2 Bakalenga 23:20 - MUKANDA WA MYIDI MUKULU

²⁰ Nanku, batuangaji bonsu bavua balambula milambu pa bilambuilu bia kutendelela mvidie, Yoshiya kubashipela pa bilambuilu abi. Kuoshaye mifuba ya bantu pa bilambuilu abi. Pashishe, Yoshiya kupingana mu Yerushalayime.

Mukanda wa Nzambi Dihungila Dikulukulu ne Dihungila Dihia-dihia 2003

²⁰ Wakashiha bakuidi ba bitendelelu abi ha bioshelu biabo, wakoshahu mifuba ya bantu; nunku wakahingana ku Yelushalema.

2 Bakalenga 23:20 ပူးပေါင်းရင်းမြစ်များ

1 Bakalenga 13:2

Nanku, muambi kuela diyi divua Maweja-Nangila mumuambile, ubenga tshilambuilu atshi, wamba ne: — Tshilambuilu! Tshilambuilu! Teleja tshidi Maweja-Nangila wamba! Nebalele muana wa balume mu nzubu wa Davide. Nebamuinyike ne: Yosiyase. Nanku, Yosiyase nealambule batuangaji badi bakuata mudimu miaba ya kutendelela mvidie, pambidi pebe wewe tshilambuilu, muaba uvuabu boshila milambu. Tshilambuilu, pambidi pebe, neboshilepu too ne mifuba ya bantu!

1 Bakalenga 18:40

Muambi Eliya kubambila ne: — Kuatayi bambi ba Baale. Muntu nansha umue wa kudibu kanyemi to. Kukuatabu bambi ba Baale bonsu. Muambi Eliya kupueka nabu ku muelelu wa musulu wa Kishone, kubakosaye mitu.

2 Bakalenga 10:25

Yehu mumane kulambula milambu, kutuma diyi kudi bena mvita ne bamfumu babu, ubambila ne: — Buelayi, nushipe bantu aba bonsu! Muntu nansha umue kena mua kupatuka mu nzubu emu ne muoyi to. Nanku, kushipabu bantu abu bonsu, kuimansha bitalu biabu pambelu. Pashishe, kubuelabu mu nzubu muvuabu batendelela mvidie Baale.

2 Bakalenga 11:18

Diba adi, bantu bonsu kuya mu nzubu wa Baale. Kupulabu nzubu awu, kunyangakaja bilambuilu ne mpingu ivuamu. Kushipabu Matane, mutuangaji wa Baale, kumpala kua bilambuilu. Pashishe, mutuangaji Yoyada kuteka bantu bua kulama bimpe nzubu wa Maweja-Nangila.

2 Kulondolola 34:5

Pashishe, kuoshabu mifuba ya batuangaji ba bisamba bikuabu pa bilambuilu bivuabu balambuila milambu. Ke muvua Yoshiya mumushe mikiyaivua mu Yerushalayime ne mu bukalenga bua Yuda nanku.

Ekesode 22:19

“Muntu yonsu udi utendelela mvidie ya bisamba bikuabu, uyilambula milambu, kayi ulambula amu Maweja-Nangila, numushipe.

Ekesode 22:20

“Kanutatshishi muenyi, kanumukengeshi. Bualu nuenu nuvua benyi mu ditunga dia Ejipitu.

Yeshaya 34:6

Ku muele wa mvita wa Maweja-Nangila, kudi mashi a bungi, kudi mafuta tente, bu mashi a mikoku ya bimpanga, a mbuji ya mpumbu, bu mafuta a ku tuonyi tua mbuji. Bualu mu tshimenga tshikulu tshia Bosra, Maweja-Nangila udi ulambula milambu. Mu ditunga dia bena Edome, udi ushipa nyama ya milambu.

Lewitiki 26:30

Pandi nnufikila munda, nennyangakaje miaba inudi nulambuila mvidie yenu milambu. Nengupule bilambuilu bienu bia manananshi. Nententakaje bitalu bienu pa mpingu yenu imvua mutshibule.

Dielulula 13:5

Nutendelele amu Maweja-Nangila Mvidi Mukulu wenu. Numunemeke, nutumikile mikenji yende, numulamate, numuenzele mudimu.