2 Bakalenga 25:13 - MUKANDA WA MYIDI MUKULU

¹³ Bena Babilone bavua bupule makunji a tshiamu tshikunze avua mu mushiku wa nzubu wa Mvidi Mukulu. Bavua banyangakaja kabidi matempu, ne dilonga dinene dia tshijengu dia tshiamu tshikunze, bivua mu lubanza lua nzubu wa Mvidi Mukulu. Kuyabu ne tshiamu tshikunze tshionsu atshi ku Babilone.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Bena Kasada bakakosa makunshi a tshiamu tshia mitaku bituha bituha akadi mu nsubu wa Yehowa ne bitekelu bia tshiowelu tshia tshiamu tshia mitaku tshinene biakadi mu nsubu wa Yehowa, bakaya ne tshiamu tshia mitaku tshiabi ku Babulona.

2 Bakalenga 25:13 ပူးပေါင်းရင်းမြစ်များ

1 Bakalenga 7:15

Irame kuenza makunji abidi a tshiamu tshikunze. Avua ne metre tshitema mu butumbuke, nyinguluilu muikala metre asambombu.

2 Bakalenga 20:17

“Dituku dikuabu, bintu bionsu bidi mu nzubu webe wa bukalenga mpindiewu, bintu bionsu bivuabu batekamu kudi bantu bavua bakudianjidila mu bukalenga, bintu bionsu abi nebaye nabi mu Babilone. Muaba ewu, kawakushala tshintu to. Ke mudi Maweja-Nangila wamba.

2 Bakalenga 24:13

Nanku, Nebukadnesare kupawula bintu bia mushinga mukole bivua mu nzubu wa Mvidi Mukulu ne bivua mu nzubu wa bukalenga. Kushipaye bintu bionsu bivuabu benza ne tshiamu tshia mpawungi, bivua mukalenga Shelomu muenzeje bua kutendelela nabi mu nzubu wa Mvidi Mukulu.

2 Kulondolola 3:15

Kuenzabu makunji abidi mikale ne metre dikumi ne muanda mutekete mu bule, a kuasa kumpala kua nzubu wa Mvidi Mukulu. Ku mutu kua dikunji dionsu, kuvua mutu wa dikunji, muikale ne metre abidi ne tshitupa mu bule.

2 Kulondolola 36:18

Kuangataye bintu bionsu binene ne bikese bivua mu nzubu wa Mvidi Mukulu, ne mu tshibutshilu tshia nzubu wa Mvidi Mukulu, ne tshia mukalenga Sedekiya ne tshia balombodi ba mu bukalenga buende. Kuyaye ne bintu bionsu abi ku Babilone.

Ekesode 27:3

Wenze bintu bia kuenza nabi mudimu mu tshilambuilu ne tshiamu tshikunze: tshintu tshia kuboya natshi butu, bikasu, malongu, nkala bua kuambula munyinyi, wenze kabidi ne mbabula.

Yeshaya 39:6

Dituku dikuabu, bintu bionsu bidi mu nzubu webe wa bukalenga mpindiewu, bintu bionsu bivuabu batekemu kudi bakalenga bavua bakudianjidile, bintu bionsu ebi nebaye nabi ku Babilone. Maweja-Nangila udi wamba ne: Muaba ewu kawakushala tshintu to.

Yirmeya 20:5

Bubanji bonsu buvua bantu ba mu tshimenga etshi nabu, difutu dionsu dia ku mudimu wabu, bintu bia mushinga bivuabu nabi, nansha biuma mene bivua bakalenga ba bena Yuda nabi, bionsu abi, nembifile kudi baluishi babu. Bobu abu nebabipawule, nebabiangate, baye nabi mu Babilone.

Muadi 1:10

Baluishi mbapawule bubanji buende buonsu. Yerushalayime mmudimuene muvua bantu ba bisamba bikuabu babuele mu nzubu wa Mvidi Mukulu wende. Ke bantu bauvua wewe Maweja-Nangila mukandike bua kababuedi muaba webe wa kutendelela.