2 Bakalenga 21:9 - MUKANDA WA MYIDI MUKULU

⁹ Kadi, bena Yuda kabena batumikila Maweja-Nangila to. Menashe ke uvua mubafikishe ku dienza bibi bipite bia bantu, bavua kale mu ditunga adi, bavua Maweja-Nangila muipate bua kushilabu bena Izrayele ditunga.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Kadi bobo kabakangunvuila; Manashe wakabenzesha malu mabi akahita a bisamba biakabutula Yehowa ku mesu kua Bena Isalele bubi.

2 Bakalenga 21:9 ပူးပေါင်းရင်းမြစ်များ

1 Bakalenga 14:16

Maweja-Nangila nealekele bena Izrayele, bualu Yerobowame mmuenze bibi, kabidi mmufikishe bena Izrayele ku dienza bibi.

2 Bakalenga 16:3

Uvua mulonde amu buenzayi bua bakalenga ba Izrayele. Akaze kufika ne ku dilambula muanende wa balume bu mulambu wa kuosha, bilondeshile bilele bibi bia bisamba bivua Maweja-Nangila muipate bua kushilabi bena Izrayele ditunga.

2 Bakalenga 21:10

Pashishe, Maweja-Nangila kutuma bambi, bantu bende ne:

2 Kulondolola 33:9

Kadi Menashe ke uvua mufikishe bena Yerushalayime, ne bena Yuda ku dienza bibi bipite bia bantu bavua kale mu ditunga adi, bavua Maweja-Nangila mubutule, bua bashile bantu bende bena Izrayele ditunga.

2 Kulondolola 36:16

Kadi bena Izrayele kuseka bambi ba Mvidi Mukulu, kubalembakaja, kulengulula meyi a Mvidi Mukulu. Nanku, Maweja-Nangila kubafikila munda, kubanyoka bikole kabayi mua kupanda to.

Nehemya 9:26

Kadi bavua ne tshishiku. Nanku bobu kukutombokela, kubenga diyi diebe, kushipa bambi bebe, bavua bababela bua bapingane kuudi. Ke muvuabu bakuenzela bibi, bakupenda misangu ne misangu.

Misambu 12:8

Maweja-Nangila, wewe ke udi ukumbaja biudi ulaya. Bantu badi bakubenga badi bendakana miaba yonsu, bubi budi buvulangana mu bantu. Kadi utuepule bua katubuelakanyi ne bantu babi aba.

Misambu 81:10

Kanuena mua kuikala ne mvidie mukuabu munkatshi muenu! Kanutendeledi mvidie ya bena bisamba bikuabu.

Nsumuinu 29:12

Padi mfumu witaba malu a dishima, bonsu badi kuinshi kuende nebandamuke bena dishima.

Yezekiyele 11:12

Diba adi, nenujadike ne: ndi Maweja-Nangila. Kanuvua balame meyi anyi, kanuvua bakumbaje mikenji yanyi, bualu nuvua balonde bibidilu bia bantu benyi badi banunyungulula.

Yezekiyele 16:47

Kuena muidikije amu bibi bivuabu benze bobu nansha. Kuvua mulonde anu dikasa diabu dibi. Kadi uvua muenze wewe bibi bipite biabu kashidi.

Yezekiyele 22:3

Ubamanyishe tshindi meme Maweja-Nangila Mvidi Mukulu ngamba ne: “Udi mulekele bantu bebe bua bashipangane. Ke mudibu bakukebela kabuta. Badi benza mpingu indi mubenge bua kutendelela mvidie. Badi bapisha buloba buebe mikiya.

Yezekiyele 5:6

Bena tshimenga etshi mbabenge meyi ne mikandu bimvua mubambile. Bavua benza kabidi bibi bivua bena mutumba nabu kabayi mua kuenza. Badi bantu ba muoyi mubi, bapite matunga avua mabanyungulukile ku bubi. Bualu kabena bitabe ku mikenji yanyi, mbabenge kulonda meyi anyi.

Yezekiyele 5:7

Nanku, meme Maweja-Nangila Mvidi Mukulu, ndi mbambila ne: nudi benze bibi bipite bidi bantu badi banunyungulukile kabayi benza. Kanuena balonde mikenji yanyi, kanuena bakumbaje meyi anyi. Kadi nudi balonde amu meyi a bisamba bidi nenu mutumba.

Danyele 9:6

Katuvua bateleje bivua bambi bena mudimu bebe, bambile bakalenga betu, bamfumu betu, batatuetu, ne bantu bakuabu bonsu, pavuabu babamanyishe malu mu dina diebe.

Osheya 5:11

Nebakengeshe bena Efrayime bikole, nebajimije ne buloba buvua buabu, bualu mbaye kukeba diambuluisha, kudi bantu badi kabayi ne tshia kuenza.

Luke 13:34

“Yerushalayime we, Yerushalayime we, wewe udi ushipa bambi. Bantu badi Mvidi Mukulu ukutumina, udi ubasa mabue. Misangu bungi munyi imvua musue kukongoloja bantu bebe, mudi nzolu ukunguja tuana tuende mu mapuapua. Kadi kuvua musue nansha.

Yowanane 15:22

Bu meme tshiyi mulue, kabatua mua kupila nansha. Kadi mpindiewu kabena ne pa kubingila bua bubi buabu.

Yakobe 4:17

Nanku muntu udi mumanye bualu buimpe budiye ne bua kuenza, ubenga kubuenza, mmuena tshibawu.

Didimanyisha 2:20

Kadi bualu bundi nkudiwila mpaudi ulengulula malu a Izebele. Mukaji ewu udi udiamba mudiye muambi wa Mvidi Mukulu. Udi upambula bantu banyi, ubalongesha bua benze malu a bundu, badie minyinyi ya nyama milambula nwidie.

1 Samuele 8:19

Bena Izrayele kabawa bitaba bionsu bivua Samuwele ubambila abi to. Kumuandamunabu ne: — Nansha wewe muambe nanku, tudi basue anu mukalenga,