2 Bakalenga 24:7 - MUKANDA WA MYIDI MUKULU

⁷ Mukalenga wa bena Ejipitu kavua kabidi ne dikima bua kupatuka mu ditunga diende to. Bualu mukalenga wa bena Babilone uvua mumane kukuata maloba onsu avua kale ku bumfumu bua bena Ejipitu, avua pankatshi pa mukalu uvua ku mutu kua ditunga dia bena Ejipitu, too ne ku Perate, musulu wa bena Babilone.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Mukelenge wa Ejipitu kakumuka mu buloba buandi kabidi, bualu bua mukelenge wa Babulona wakanyenga makelenge onso akadi malamate mukelenge wa Ejipitu ku kasulu ka Ejipitu tô ne ku musulu wa Pelata.

2 Bakalenga 24:7 ပူးပေါင်းရင်းမြစ်များ

Genese 15:18

Dituku adi, Maweja-Nangila kutua ndondu ne Abrame muaba awu, kumulaya ne: — Matunga aa nengapeshe ndelanganyi yebe, biangatshile ku musulu wa Ejipitu ne ku musulu munene wa Perate.

Yeshaya 27:12

Kadi dituku adi, Maweja-Nangila, neanowe, ashipule miepu yende ya ntete, ya ku musulu wa Perate, too ne ya ku musulu wa mu Ejipitu. Nenku, nuenu bena Izrayele, nennusangishe muntu ne muntu.

Yirmeya 46:2

Umvuayi malu avua Mvidi Mukulu mumanyishe bua Ejipitu, ne tshiluilu tshia Neko, mukalenga wa bena Ejipitu. Neko uvua mu Karkemishe, ku muelelu wa musulu wa Perate, pavua Nebukadnesare, mukalenga wa Babilone mumutshimune. Bivua bienzeka tshidimu tshinayi tshivua Yoyakime, muana wa Yoshiya, mu bukalenga bua Yuda.

Yirmeya 46:6

Nansha bena lubilu kabena mua kupanda. Nansha bilobu kabiena mua kupanduka. Kuaka ku mutu kua ditunga, ku muelelu wa musulu wa Perate, badi batetuka, badishinda panshi.

Yezekiyele 30:21

— Yezekiyele, ndi mutshibule diboku dia mukalenga wa bena Ejipitu. Muntu kena mumusuike mukaba pa mputa, nansha mumupeshe buanga. Muntu kena mumusuike mukaba ku diboku, bua apete bukole bua kuluangana ne muele wa mvita.

Yezekiyele 30:22

Mpindiewu, meme Maweja-Nangila Mvidi Mukulu, ndi ngamba ne: “Nennyoke mukalenga wa bena Ejipitu. Nemmutshibule maboku onsu abidi, ne dikadi ditshibuke, ne ditshidi ne bukole. Muele wende wa mvita neufinuke ku tshianza umata panshi!

Dibadika 34:5

Pashishe mukalu wenu neubende mu Ashimone, bua kufika ku musulu wa mu Ejipitu, ushiki la ku Mayi manene a pankatshi pa matunga.

Yoshua 15:4

Mukalu awu uvua uyila ku Asmone, ufika ku musulu wa Ejipitu bua kuya kudiela mu Mayi manene a pankatshi pa matunga. Ke muvua mukalu wa buloba bua bena Yuda luseke lua kuinshi.