete dia ngondo wa dikumi ne ibidi, mu tshidimu tshiakabanga Ewile-melodaka kukokesha mu Babulona, yeye wakabisha mutu wa Yehoyakina, mukelenge wa Yuda, mu nsubu wa lukanu;

2 Bakalenga 25:27 ပူးပေါင်းရင်းမြစ်များ

Genese 40:13

Papita matuku asatu, mukalenga neakufuile luse, neakuenzele bimpe bipite. Neampingaje ku mudimu webe. Neumupe maluvu bu muuvua wenza kale.

Genese 40:20

Matuku asatu akumbana, mukalenga kuenza tshibilu tshia diledibua diende. Kulambishilaye balombodi ba mu bukalenga buende bonsu biakudia. Mukalenga kubandisha bena lukanu babidi abu milongu, bantu bonsu aba batangile: ke mutangidi wa balongolodi ba maluvu a mukalenga, ne mutangidi wa balambi ba biakudia bia mukalenga.

2 Bakalenga 24:12

Ke mukalenga Yowakine kumuka mu tshimenga ne mamuende, balombodi ba bena mvita bende, bena mudimu bende bavua bamanyike bikole, kabidi ne bantu bonsu bavuaye mutekemene bikole. Yowakine kuya kudi mukalenga wa bena Babilone. Kadi, mukalenga wa bena Babilone kubela mu nzubu wa lukanu. Tshikondu atshi, Nebukadnesare uvua mumane kulala mu bukalenga bidimu muanda mukulu.

2 Bakalenga 24:15

Nebukadnesare kuya ne mukalenga Yowakine, ne mamuende, bakaji ba Yowakine, kabidi ne bantu bavua mukalenga Yowakine mutekemene bikole, ne bamfumu ba bena Yuda.

Nsumuinu 21:1

Muoyi wa mukalenga udi bu musulu wa mayi udi Maweja-Nangila utuma kuonsu kudiye musue.

Yirmeya 22:26

Nenkuipate wewe ne mamuebe. Nennutume mu ditunga dishilangane ne ditunga didibu bakulele. Nenufuile muaba awu, wewe ne yeye.

Yirmeya 28:4

Nempingaje kabidi mu ditunga diabu Yekonya, muana wa Yoyakime, mukalenga wa bena Yuda, too ne bantu bonsu bavuabu bakuate baye nabu mu Babilone. Ke mundi meme Maweja-Nangila ngamba. Eyowa, nentshibule mutshi wa bupika udi mukalenga wa mu Babilone muteke pa makaya enu.”

Yirmeya 38:17

Nanku Yirmeya kuandamuna mukalenga Sedekiya ne: — Maweja-Nangila Mvidi Mukulu wa bukole buonsu, Mvidi Mukulu wa Izrayele udi ukuambila ne: “Wewe mumuke bua kuya kudi mulombodi wa mvita wa bena Babilone, newikale ne muoyi, wewe ne bena diku diebe, tshimenga etshi kabakutshibutula kudi kapia to.