2 Bakalenga 23:34 - MUKANDA WA MYIDI MUKULU

³⁴ Pashishe, Neko kusungula Eliyakime, muana wa Yoshiya, bua apingane tatuende mu bukalenga. Neko kushintulula dina dia Eliyakime, kumuinyika dina dia Yowakime. Kadi kuyaye ne Yowakaze mu Ejipitu. Yowakaze kufuila mu Ejipitu.

Mukanda wa Nzambi Dihungila Dikulukulu ne Dihungila Dihia-dihia 2003

³⁴ Palô-neko wakasungula Eleyakima, muana wa Yoshiya, mukelenge mu muaba wa Yoshiya, tatu wandi; wakamuidika dina dikuabo ne, Yehoyakima; yeye wakumusha Yehoaza, wakamutuma mu Ejipitu, wakafuilamu.

2 Bakalenga 23:34 ပူးပေါင်းရင်းမြစ်များ

Genese 41:45

Kuinyikaye Yozefe dina dia bena Ejipitu dia Safnate-Paneya. Kumuseleshaye ne mukaji, dina diende Asnate, muana wa mutuangaji Potifera wa mu tshimenga tshia One. Kutuadija mu tshikondu atshi, Yozefe uvua mua kuendakana mu ditunga dijima dia Ejipitu.

2 Bakalenga 23:29

Patshivua Yoshiya mu bukalenga, Neko, mukalenga wa bena Ejipitu, uvua muye ne bena mvita bende ku musulu wa Perate bua kuambuluisha mukalenga wa bena Ashure. Mukalenga Yoshiya uvua musue kukanga njila, bua bena Ejipitu kabapitshi to. Kadi, kumushipabu ku Megido mu mvita ya kumpala.

2 Bakalenga 24:17

Pashishe, Nebukadnesare kusungula Mataniya, mansebende wa Yowakine bua kuikalaye mukalenga. Kadi, Nebukadnesare kushintulula dina dia Mataniya, kumuinyika Sedekiya.

1 Kulondolola 3:15

Bana ba balume ba Yoshiya badi: Yowanane ke muanabute, bamulonda kudi Yoyakime, muisatu Sedekiya, ne Shalume muinayi.

Yirmeya 1:3

Maweja-Nangila kumuambila malu tshiakabidi tshikondu tshivua Yoyakime, muana wa Yoshiya, mu bukalenga bua bena Yuda, too ne ku ndekelu wa bukalenga bua Sedekiya, muana mukuabu wa Yoshiya, mmumue ne too ne mu tshidimu tshia dikumi ne tshimue tshia bukalenga ebu, pavuabu bakuata bena Yerushalayime mu ngondu muitanu wa tshidimu atshi, baye nabu mu bupika.

Yirmeya 35:1

Tshikondu tshia Yoyakime, muana wa Yoshiya, mukalenga wa bena Yuda, Maweja-Nangila kuambila Yirmeya ne:

Danyele 1:7

Mulombodi wa bena mudimu ba mukalenga kubinyika mena mapiamapia. Kuinyikaye Daniyele Beltashare; kupeshaye Ananiya dina dia Shadrake, Mikayele dia Meshake, ne Azariya dia Abede-Nego.

Yoshua 18:18

Pashishe mukalu awu udi ulonda tshibandabanda tshia musulu wa Yardene, upitshila ku mutu kua mukuna udi utangila tshibandabanda atshi.