2 Bakalenga 23:36 - MUKANDA WA MYIDI MUKULU

³⁶ Yowakime kudia bukalenga, muikale ne bidimu makumi abidi ne bitanu. Kushalaye mu bukalenga bidimu dikumi ne tshimue mu Yerushalayime. Mamuende wa Yowakime uvua Zebuda, muana wa Pedaya, wa mu musoku wa Ruma.

Mukanda wa Nzambi Dihungila Dikulukulu ne Dihungila Dihia-dihia 2003

³⁶ Yehoyakima wakadi ne bidimu makumi abidi ne bitanu hakabangeye kukokesha; wakakokesha mu Yelushalema bidimu dikumi ne tshimue; dina dia mamu wandi diakadi Zebida, muana mukashi wa Pedaya wa mu Luma.

2 Bakalenga 23:36 ပူးပေါင်းရင်းမြစ်များ

1 Kulondolola 3:15

Bana ba balume ba Yoshiya badi: Yowanane ke muanabute, bamulonda kudi Yoyakime, muisatu Sedekiya, ne Shalume muinayi.

2 Kulondolola 36:5

Yowakime kubuela mu bukalenga muikale ne bidimu makumi abidi ne bitanu. Kushalaye mu bukalenga bidimu dikumi ne tshimue mu Yerushalayime. Yowakime uvua wenza malu adi Maweja-Nangila Mvidi Mukulu wende mubenge.

Yirmeya 1:3

Maweja-Nangila kumuambila malu tshiakabidi tshikondu tshivua Yoyakime, muana wa Yoshiya, mu bukalenga bua bena Yuda, too ne ku ndekelu wa bukalenga bua Sedekiya, muana mukuabu wa Yoshiya, mmumue ne too ne mu tshidimu tshia dikumi ne tshimue tshia bukalenga ebu, pavuabu bakuata bena Yerushalayime mu ngondu muitanu wa tshidimu atshi, baye nabu mu bupika.

Yirmeya 22:18

Bua Yoyakime, muana wa Yoshiya, mukalenga wa bena Yuda, Maweja-Nangila udi wamba ne: Yeye mufue, bantu kabakumudila to. Muntu kakuamba ne: “Tutu wanyi, diakabi kaayi edi?” “Yaya wanyi, diakabi kaayi edi?” Kabakumudila bamba ne: “Mfumuanyi, diakabi kaayi?” “Mukalenga, diakabi kaayi edi.”

Yirmeya 22:19

Nebamujike bu nyama. Nebakoke tshitalu tshiende panshi, bua kutshimansha, kutshiela pambelu pa biibi bia Yerushalayime.

Yirmeya 26:1

Yoyakime, muana wa Yoshiya, mumane kubuela mu bukalenga bua bena Yuda amu matuku makese, Maweja-Nangila kuambila Yirmeya ne:

Danyele 1:1

Yoyakime, mukalenga wa bena Yuda mumane kushala bidimu bisatu mu bukalenga, Nebukadnesare, mukalenga wa Babilone, kukuataye tshimenga tshia Yerushalayime.