2 Bakalenga 24:14 - MUKANDA WA MYIDI MUKULU

¹⁴ Nebukadnesare kuya ne bena Yerushalayime, balombodi ba mu bukalenga, ne bantu bonsu bavua bamanyike bikole. Bantu bonsu bavua binunu dikumi, katuyi tubala bena midimu ya bianza, ne bansenda. Kuvua kushala mu ditunga anu bantu bapela menemene.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Wakaya ne Bena Yelushalema bonso ne baminyampala bonso ne bena bukitu banso ne bena mudimu bonso ne batudi ba biamu bu binunu dikumi bia bantu; anu bantu bakatamba buhele bakashala mu buloba.

2 Bakalenga 24:14 ပူးပေါင်းရင်းမြစ်များ

2 Bakalenga 24:16

Nanku, Nebukadnesare kuya mu ditunga dia bena Babilone ne bantu bonsu bavua bamanyike bikole. Bantu bonsu aba bavua binunu muanda mutekete. Kuyaye kabidi ne bena midimu ya bianza ne bansenda tshinunu. Bantu bonsu aba, bavua ne bukole bua kuenza mudimu wa bena mvita.

2 Bakalenga 25:12

Kadi uvua mushiye bakuabu bantu bapele, bua kukunabu mionji ya mvinyo, ne kudima madimi.

1 Kulondolola 9:1

Kufundabu mena a bena Izrayele bonsu mu mukanda wa Bakalenga ba Izrayele, balondangane ku diku ku diku. Bena Yuda kutombokela Mvidi Mukulu. Nanku kubakuatabu, kuya nabu ku Babilone.

Ezela 2:1

Ku bantu bavua Nebukadnesare, mukalenga wa Babilone, muye nabu mu bupika mu Babilone, ba bungi bavua bapingana mu Yerushalayime, mu ditunga dia bena Yuda. Muntu yonsu uvua mupingane anu mu tshimenga tshiabu.

Nehemya 1:2

Muanetu mukuabu Anani, ne bantu bavuaye nabu, bavua bumukila mu ditunga dia bena Yuda, bafika mu Shushane. Meme kubakonka malu a mu Yerushalayime, ne a bena Yuda bavua bapatuke mu bupika, bapingane muetu.

Estere 2:6

Mordekayi uvua wa ku tshisumbu tshia bantu bavua Nebukadnesare, mukalenga wa Babilone, muangate mu Yerushalayime pamue ne Yekoniya, mukalenga wa bena Yuda, bua kuya nabu kuende.

Yeshaya 3:2

Udi umbusha bisumbu bia bena mvita, bena mvita bapiluke ne bena mvita bakuabu, bandumbulula, bambi, bena mbuku, ne bakulu ba ditunga,

Yirmeya 27:20

(Bualu Nebukadnesare, mukalenga wa mu Babilone, kavua mubiangate mu Yerushalayime bua kuya nabi ku Babilone, pavuaye mukuate balombodi bonsu ba mu Yerushalayime ne ba mu ditunga dia Yuda, ne Yekonya, muana wa Yoyakime, mukalenga wa bena Yuda.)

Yirmeya 28:4

Nempingaje kabidi mu ditunga diabu Yekonya, muana wa Yoyakime, mukalenga wa bena Yuda, too ne bantu bonsu bavuabu bakuate baye nabu mu Babilone. Ke mundi meme Maweja-Nangila ngamba. Eyowa, nentshibule mutshi wa bupika udi mukalenga wa mu Babilone muteke pa makaya enu.”

Yirmeya 29:2

(Mukanda awu Yirmeya uvua muutume pavuabu bamane kumuka mu Yerushalayime baye mu bupika kudi mukalenga Yekonya, mamuende mukalenga mukaji, balombodi ba mu bukalenga, bamfumu ba Yuda ne ba mu Yerushalayime, bansenda ne bena midimu ya biamu.)

Yirmeya 39:10

Mu ditunga dia bena Yuda kushiyaye amu bantu bapele bavua kabayi ne kantu. Kubabanyinaye mionji ya mvinyo, kubapeshaye ne madimi.

Yirmeya 40:7

Mu misoku ya ku mpenga mutshivua bisumbu bia bena mvita ba bena Yuda. Balombodi ba bisumbu bia bena mvita abi, ne bantu babu, bavua bumvua muvua mukalenga wa Babilone musungule Ngedaliya, muana wa Akikame, bua ikale mulombodi wa ditunga, muvuaye kabidi mumupeshe bapele, balume, bakaji, ne bana bavuabu kabayi mua kuya nabu mu Babilone.

Yirmeya 52:16

Kadi uvua mushiye bena ditunga bianza bitupu bua badime madimi a mvinyo ne madimi makuabu.

Yirmeya 52:28

Mu tshidimu tshia muanda mutekete, Nebukadnesare uvua mukuate, muye ne bena Yuda binunu bisatu makumi abidi ne basatu.

Yezekiyele 17:14

bua bukalenga kabuikadi ne bukole, kabaditambishi kabidi, bunemeke bimpe ndondu uvuabu bamane kutua ne mukalenga.

Yezekiyele 17:3

Ubambile ne: Maweja-Nangila Mvidi Mukulu, ke udi unuelela lusumuinu elu. Lusumuinu elu ludi nenku: “Kuvua nyunyi wa tshiminyi munene mupite. Uvua ne mapuapua manene, masala male a bungi, mikale makalu makalu. Uvua ubuka uya kuikila ku mikuna ya Lebanone. Kukosayemu lutonga lua mutshi wa Sedre,

Matayi 1:11

Yoshiya kulela Yekoniya ne bana bakuabu ba balume. Tshikondu atshi ke tshiyuabu baya ne bena Izrayele mu bupika ku Babilone.

Matayi 1:12

Bamane kuya ne bena Izrayele mu bupika ku Babilone, Yekoniya kulela Sheyaltiyele. Sheyaltiyele kulela Zerubabele.

Matayi 1:17

Nanku biangatshile ku Abrahame too ne ku Davide kudi ndelanganayi dikumi ne inayi; biangatshile ku Davide too ne ku tshikondu tshiyuabu baye ne bena Izrayele mu bupika ku Babilone kudi ndelanganyi dikumi ne inayi; biangatshile tshikondu atshi too ne ku diledibua dia Kristu kudi kabidi ndelanganyi dikumi ne inayi.

Dielulula 28:36

Pashishe Maweja-Nangila neanukuatshishe mu bupika ne mukalenga unuikala nende. Neanufikishe mu ditunga divua bankambua benu kabayi bamanye, nansha nuenu kabidi. Mu ditunga adi nentendelele mvidie idi anu mpingu ya mitshi misonga, nansha ya mabue.

1 Samuele 13:19

Tshikondu atshi, mu buloba bua bena Izrayele bonsu, kamuvua nsenda wa biamu nansha umue to. Bualu bena Peleshete kabavua basue bua bena Izrayele benza miela nansha mafuma.