2 Bakalenga 25:11 - MUKANDA WA MYIDI MUKULU

¹¹ Pashishe, bantu bonsu bavua bashala mu Yerushalayime, Nebuzaradane kuya nabu ku Babilone: bonsu kudifila kudi mukalenga wa bena Babilone, kabidi ne bena midimu ya bianza, batshivua bashale.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Bantu bakashiyabo mu musoko diambedi ne bakadi banyema ne bakadi baya kudi mukelenge wa Babulona, Nebuzaladana, kapitene ka masalayi, wakaya ne buonso buabo mu buhika.

2 Bakalenga 25:11 ပူးပေါင်းရင်းမြစ်များ

2 Kulondolola 36:20

Mukalenga Nebukadnesare kuangata bantu bavua kabayi bafue mu mvita, kuya nabu muende mu Babilone. Kushalabu bapika bende ne ba ndelanganyi yende, too ne ku dibuela dia bena Persa mu bukalenga.

Ezela 2:1

Ku bantu bavua Nebukadnesare, mukalenga wa Babilone, muye nabu mu bupika mu Babilone, ba bungi bavua bapingana mu Yerushalayime, mu ditunga dia bena Yuda. Muntu yonsu uvua mupingane anu mu tshimenga tshiabu.

Misambu 144:14

Ngombe yetu itante! Mvita, tshimuangi ne mbila mikole mu misesu, biyile kule!

Yirmeya 32:28

Nanku, ndi ngamba ne: Nemfile tshimenga etshi kudi Nebukadnesare, mukalenga wa mu Babilone, ne kudi bena mvita bende. Yeye neatshikuate.

Yirmeya 39:9

Pashishe, Nebuzaradane, mfumu wa bena mvita balami ba mukalenga, kukuata bantu bavua bashale mu tshimenga ne bavua badifile kudiye, too ne bena midimu ya bianza bavua bashale.

Yirmeya 52:12

Mu tshidimu tshia dikumi ne tshitema tshia bukalenga bua Nebukadnesare, dituku dia dikumi dia ngondu muitanu, Nebuzaradane kubuela mu Yerushalayime. Uvua mulombodi wa bena mvita balami ba mukalenga, mufidi wa ngenyi wa mu nzubu wa mukalenga wa bena Babilone.

Yirmeya 52:15

Pashishe Nebuzaradane kutuma ku Babilone bantu bavua bashale mu tshimenga, bakuabu ba mu meku a bapele, banga bavua badifile kudi mukalenga wa bena Babilone, too ne batshivua mu tshimenga bavua bamanye bimpe midimu ya bianza.

Yirmeya 52:30

Mu tshidimu tshia makumi abidi ne tshisatu, Nebuzaradane, mulombodi wa bena mvita balami, uvua mukuate kabidi bena Yuda nkama muanda mutekete makumi anayi ne batanu. Bantu bonsu basanga bavua binunu binayi ne nkama isambombu.

Yezekiyele 12:11

Ubambile ne: ndi muenze nenku bua kunuleja makenga anudi ne bua kupeta. Nebaye nenu mu bupika ku matunga a bende.

Yezekiyele 17:21

Nebashipe bena mvita bende ba bukitu mu mvita. Badi bashale ne muoyi nebabatangalaje nseke inayi ya buloba. Nanku nenumanye ne: meme Maweja-Nangila, ndi nnumanyisha bionsu ebi.”

Yezekiyele 5:2

Padi matuku a kuluisha tshimenga ajika, oshile nsuki ya mu tshisumbu tshimue mu kapia, munkatshi mua tshimenga. Wangate ya mu tshisumbu tshibidi, uyikose ne muele webe awu, uyimiamine miaba yonsu ku mpenga kua tshimenga. Tshisumbu tshia ndekelu, umuangalaje nsuki yatshi mulu mu lupepele. Meme Maweja-Nangila nenyipate ne muele wanyi.

Dielulula 28:36

Pashishe Maweja-Nangila neanukuatshishe mu bupika ne mukalenga unuikala nende. Neanufikishe mu ditunga divua bankambua benu kabayi bamanye, nansha nuenu kabidi. Mu ditunga adi nentendelele mvidie idi anu mpingu ya mitshi misonga, nansha ya mabue.