2 Bakalenga 24:3 - MUKANDA WA MYIDI MUKULU

³ Maweja-Nangila uvua mutume makenga aa mu bukalenga bua bena Yuda, bualu kavua musue kumona kabidi bena bukalenga bua Yuda kumpala kuende to. Menashe uvua muenze bibi bitambe,

Mukanda wa Nzambi Dihungila Dikulukulu ne Dihungila Dihia-dihia 2003

³ Bualu ebu buakalua kudi Bena Yuda bu mukenji wa Yehowa bua kubumusha ku mesu kuandi bua malu mabi onso a Manashe akenzeye;

2 Bakalenga 24:3 ပူးပေါင်းရင်းမြစ်များ

Genese 50:20

Nuenu nuvua ne meji a kungenzela bibi. Kadi Mvidi Mukulu uvua musue kukudimuna bibi abi bua bikale bimpe. Mvidi Mukulu uvua musue kupandisha bantu ba bungi, bu munudi numona lelu.

2 Bakalenga 17:18

Ke Maweja-Nangila kufikila bena Izrayele munda. Kavua musue kubamona kumpala kuende to. Anu tshisamba tshimue tshia bena Yuda ke tshivua tshishala tshilamate Maweja-Nangila.

2 Bakalenga 17:20

Nanku, Maweja-Nangila kubenga bena Izrayele bonsu, kubafila mu bianza bia bakengeshanganyi bua kubafuisha bundu. Pashishe kubipataye, kubatuma kule.

2 Bakalenga 17:23

Pashishe, Maweja-Nangila kavua musue kabidi bena Izrayele kumpala kuende to. Kubipataye, kubatuma ku Ashure. Ke muaba utshidibu too ne mpindiewu. Bionsu ebi bivua bienzeka bua kukumbaja diyi dia Maweja-Nangila divua bambi, bantu bende, bamba.

2 Bakalenga 18:25

Kabidi, mfumuanyi uvua mua kuluisha ditunga edi, kudinyangakaja, Maweja-Nangila kayi muanyishe anyi? Nansha kakese! Anu Maweja-Nangila nkayende, ke uvua mutume diyi bua mfumuanyi kudinyangakaja.

2 Bakalenga 21:16

Mukalenga Menashe uvua mushipe bantu bapite bungi, bavua kabayi ne bualu to. Tshimenga tshia Yerushalayime tshijima, tshivua ne mashi mapite bungi. Bubi ebu, badi babusangisha kabidi ku buenzayi bonsu budi Menashe muenze, bua kufikisha bena Yuda ku dienza malu adi Maweja-Nangila mubenge.

2 Bakalenga 24:20

Maweja-Nangila pavuaye ne tshiji, uvua mutume makenga mu Yerushalayime ne mu bukalenga bua Yuda. Maweja-Nangila kubenga bantu bende, kubalekelaye. Sedekiya kutombokela Nebukadnesare, mukalenga wa bena Babilone.

2 Kulondolola 24:24

Bena mvita aba kabavua ba bungi to. Kadi Maweja-Nangila kuanyisha bua batshimune bena mvita ba bena Yuda bavua bapite bungi. Bualu bena Yuda bavua babenge Mvidi Mukulu wa bankambua babu. Ke mu wabu banyoke Yowashe nanku.

2 Kulondolola 25:16

Kadi, mukalenga Amashiya kukabula muambi ku diyi, umukonka ne: — Ndi mukuteke mufidi wa ngenyi mu bukalenga anyi? Puwa, tshianana nebakuenzele bibi. Muambi kuanji kupuwa. Pashishe kuambaye ne: — Ndi mumanye ne: Mvidi Mukulu mmumane kujadika bua kukushipesha, bualu uvua muenze bibi, mubenge mua kuteleja diyi dianyi.

Ekesode 20:5

Kukukuidi mpingu ya nanku. Kuyitendeledi, bualu meme ndi Maweja-Nangila Mvidi Mukulu webe. Ndi musue kuikala Mvidi Mukulu webe, meme nkayanyi. Nennyoke bantu bonsu badi bankina too ne ku ndelanganyi yabu ya musangu muisatu nansha muinayi.

Yeshaya 45:7

Ndi ngenza munya, mfuka miidima kabidi. Ndi mpetesha diakalenga, mfila ne dikenga. Eyowa, ke Meme Maweja-Nangila, udi wenza malu onsu aa.

Yirmeya 32:31

Tshimenga tshia Yerushalayime etshi katshia batshibaka, tshivua amu tshimfikisha munda, tshingenza tshiji, too ne lelu. Nanku, tshiena musue kutshimona kabidi ne mesu to.

Yirmeya 52:28

Mu tshidimu tshia muanda mutekete, Nebukadnesare uvua mukuate, muye ne bena Yuda binunu bisatu makumi abidi ne basatu.

Yezekiyele 22:3

Ubamanyishe tshindi meme Maweja-Nangila Mvidi Mukulu ngamba ne: “Udi mulekele bantu bebe bua bashipangane. Ke mudibu bakukebela kabuta. Badi benza mpingu indi mubenge bua kutendelela mvidie. Badi bapisha buloba buebe mikiya.

Yezekiyele 24:6

Meme Maweja-Nangila Mvidi Mukulu ndi ngamba ne: Tshimenga tshia bashipianganyi netshipete diakabi, tshidi bu luesu lukuate dimoma, ludibu kabayi mua kusukula kabidi to. Sabula munyinyi udi mu luesu, ku dibulu ku dibulu, lushale munda mutupu. Kuena mua kusunguluja diudi usabula.

Amosa 3:6

Badi mua kuela mpungi wa mvita mu tshimenga, bantu kabayi bakuatshika bowa anyi? Tshipupu tshidi mua kukuata tshimenga, Maweja-Nangila kayi mutshitume anyi?

Mika 2:10

Jukayi! Umukayi! Dikisha dienu diajiki! Malu mabi anuvua benze, neanukebele makenga makole mapite!”

Dielulula 28:63

Bu muvua Maweja-Nangila musanke bua kunuenzela bimpe, nuenu kusangana, ke muasankaye kabidi bua kununyoka, kunufikila munda, kunubutula. Neanumushe mu ditunga divuaye munupe bua kusomba.

Dielulula 29:28

Maweja-Nangila Mvidi Mukulu wetu nkayende mmumanye malu masokome. Kadi tuetu ne ndelanganyi yetu, tudi bamanye anu malu adi Maweja-Nangila mutumanyishe bua kashidi, mmomumue ne: tudi bamanye mikenji yende itudi ne bua kukumbaja tshiendelele.

Yoshua 23:15

Nenku mushindu udi Maweja-Nangila Mvidi Mukulu wenu mukumbaje bionsu bivuaye munulaye, ke muakumbajaye kabidi bionsu bidiye muambe bua kununyoka. Udi mua kunubutula mu ditunga dimpe divuaye munupe.