2 Bakalenga 25:15 - MUKANDA WA MYIDI MUKULU

¹⁵ Nebuzaradane kuangata kabidi bintu bionsu bia tshiamu tshia mpawungi, ne bia tshiamu tshitoke tshia mushinga mukole: mbabula, ne makopu a kumiamina nawu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Kapitene ka masalayi kakaya ne malonga a kuboya nʼau kahia ne bihanza bia or ne bintu bionso bia argent.

2 Bakalenga 25:15 ပူးပေါင်းရင်းမြစ်များ

1 Bakalenga 7:40

Irame mumane kuenza malongu, bikasu, ne makopu a kumiamina nawu, ne bintu bionsu bia ku nzubu wa Mvidi Mukulu bivua Shelomu mumuambile bua kuenza, kujikabi. Irame uvua muenze bintu ebi:

2 Bakalenga 25:14

Kuangatabu kabidi bintu bia tshiamu tshikunze bionsu, bivuabu benza nabi mudimu wa nzubu wa Mvidi Mukulu: ngesu ya kuela butu, bikasu, bintu bia kusukula nabi miendu, ne makopu.

2 Bakalenga 25:16

Kakuvua mushindu wa kupima bintu bionsu bia tshiamu tshikunze, bivua bifuma ku bintu bivua mukalenga Shelomu muenzeje bua kuteka mu nzubu wa Mvidi Mukulu. Bintu abi bivua: makunji abidi, dilonga dinene dia tshijengu, ne matempu.

2 Kulondolola 24:14

Midimu yonsu mimane kujika, balombodi ba bibaki ba nzubu kupingajila mukalenga Yowashe ne mutuangaji Yoyada makuta avua mashale. Makuta awu, kuenzejabu nawu bintu bishilangane bia kuteka mu nzubu wa Mvidi Mukulu: bintu bia kutendelela nabi, biamu bia kulambula nabi milambu, makopu ne ngesu bia tshiamu tshia mpawungi, ne bia tshiamu tshitoke tshia mushinga mukole. Matuku onsu avua mutuangaji Yoyada ne muoyi, bavua balambula milambu ya kuosha misangu yonsu mu nzubu wa Mvidi Mukulu.

Ekesode 37:23

Kuenzaye kabidi miendu muanda mutekete. Kuenzaye bintu bia kukuata nabi mudimu ku miendu: nkala ne bintu bia kuela butu. Bionsu bivua anu bia tshiamu tshia mpawungi.

Yirmeya 52:19

Mulombodi wa bena mvita balami, uvua muangate kabidi bintu bionsu bivuabu benza ne tshiamu tshia mpawungi ne bia tshiamu tshitoke tshia mushinga mukole: ke malongu makese, mbabula, makopu a kumiamina nawu, ngesu ya kuboya nayi butu, bitekelu bia miendu, makopu ne ngesu mikuabu.