2 Bakalenga 23:12 - MUKANDA WA MYIDI MUKULU

¹² Kupulaye bilambuilu bionsu bivua bakalenga ba bena Yuda bibake pa mutu pa nzubu wa Akaze. Kupulaye kabidi bilambuilu bionsu bivua Menashe muibake mu mbanza ibidi ya mu nzubu wa Mvidi Mukulu. Kunyangakajaye bilambuilu abi muaba awu. Kubimanshaye mu tshibandabanda tshivua mu Sedrone.

Mukanda wa Nzambi Dihungila Dikulukulu ne Dihungila Dihia-dihia 2003

¹² Mukelenge wakashimbula bioshelu biakadi ku mutu kua nsubu wa Ahaza, biakenza bakelenge ba Yuda; ne bioshelu biakenza Manashe mu biendedi bibidi bia mu nsubu wa Yehowa; wakaubutula, wakela lufuishi luabi mu kasulu ka Kidelona.

2 Bakalenga 23:12 ပူးပေါင်းရင်းမြစ်များ

1 Bakalenga 15:13

Asa kukandikaye bantu bua kababikidi kakuende Maaka ne: “Mukalenga muadi,” bualu Maaka uvua mupete meji mabi a kuenza lupingu lua mvidie mukaji Ashera. Asa kutuma diyi bua banyangakaje lupingu alu, baloshile ku muelelu wa musulu wa Sedrone.

2 Bakalenga 10:26

Kupatulabu makunji a tshijila avua mu nzubu amu, ku wosha.

2 Bakalenga 21:4

Kuenzaye bilambuilu bikuabu, bia bantu benyi mu nzubu wa Mvidi Mukulu, wa mu Yerushalayime. Maweja-Nangila uvua mumane kuamba bua nzubu awu ne: “Meme Maweja-Nangila nensombe mu nzubu ewu.”

2 Bakalenga 21:5

Pashishe, bintu bia mu tshibuashibuashi, Menashe kubashila bilambuilu mu mbanza ibidi ya ku nzubu wa Mvidi Mukulu.

2 Bakalenga 23:4

Pashishe, mukalenga Yoshiya kuambila Ilkiya, mutuangaji munene, ne batuangaji bakuabu bavuaye nabu, ne batuangaji bavua balame ku mushiku wa nzubu wa Mvidi Mukulu, bua kumushabu mu muaba wa tshijila bintu bionsu bia kutendelela nabi mvidie Baale, mvidie mukaji Ashera, ne bintu bionsu bia mu tshibuashibuashi. Kumukabu ne bintu abi mu Yerushalayime. Kuyabu kubioshila mu tshibandabanda tshia Sedrone. Pashishe, kuyabu ne butu bua bintu abi mu tshimenga tshia Betele.

2 Bakalenga 23:6

Yoshiya kutuma bantu bua bajule dikunji dia mvidie mukaji Ashera, divua mu nzubu wa Mvidi Mukulu. Kumukabu nadi mu Yerushalayime, bua kuya kudioshila mu tshibandabanda tshia Sedrone. Kuoshabu dikunji adi, kudibutula. Butu buadi kubutangalajabu muaba uvua nkita ya bantu bonsu.

2 Kulondolola 15:16

Mukalenga Asa kubenga bua kabinyiki kakuende Maaka dina dia ne: “Mukalenga Muadi”. Bualu Maaka uvua ne meji mabi a kuenza lupingu lua mvidie mukaji Ashera. Mukalenga Asa kutuma diyi, bua banyangakaje lupingu alu, baluzaze, baloshile ku muelelu wa mayi a Sedrone.

2 Kulondolola 33:15

Uvua mumushe mvidie ya bantu benyi ne lupingu, bivuabu bateke mu nzubu wa Mvidi Mukulu. Uvua munyangakaje bilambuilu bionsu bivuaye muase pa mukuna uvua wa Mvidi Mukulu, ne mu Yerushalayime. Uvua mupatule bintu abi mu tshimenga, bua kuya kubimansha.

2 Kulondolola 33:5

Menashe kuasa bilambuilu mu mbanza ibidi ya ku nzubu wa Mvidi Mukulu, bua kutendelela mabulunge a mulu.

Yirmeya 19:13

Nzubu ya mu Yerushalayime ne ya bakalenga ba mu Yuda neikale ne mikiya bu muaba ewu wa Tofete. Bualu kulu kua nzubu eyi bavua balambuilaku musenga wa kamonya, bua kutendelela tshituilu tshia mitotu, bavua balambuilamu mvidie ya bantu ba bisamba bikuabu milambu ya maluvu.”

Yirmeya 31:40

“Tshibandabanda tshijima, muaba udibu bajika bitalu, udibu bela butu bua milambu, netshikale tshianyi meme. Mpata yonsu too ne ku Kedrone, musulu wa muenji mukole, too ne ditunga dia ku tshiibi tshia Nyama ya tubalu, luseke ludi diba dipatukila, neyikale yanyi meme. Kabena mua kunyenga, kabena mua kubutula kabidi tshimenga to.

Sefanya 1:4

“Nennyoke badi basomba mu Yerushalayime, ne bantu bonsu badi mu Yuda. Nengumushe muaba ewu, bionsu biwabu batendelela nabi Baale. Nansha batuangaji ba nwidie ewu, kabena mua kubavuluka kabidi to.

Sefanya 1:5

Nembutule bonsu badi babanda ku misonga ya nzubu, bua kutendelela mitotu, ne bonsu badi bantendelela, baditshipa mu dina dianyi, kadi baditshipa musangu umue mu dina dia mvidie Milkome.

Dielulula 22:8

Panudi nuasa nzubu mupiamupia, nuenze bimana binyungulule musaka wa nzubu awu. Bualu bu muntu mukuluke ku musaka mufue, nenupete tshilumbu.