2 Bakalenga 24:1 - MUKANDA WA MYIDI MUKULU

¹ Pavua Yowakime mu bukalenga, Nebukadnesare, mukalenga wa bena Babilone, kubuela ne mvita mu ditunga dia bena Yuda. Yowakime uvua ne bua kuitaba bumfumu buende. Kadi bidimu bisatu bimane kupita, Yowakime kutombokela mukalenga Nebukadnesare.

Mukanda wa Nzambi Dihungila Dikulukulu ne Dihungila Dihia-dihia 2003

¹ Mu matuku andi Nebukadenesâ, mukelenge wa Babulona, wakalua, ne Yehoyakima wakalua muntu wandi bidimu bisatu, hashishe wakamutombokela.

2 Bakalenga 24:1 ပူးပေါင်းရင်းမြစ်များ

2 Bakalenga 17:5

Pashishe, Shalmanazere, kubuela mu ditunga ne mvita, kunyungulula tshimenga tshia Samariya. Bidimu bisatu bimane kupita,

2 Bakalenga 24:20

Maweja-Nangila pavuaye ne tshiji, uvua mutume makenga mu Yerushalayime ne mu bukalenga bua Yuda. Maweja-Nangila kubenga bantu bende, kubalekelaye. Sedekiya kutombokela Nebukadnesare, mukalenga wa bena Babilone.

2 Kulondolola 36:1

Mu Yerushalayime, bena Yuda kusungula Yowakaze, muana wa Yoshiya, bua apingane tatuende mu bukalenga.

Ezela 4:12

“Mukalenga, tudi tukumanyisha ne: bena Yuda badi bumuke kuebe, bafike kuetu kunu ku Yerushalayime, badi basue kuasulula tshimenga etshi tshibi tshia bantomboji. Badi benzulula tshitaku, babandisha ne bimana.

Yeshaya 36:5

Udi wela meji ne: paudi wakula ufuna mvita, udi upeta meji ne bukitu bua kuluangana anyi? Paudi muntombokele apu, uudi mutekemene bua akuambuluishe nnganyi?

Yirmeya 25:1

Umvuayi malu avua Maweja-Nangila muleje Yirmeya, adi atangila tshisamba tshijima tshia bena Yuda. Tukavua mu tshidimu tshinayi tshivua Yoyakime, muana wa Yoshiya, mu bukalenga bua bena Yuda, ne mu tshidimu tshia kumpala tshia bukalenga bua Nebukadnesare, mukalenga wa bena Babilone.

Yirmeya 25:9

Nanku nembikile bantu bonsu ba mu matunga a ku mutu kua ditunga, ne nangananga muena mudimu wanyi Nebukadnesare, mukalenga wa bena Babilone, bua baluishe ditunga edi, ne bantu badi basombamu. — Nebaluishe kabidi bisamba bidi nabu mutumba. — Nennubutule bonsu, nuenu ne bena mutumba nenu. Mu ditunga emu nemushale amu tshipela ne lubuwa. Bantu nebakeme bela mbila ya bowa pa kumona muaba ewu. Meme Maweja-Nangila ndi ngamba nanku.

Yirmeya 35:1

Tshikondu tshia Yoyakime, muana wa Yoshiya, mukalenga wa bena Yuda, Maweja-Nangila kuambila Yirmeya ne:

Yirmeya 35:11

Kadi tshikondu tshivua Nebukadnesare, mukalenga wa mu Babilone mubuele mu ditunga, tuvua bumvuangana bua kubuela mu Yerushalayime bua kunyema bena mvita ba bena Babilone ne ba bena Ashure. Nanku lelu, tudi tusomba mu Yerushalayime.

Yirmeya 36:1

Mu tshidimu tshinayi tshia bukalenga bua Yoyakime, muana wa Yoshiya, mukalenga wa bena Yuda, Maweja-Nangila kuambila Yirmeya ne:

Yirmeya 45:1

Pavua Baruke, muana wa Neriya, mufunde malu a Mvidi Mukulu avua Yirmeya mumuambile, Yoyakime, muana wa Yoshiya, ukavua mukalenga wa bena Yuda bidimu binayi. Ke Yirmeya kuambila Baruke ne:

Yirmeya 46:2

Umvuayi malu avua Mvidi Mukulu mumanyishe bua Ejipitu, ne tshiluilu tshia Neko, mukalenga wa bena Ejipitu. Neko uvua mu Karkemishe, ku muelelu wa musulu wa Perate, pavua Nebukadnesare, mukalenga wa Babilone mumutshimune. Bivua bienzeka tshidimu tshinayi tshivua Yoyakime, muana wa Yoshiya, mu bukalenga bua Yuda.

Yirmeya 50:17

Bena Izrayele bavua bu mikoku mipambuke, ivua nyama ya ntambue ipatshila. Mukalenga wa bena Ashure uvua wa kumpala, uvua muyidie. Pashishe, Nebukadnesare, mukalenga wa bena Babilone, uvua muyitshibule mifuba.

Yezekiyele 19:8

Bantu benyi bavua bafume miaba yonsu, kudisangishabu bua kumuluisha. Kumunyungulukilabu, bamuadila bua kumukuata. Kumukuatabu mu buteyi.

Yezekiyele 21:14

— Muntu, akula mu dina dianyi. Wambile bantu malu andi meme Maweja-Nangila mbamanyisha ne: “Tangilayi muele, muele mutue udi wengelela.

Danyele 1:1

Yoyakime, mukalenga wa bena Yuda mumane kushala bidimu bisatu mu bukalenga, Nebukadnesare, mukalenga wa Babilone, kukuataye tshimenga tshia Yerushalayime.

Danyele 1:2

Maweja-Nangila kufila Yoyakime mu bianza bia Nebukadnesare, kabidi ne bintu bikuabu bia tshijila bia mu nzubu wa Mvidi Mukulu. Nebukadnesare kuya ne bena lukanu mu Babilone, kuteka bintu bia tshijila abi mu nzubu wa mvidie yende, mu tshibambalu tshia kulamina bintu.

Abakuke 1:6

Ndi mbikila bena Babilone, tshisamba tshia bantu ba lonji, kabayi luse. Badi bendakana pa buloba bujima, bakeba kudia bumfumu mu matunga a bende.