2 Bakalenga 24:2 - MUKANDA WA MYIDI MUKULU

² Pashishe, Maweja-Nangila kutumina Yowakime bena buenzayi ba bena Babilone, ba bena Arame, ba bena Mowabe ne ba bena Amone, bua banyangakaje buloba bua bena Yuda bu muvua bambi bambe mu dina dia Maweja-Nangila.

Mukanda wa Nzambi Dihungila Dikulukulu ne Dihungila Dihia-dihia 2003

² Yehowa wakamutumina bisumbu bia Bena Kasada ne Bena Sulia ne Bena Moaba ne Bena Amona bua kuluanganabo ne Bena Yuda ne bua kubabutula bu muakadi dî dia Yehowa diakabambileye mukana mua bantu bandi baprofete.

2 Bakalenga 24:2 ပူးပေါင်းရင်းမြစ်များ

2 Bakalenga 20:17

“Dituku dikuabu, bintu bionsu bidi mu nzubu webe wa bukalenga mpindiewu, bintu bionsu bivuabu batekamu kudi bantu bavua bakudianjidila mu bukalenga, bintu bionsu abi nebaye nabi mu Babilone. Muaba ewu, kawakushala tshintu to. Ke mudi Maweja-Nangila wamba.

2 Bakalenga 22:16

“Maweja-Nangila Mvidi Mukulu wa bena Izrayele udi wamba ne: ‘Nennyoke tshimenga tshia Yerushalayime ne bantu bonsu badimu, anu bu mudibu bafunde mu mukanda uvua mukalenga wa bena Yuda mubale.

2 Bakalenga 23:27

Ke Maweja-Nangila kuamba ne: — Bu mumvua mumane kubenga kale bua kumona bantu ba mu bukalenga bua Izrayele kumpala kuanyi, ke mundi kabidi mbenga bua kumona bantu ba mu bukalenga bua Yuda kumpala kuanyi. Ndi musue kubenga Yerushalayime, tshimenga tshimvua musungule. Ndi musue kubenga kabidi ne nzubu wa Mvidi Mukulu ewu umvua mumane kulaya bua kusombamu.

2 Bakalenga 6:23

Nanku, mukalenga wa bena Izrayele kubalambishila biakudia bia bungi. Bobu bamane kujikija kudia ne kunua, mukalenga wa bena Izrayele kubalekela. Kupinganabu kudi mukalenga wabu wa bena Siriya. Biangatshile tshikondu atshi, bena mvita ba bena Siriya, kabavua bafika kabidi mu buloba bua bena Izrayele to.

2 Kulondolola 33:11

Nanku, Maweja-Nangila kubatumina balombodi ba bena m vita ba mukalenga wa bena Ashure. Kukuatabu Menashe, kumuela nkanu ku mbanga, kumusuikabu bikole ne nkanu, kuyabu nende ku Babilone.

Yobe 1:17

Utshivua amu wakula, muena mudimu mukuabu kufika bua kumanyisha ne: “Bena Kasdime bavua bisumbu bisatu, mbakuate nyama ya tumelu baye nayi, mbashipe kabidi ne bena mudimu bebe, amu meme ke udi mulue bua kukuambila.”

Yeshaya 13:5

Badi batumina ku matunga a kulekule, muaba udi diulu ne buloba bituangene, bua kuya kunyanga ditunga dijima: ke Maweja-Nangila ne badiye muangate, bua kunyoka bantu ba buloba bujima.

Yeshaya 28:19

Dinda dionsu, tshipupu netshinukuate, nansha bufuku katshiakunushila muaba. Bantu pumvuabu batshitela, nebafue bowa bunene!

Yeshaya 7:17

Kadi Maweja-Nangila neanukengeshe, wewe ne bantu bebe, ne bena diku diebe dia bukalenga. Nenubuele mu dikenga dinudi kanuyi banji kumona, katshia bukalenga bua Izrayele babulukangana ne bukalenga bua Yuda. — Mukalenga wa bena Ashure neakumbaje bionsu ebi.

Yirmeya 12:9

Bantu banyi bakadi bu nyunyi muimpe, udibu bela munkatshi nseke yonsu kudi nyunyi midianganyi anyi? “Bikila nyama yonsu ya muitu! Ifike ku didia dinene!”

