2 Bakalenga 23:13 - MUKANDA WA MYIDI MUKULU

¹³ Yoshiya kunyangakaja miaba ya kutendelela ivua mukalenga Shelomu muibake kuinshi kua mukuna wa Olive, udi mutangilangane ne tshimenga tshia Yerushalayime. Miaba ayi, bavua batendelela Astarte, mvidie mukaji wa buenzayi wa bena Sidone, Kemoshe, mvidie muena buenzayi wa bena Mowabe, kabidi Milkome, mvidie mubi wa bena Amone.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Mukelenge wakanyanga bitendelelu bia ku mikuna biakadi ku mpala kua Yelushalema, biakadi ku tshianza tshia balume tshia ku mukuna wa dibutuka wakashila mukelenge Solomo Bashatolete, nzambi wa bundu wa Bena Sidona, ne wa Kemoshe, nzambi wa bundu wa Bena Moaba, ne wa Milekoma, nzambi wa bundu wa Bena Amona.

2 Bakalenga 23:13 ပူးပေါင်းရင်းမြစ်များ

1 Bakalenga 11:33

Nengenze nanku, bualu bena Izrayele mbambenge. Badi batendelela Astarte, mvidie mukaji wa bena Sidone, Kemoshe mvidie wa bena Mowabe, ne Milkome, mvidie wa bena Amone. Kabena balonda njila umvua mubaleje to. Kabena bangenzela bimpe. Kabena batumikila meyi anyi ne mikenji yanyi bimvua mubambile. Kabena babikumbaja bu muvuabu babikumbaja kudi Davide, tatuende wa Shelomu.

1 Bakalenga 11:5

Shelomu kutendelela Astarte, mvidie mukaji wa bena Sidone, ne Milkome, mvidie mubi wa bena Amone.

1 Bakalenga 11:7

Tshikondu atshi, Shelomu kulongoluela Kemoshe, mvidie mubi wa bena Mowabe, muaba wa tshijila pa mukuna uvua mutangilangane ne Yerushalayime. Kulongololaye kabidi Milkome, mvidie mubi wa bena Amone, muaba wa tshijila.

Nehemya 13:26

Meme kubakonka ne: — Malu aa ki ngavua mafikishe Shelomu, mukalenga wa Izrayele, ku dienza bibi anyi? Munkatshi mua bisamba bia bende bionsu, kakuvua mukalenga mukuabu bu yeye to. Mvidi Mukulu uvua mumunange, mumuteke mukalenga wa bena Izrayele bonsu. Kadi bakaji ba bisamba bikuabu bavua bamufikishe ku dienza bibi

Yeshaya 44:19

Muntu nansha umue wa kudibu kena wela meji. Muntu nansha umue kena ne lubatshi, nansha ne lungenyi lua kuamba ne: “Mvua muoshe tshitupa tshia mutshi ewu. Mu mbabula, meme kulamba biakudia, kuosha munyinyi undi ndia ewu. Kadi ne tshitupa tshia mutshi tshidi tshishala, ndi mua kuenza mvidie udibu batendelela anyi? Akia! Nkadi nginamina tshitupa tshia mutshi!”

Yirmeya 11:13

Mu ditunga dia bena Yuda, tshimenga tshionsu tshidi ne watshi mvidie. Mu musesu onsu wa mu Yerushalayime mudi amu tshilambuilu tshia kulambula mvidie Baale udi utukuatshisha bundu.”

Yirmeya 48:13

Nebafuishe Mowabe bundu kudi mvidie wende Kemoshe, muvuabu bafuishe bena bukalenga bua bena Izrayele bundu kudi mvidie wabu wa ku Betele uvuabu batekemena bikole.

Yirmeya 48:16

Nuenu bena Mowabe kabutu kadi pabuipi, dikenga nedinukuate lukasa.

Yirmeya 48:7

Mowabe, wewe udi udimona ne bukole, ne bintu bia bungi. Kadi nebakukuate wewe kabidi! Kemoshe, mvidie webe, neaye mu ditunga dia bende mu bupika, kabidi ne batuangaji bebe, ne balombodi ba mu bukalenga buebe.

Sefanya 1:5

Nembutule bonsu badi babanda ku misonga ya nzubu, bua kutendelela mitotu, ne bonsu badi bantendelela, baditshipa mu dina dianyi, kadi baditshipa musangu umue mu dina dia mvidie Milkome.

Dibadika 21:29

Nuenu bena Mowabe, diakabi kaayi! Nudi nutendelela Kemoshe! Nuabutuki! Balume bavua bapanduke, kabidi ne bakaji, bonsu mbabakuate, mbabafile kudi Sihone, mukalenga wa bena Amore.

Balombodi 10:6

Bena Izrayele kuenza kabidi malu mabi adi Maweja-Nangila ubenga. Kutendelelabu mvidie mulume Baale, ne mvidie mukaji Astarte, kabidi ne mvidie ya bena Arame, ya bena Sidone, ya bena Mowabe, ya bena Amone ne ya bena Peleshete. Kulekelabu Maweja-Nangila, kabayi bamutendelela kabidi to.

Balombodi 11:24

Kuena ne buebe buloba buvua mvidie webe Kemoshe mukupe anyi? Nanku tuetu kabidi, tudi ne buetu buloba, buvua Maweja-Nangila muanyishe bua tuetu kubukuata.

Balombodi 2:13

Ke bena Izrayele kubenga Maweja-Nangila, bua kuya kutendelela mvidie Baale ne Astarte.

1 Samuele 12:10

Bankambua benu kubikila kabidi Maweja-Nangila, bua kubambuluisha, bamuambila ne: “Maweja-Nangila, tudi benze bibi, bualu tuvua bakubenga, bua kutendelela mvidie Baale ne Astarte. Kadi mpindiewu, utusungidileku kudi baluishi betu, netukuenzele mudimu.”

1 Samuele 7:4

Bena Izrayele kuimansha mpingu ya mvidie Baale ne Astarte ivuabu nayi, kutendelelabu amu Maweja-Nangila nkayende.