2 Bakalenga 24:4 - MUKANDA WA MYIDI MUKULU

⁴ bualu uvua mushipe bantu bapite bungi bavua kabayi ne bualu to, muele mashi mapite bungi panshi mu Yerushalayime. Ke muvua Maweja-Nangila kayi musue kufuila bena Yuda kabidi luse to.

Mukanda wa Nzambi Dihungila Dikulukulu ne Dihungila Dihia-dihia 2003

⁴ ne bua mashi a bantu bakadi kabayi ne bilumbu akamatshisheye hanshi; bualu bua yeye wakûsha Yelushalema tente ne mashi a bantu bakadi kabayi ne bilumbu; nunku Yehowa wakabenga bua kubabuikidila mibi yabo.

2 Bakalenga 24:4 ပူးပေါင်းရင်းမြစ်များ

2 Bakalenga 21:11

“Mukalenga Menashe mmuenze malu mabi a mishindu yonsu, mmupite ne bena Amore ku buenzayi. Kabidi mmufikishe ne bena Yuda ku ditendelela mvidie.

2 Bakalenga 21:16

Mukalenga Menashe uvua mushipe bantu bapite bungi, bavua kabayi ne bualu to. Tshimenga tshia Yerushalayime tshijima, tshivua ne mashi mapite bungi. Bubi ebu, badi babusangisha kabidi ku buenzayi bonsu budi Menashe muenze, bua kufikisha bena Yuda ku dienza malu adi Maweja-Nangila mubenge.

2 Bakalenga 23:26

Kadi, Maweja-Nangila uvua anu ufikila bukalenga bua bena Yuda munda bikole. Tshiji tshiende katshivua tshituya to. Bualu mukalenga Menashe uvua mumufikishe munda bipite.

2 Bakalenga 24:5

Malu makuabu a Yowakime, mbaafunde mu mukanda udibu babikila ne: Malu adi bakalenga ba bena Yuda benza.

Misambu 106:38

Kumatshishabu mashi a bantu bavua kabayi ne tshilumbu panshi, — mashi a bana babu ba balume ne ba bakaji, bavuabu bashipela mvidie yabu ya bena Kenaane, — dishipa dia bantu adi kunyangadi ditunga.

Nsumuinu 6:17

mesu a ditambisha, ludimi lua muena dishima, bianza bidi bishipa bantu badi kabayi ne tshilumbu,

Yirmeya 15:4

Nanku makalenga onsu a panshi pa buloba neakuatshike bowa, pamonawu malu onsu aa. Ke mudibu banyoka bantu bua malu mabi avua Menashe, muana wa Izkiya, mukalenga wa bena Yuda, muenze mu Yerushalayime.

Yirmeya 19:4

Bualu bena Yuda mbambenge. Mbandamune muaba ewu, ukadi wa tshianana. Bavua balambuilapu mvidie ya bantu ba bisamba bikuabu milambu. Ke mvidie buabu kabayi bamanye, nansha bobu nansha bankambua babu, nansha bakalenga ba bena Yuda. Bavua buwuje muaba ewu ne mashi a bantu bavua kabayi ne bualu.

Yirmeya 2:34

Badi basangana mashi a bakengi, badi kabayi ne bualu too ne ku nzemba ya bilamba bienu. Nuvua babashipe bua tshinyi? Kanuvua babajikidile batula biibi bia nzubu yenu bua kuiba to. Kadi nansha nuenu benze bionsu abi,

Yirmeya 22:17

Kadi wewe udi musue anu tshidi tshikulengelela wewe nkayebe. Udi ukeba anu kushipesha bantu badi kabayi ne bualu, ne kukengesha bantu ne tshikisu.

Yirmeya 32:31

Tshimenga tshia Yerushalayime etshi katshia batshibaka, tshivua amu tshimfikisha munda, tshingenza tshiji, too ne lelu. Nanku, tshiena musue kutshimona kabidi ne mesu to.

Muadi 3:42

Tuvua bakutombokele. Kadi wewe Maweja-Nangila kuena mutufuile luse to.

Yezekiyele 22:3

Ubamanyishe tshindi meme Maweja-Nangila Mvidi Mukulu ngamba ne: “Udi mulekele bantu bebe bua bashipangane. Ke mudibu bakukebela kabuta. Badi benza mpingu indi mubenge bua kutendelela mvidie. Badi bapisha buloba buebe mikiya.

Yezekiyele 24:6

Meme Maweja-Nangila Mvidi Mukulu ndi ngamba ne: Tshimenga tshia bashipianganyi netshipete diakabi, tshidi bu luesu lukuate dimoma, ludibu kabayi mua kusukula kabidi to. Sabula munyinyi udi mu luesu, ku dibulu ku dibulu, lushale munda mutupu. Kuena mua kusunguluja diudi usabula.

Yezekiyele 24:8

Meme ndi nshiya mashi pa dibue edi, muaba udiwu amueneka bimpe, bua ajule tshiji tshianyi, ambikile bua nsombuele.

Yezekiyele 33:25

Ubambile tshindi meme Maweja-Nangila Mvidi Mukulu mujadike ne: “Nudi nudia munyinyi, nudia ne mashi. Nudi nukukuila mvidie mikuabu. Nudi nushipangana. Kadi munudi mua kuamba ne: nempete ditunga mbishi?

Dibadika 35:33

“Kanunyangakaji ditunga dinudi basombe to. Numanye ne: mushipianganyi udi unyanga ditunga. Nanku padibu bashipa muntu mu ditunga, bua kumusha mikiya idi mikuate ditunga, amu bobu bashipe mushipianganyi awu.

Dielulula 19:10

Mushindu ewu mu ditunga dinuapeta kudi Maweja-Nangila Mvidi Mukulu wenu adi, kabakushipamu muntu uvua mushipe muntu nende mu mpukapuka. Nuenu bamushipe, nenuikale ne tshilumbu bua lufu lua muntu ewu.

Dielulula 29:19

muntu awu, Maweja-Nangila kakumufuila luse to. Kakuanyisha nansha kakese muntu udi umutombokela. Neamufuile munda bikole. Neamunyoke ne manyoka onsu mashilangane, adibu bafunde mu mukanda ewu. Kabakuvuluka nansha dina diende kabidi pa buloba to.