2 Bakalenga 23:8 - MUKANDA WA MYIDI MUKULU

⁸ Pashishe, batuangaji bonsu bavua batendelela mvidie mu bimenga bia bena Yuda, biangatshile ku Ngeba too ne ku Bersheba, Yoshiya kubatandisha mu Yerushalayime. Kunyangakajaye miaba ya kutendelela ivua batuangaji abu balambuila milambu, kupula bilambuilu bionsu bivua pabuipi ne biibi bia Yerushalayime, nangananga tshilambuilu tshivua ku tshiibi tshia Yoshuwa, mulombodi wa tshimenga. Tshilambuilu atshi, tshivua ku dia bakaji pa kubuela.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Wakumusha bakuidi bonso mu misoko yonso ya mu Yuda, wakanyanga bitendelelu biakadi bakuidi boshahu musenga wa manananshi ku Geba tô ne ku Bê-sheba; wakashimbula bitendelelu biakadi ku tshibuelelu tshia ku tshibi tshia Yoshua, mukelenge wa musoko, biakadi ku tshianza tshia bakashi tshia ku tshibi tshia musoko.

2 Bakalenga 23:8 ပူးပေါင်းရင်းမြစ်များ

Genese 21:14

Abrahame, kujuka dinda dionsu, kupesha Agare diampa ne kabulubulu tente ne mayi. Kumusuikaye muana panyima, umuambe ne: Ndaku. Agare uvua wenda ulalakana mu tshipela tshia Bersheba.

Genese 21:31

Nanku kuinyikabu muaba awu ne: Bersheba, bualu bonsu babidi bavua batuilapu ndondu ne mutshipu.

Genese 26:23

Izake kumuka kabidi muaba awu, kuya ku Bersheba.

1 Bakalenga 15:22

Mukalenga Asa kubikidisha bena Yuda bonsu, kakuyi kushala muntu. Bena Yuda kuambula mabue onsu ne mabaya manene, bivua Basha munguje bua kuibaka nabi bimana bia musoku wa Rama. Kuibakabu nabi bimana bia musoku wa Ngeba wa Binyamine ne bia musoku wa Mispa, bu muvua mukalenga Asa muambe.

1 Bakalenga 19:3

Muambi Eliya kumvua bowa, kunyema ne muena mudimu wende bua kushala ne muoyi. Kuyaye ku Bersheba mu ditunga dia bena Yuda. Kushiyaye muena mudimu wende mu ditunga adi.

Yeshaya 10:29

Kupitshilabu mu lupongu. Kuambilanganabu ne: “Tuasayi mitanda mu Ngeba. Badi mu Rama badi ne bowa. Badi mu Ngibeya, tshimenga tshia Shawule, badi banyema.

Yezekiyele 44:10

“Bua bena Levi batua bumuka kundi, bambenga, diba ditua bena Izrayele bakuabu bambenge, bua kuya kukukuila mvidie mikuabu, nembanyoke bua bubi buabu.

Amosa 5:5

Kadi kanunkonki malu mu nzubu wa kutendelela wa Betele. Kanubuedi muaba wa kutendelela wa mu Ngilgale, kanuendi luendu lua tshijila, batangile ku Bersheba nansha. Bualu bena Ngilgale, nebaye nabu mu bupika; Betele, nzubu wa Maweja-Nangila, neashale nzubu wa makenga.”

Zekâya 14:10

Ditunga dijima didi dinyunguluka Yerushalayime, nedishale mpata, biangatshile ku Ngeba ku mutu wa ditunga, too ne ku Rimone, kuinshi mu ditunga. Yerushalayime neikale ku mutu kua misoku idi mimunyunguluke. Tshimenga etshi netshituadije ku tshiibi tshia Binyamine, too ne ku tshiibi tshia ku Ditumba, ku muaba uvua tshiibi tshia kale, ne ku kaleya ka Ananeyele, too ne ku bikaminu bia nwinyo bia Mukalenga.

Yoshua 18:24

Kefare-Amona, Ofni ne Ngeba. Bimenga bionsu ebi bivua dikumi ne bibidi, tusangishe ne misoku ivua mutumba.

Yoshua 21:17

Mu buloba bua bena Binyamine, bavua bapeta bimenga ebi: Ngibone, Ngeba,

Balombodi 20:1

Bena Izrayele bonsu kumvuangana ne muoyi umue, kudisangisha ku Mispa, muaba udi Maweja-Nangila. Bivua bafume ku nseke yonsu, biangatshile ku Dane, ku mutu mu ditunga, too ne ku Bersheba, kuinshi mu ditunga. Bakuabu bavua bafume kabidi ku ditunga dia Ngilaade, didi luseke ludi diba dipatukila lua Yardene.