2 Bakalenga 25:14 - MUKANDA WA MYIDI MUKULU

¹⁴ Kuangatabu kabidi bintu bia tshiamu tshikunze bionsu, bivuabu benza nabi mudimu wa nzubu wa Mvidi Mukulu: ngesu ya kuela butu, bikasu, bintu bia kusukula nabi miendu, ne makopu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Bakaya kabidi ne ngesu ne bikasu ne bijimishi bia minda ne nkutu ne bintu bionso bia tshiamu tshia mitaku biakenzabo nʼabi mudimu.

2 Bakalenga 25:14 ပူးပေါင်းရင်းမြစ်များ

1 Bakalenga 7:40

Irame mumane kuenza malongu, bikasu, ne makopu a kumiamina nawu, ne bintu bionsu bia ku nzubu wa Mvidi Mukulu bivua Shelomu mumuambile bua kuenza, kujikabi. Irame uvua muenze bintu ebi:

1 Bakalenga 7:45

ngesu ya kuela butu, bikasu, ne makopu a kumiamina nawu. Bintu bionsu bivua Irame muenze bua nzubu wa Maweja-Nangila bu muvua Shelomu muambe, bivua anu bia tshiamu tshikunze menemene, bilengeja bimpe.

2 Bakalenga 25:15

Nebuzaradane kuangata kabidi bintu bionsu bia tshiamu tshia mpawungi, ne bia tshiamu tshitoke tshia mushinga mukole: mbabula, ne makopu a kumiamina nawu.

2 Kulondolola 24:14

Midimu yonsu mimane kujika, balombodi ba bibaki ba nzubu kupingajila mukalenga Yowashe ne mutuangaji Yoyada makuta avua mashale. Makuta awu, kuenzejabu nawu bintu bishilangane bia kuteka mu nzubu wa Mvidi Mukulu: bintu bia kutendelela nabi, biamu bia kulambula nabi milambu, makopu ne ngesu bia tshiamu tshia mpawungi, ne bia tshiamu tshitoke tshia mushinga mukole. Matuku onsu avua mutuangaji Yoyada ne muoyi, bavua balambula milambu ya kuosha misangu yonsu mu nzubu wa Mvidi Mukulu.

2 Kulondolola 4:16

ngesu ya kuela butu, bikasu ne nsomu bua kuambula munyinyi. Bintu bionsu abi Urame-Abi uvua mubienze bua nzubu wa Maweja-Nangila, ne tshiamu tshikunze tshiengelela, bu muvua Shelomu mumutumine diyi.

Ekesode 25:38

Nanku, nkala ne tulongu tukese bikale anu bia tshiamu tshia mpawungi nkayatshi.

Ekesode 27:3

Wenze bintu bia kuenza nabi mudimu mu tshilambuilu ne tshiamu tshikunze: tshintu tshia kuboya natshi butu, bikasu, malongu, nkala bua kuambula munyinyi, wenze kabidi ne mbabula.

Ekesode 38:3

Kuenzabu kabidi bintu bia mu tshilambuilu amu ne tshiamu tshikunze: bia kuboya natshi butu, bikasu, malongu a kumiamina nawu, mbabula ne nkala bua kusabula munyinyi.

Yirmeya 52:18

Kuangatabu kabidi bintu bionsu bia tshiamu tshikunze bivuabu batendelela nabi. Ke ngesu ya kuboyela butu, bikasu, nkala, malongu a mayi a nsompu ne makopu.