2 Bakalenga 24:15 - MUKANDA WA MYIDI MUKULU

¹⁵ Nebukadnesare kuya ne mukalenga Yowakine, ne mamuende, bakaji ba Yowakine, kabidi ne bantu bavua mukalenga Yowakine mutekemene bikole, ne bamfumu ba bena Yuda.

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Bakaya ne Yehoyakina ku Babulona; ne mamu wa mukelenge ne bakashi ba mukelenge ne tupitene tuandi ne bantu bandi banene bakaya ne buonso buabo ba mu Yelushalema ku Babulona mu buhika.

2 Bakalenga 24:15 ပူးပေါင်းရင်းမြစ်များ

2 Bakalenga 20:18

Nebakuate kabidi bantu ba ku ndelanganyi yebe, baye nabu mu Babilone, bua kubapakula bua bikale benza mudimu mu nzubu wa bukalenga, wa mukalenga wa bena Babilone.”

2 Bakalenga 24:8

Yowakine kubuela mu bukalenga, muikale ne bidimu dikumi ne muanda mukulu. Kushalaye mu bukalenga anu ngondu isatu mu Yerushalayime. Mamuende wa Yowakine uvua Nehusheta, muana wa Elnatane, wa mu Yerushalayime.

2 Bakalenga 25:12

Kadi uvua mushiye bakuabu bantu bapele, bua kukunabu mionji ya mvinyo, ne kudima madimi.

2 Bakalenga 25:21

Mukalenga wa bena Babilone kubashipela mu tshimenga atshi, mu ditunga dia Amate. Ke muvuabu bumuke ne bena Yuda mu buloba buabu, nanku baye nabu mu bupika.

2 Bakalenga 25:27

Yowakine, mukalenga wa bena Yuda, mumane kulala mu bupika bidimu makumi asatu ne muanda mutekete, Evile-Merodake, kudia bukalenga mu Babilone. Mu matuku makumi abidi ne muanda mukulu a ngondu wa dikumi ne muibidi, tshidimu atshi, Evile-Merodake kufuila Yowakine luse, kumupatula mu nzubu wa lukanu.

1 Kulondolola 9:1

Kufundabu mena a bena Izrayele bonsu mu mukanda wa Bakalenga ba Izrayele, balondangane ku diku ku diku. Bena Yuda kutombokela Mvidi Mukulu. Nanku kubakuatabu, kuya nabu ku Babilone.

2 Kulondolola 36:10

Ku ntuadijilu wa tshidimu, Nebukadnesare kutuma bena mvita bua bakuate Yowakine, bamufite ku Babilone ne bintu bia mushinga mukole bia mu nzubu wa Maweja-Nangila. Nebukadnesare kusungula Sedekiya muanabu ne Yowakine, bua kushalaye mukalenga wa bena Yerushalayime ne wa bena Yuda.

Estere 2:5

Mu tshimenga tshia Shushane muvua muena Yuda, dina diende Mordekayi, muana wa Yayire, wa ku ndelanganyi ya Shimeyi ne Kishe, wa mu tshisamba tshia Binyamine.

Estere 2:6

Mordekayi uvua wa ku tshisumbu tshia bantu bavua Nebukadnesare, mukalenga wa Babilone, muangate mu Yerushalayime pamue ne Yekoniya, mukalenga wa bena Yuda, bua kuya nabu kuende.

Yirmeya 13:18

Yirmeya, ambila mukalenga ne mamuende ne: “Tulukayi mu nkuasa wenu wa lumu, sombayi panshi, bualu tshifulu tshienu tshia bumfumu ntshimane kupona panshi.

Yirmeya 29:2

(Mukanda awu Yirmeya uvua muutume pavuabu bamane kumuka mu Yerushalayime baye mu bupika kudi mukalenga Yekonya, mamuende mukalenga mukaji, balombodi ba mu bukalenga, bamfumu ba Yuda ne ba mu Yerushalayime, bansenda ne bena midimu ya biamu.)

Yirmeya 52:28

Mu tshidimu tshia muanda mutekete, Nebukadnesare uvua mukuate, muye ne bena Yuda binunu bisatu makumi abidi ne basatu.

Yezekiyele 17:12

— Ebeja bantomboji aba ne: “Nudi bu-mvue tshidi lusumuinu alu luamba anyi?” Ubavuluije mushindu uvua mukalenga wa bena Babilone mubuele mu Yerushalayime, mukuate mukalenga wa ditunga ne balombodi bende, muye nabu mu ditunga diende.

Yezekiyele 17:13

Uvua mukuate kabidi muntu wa mu diku dia bukalenga, mutue nende ndondu, umulombe kabidi bua aditshipe bua amuitabe. Uvua mumushe kabidi balombodi bonsu mu ditunga,

Yezekiyele 17:3

Ubambile ne: Maweja-Nangila Mvidi Mukulu, ke udi unuelela lusumuinu elu. Lusumuinu elu ludi nenku: “Kuvua nyunyi wa tshiminyi munene mupite. Uvua ne mapuapua manene, masala male a bungi, mikale makalu makalu. Uvua ubuka uya kuikila ku mikuna ya Lebanone. Kukosayemu lutonga lua mutshi wa Sedre,

Yezekiyele 19:9

Kumusuikabu lukanu ku diulu, kumubuejabu mu nsanji wa tshiamu, kuyabu nende kudi mukalenga wa Babilone. Kumuelabu mu nzubu wa lukanu bua kabunwu kabidi mudiye ukungula pa mikuna ya Izrayele.

Danyele 1:3

Nebukadnesare kuambila Ashepenaze, mulombodi wa bena mudimu bende, bua asungule munkatshi mua bena Izrayele, nsongalume mikuabu ya mu diku dia bukalenga, nansha ya mu meku a babanji.