Yirmeya 25:1

Umvuayi malu avua Maweja-Nangila muleje Yirmeya, adi atangila tshisamba tshijima tshia bena Yuda. Tukavua mu tshidimu tshinayi tshivua Yoyakime, muana wa Yoshiya, mu bukalenga bua bena Yuda, ne mu tshidimu tshia kumpala tshia bukalenga bua Nebukadnesare, mukalenga wa bena Babilone.

Yirmeya 25:9

Nanku nembikile bantu bonsu ba mu matunga a ku mutu kua ditunga, ne nangananga muena mudimu wanyi Nebukadnesare, mukalenga wa bena Babilone, bua baluishe ditunga edi, ne bantu badi basombamu. — Nebaluishe kabidi bisamba bidi nabu mutumba. — Nennubutule bonsu, nuenu ne bena mutumba nenu. Mu ditunga emu nemushale amu tshipela ne lubuwa. Bantu nebakeme bela mbila ya bowa pa kumona muaba ewu. Meme Maweja-Nangila ndi ngamba nanku.

Yirmeya 26:20

Mu tshikondu atshi, muambi mukuabu uvua wambila bantu malu mu dina dia Mvidi Mukulu. Dina diende divua Uriya, muana wa Shemaya, wa mu Kiriyate-Yeyarime. Uvua wambila bantu malu mafuanangane ne a muambi Yirmeya, ubela bikole bena mu tshimenga tshia Yerushalayime, ne bantu bonsu bavua basomba mu ditunga dia Yuda.

Yirmeya 26:6

Panudi kanuyi nuteleja, nengupule nzubu wa Mvidi Mukulu ewu, bu mumvua mupule wa mu Shilo. Nenteke Yerushalayime bu tshilejilu tshidi bantu ba bisamba bionsu bia pa buloba, batela padibu baditshipa mutshipu.”

Yirmeya 32:28

Nanku, ndi ngamba ne: Nemfile tshimenga etshi kudi Nebukadnesare, mukalenga wa mu Babilone, ne kudi bena mvita bende. Yeye neatshikuate.

Yirmeya 35:11

Kadi tshikondu tshivua Nebukadnesare, mukalenga wa mu Babilone mubuele mu ditunga, tuvua bumvuangana bua kubuela mu Yerushalayime bua kunyema bena mvita ba bena Babilone ne ba bena Ashure. Nanku lelu, tudi tusomba mu Yerushalayime.

Yirmeya 52:28

Mu tshidimu tshia muanda mutekete, Nebukadnesare uvua mukuate, muye ne bena Yuda binunu bisatu makumi abidi ne basatu.

Muadi 1:17

Nansha Siyone muolole bianza, utendakena, kakuena muntu nansha umue udi mua kumusamba. Maweja-Nangila mmumane kutumina bena mutumba ne bena Izrayele diyi, bua bashale baluishi babu. Yerushalayime mmumane kubipa munkatshi muabu.

Yezekiyele 19:8

Bantu benyi bavua bafume miaba yonsu, kudisangishabu bua kumuluisha. Kumunyungulukilabu, bamuadila bua kumukuata. Kumukuatabu mu buteyi.

Yezekiyele 23:23

Ndi nsangisha bena Babilone, bena Kesede bonsu, bena Pekode, bena Showa, bena Kowa. Bena Ashure kabidi nebadisangishe nabu. Nanku nensangishe bansongalume bonsu aba ba malengele, balombodi ba ditunga ne balumbuluishi, bena mvita ne bantu banene, bonsu bikale bamanye mua kubanda bimpe pa tubalu.

Mika 3:12

Nanku bualu buenu, Siyone neikale bu budimi, budibu babundulula ne lukasu. Yerushalayime neashale makolu. Mukuna wa nzubu wa Mvidi Mukulu nebaubuikile kudi tshipuka.

Abakuke 1:6

Ndi mbikila bena Babilone, tshisamba tshia bantu ba lonji, kabayi luse. Badi bendakana pa buloba bujima, bakeba kudia bumfumu mu matunga a bende.