2 Bakalenga 21:7 - MUKANDA WA MYIDI MUKULU

⁷ Uvua muenze kabidi lupingu lua mvidie mukaji, Ashera, mubiteke mu nzubu wa Mvidi Mukulu. Kadi, Maweja-Nangila uvua muambile Davide ne muanende wa balume Shelomu ne: “Nzubu ewu udi mu Yerushalayime, tshimenga tshindi mumane kusungula ku bimenga bionsu bidi mu bisamba dikumi ne bibidi bia bena Izrayele, ke muaba undi nsomba kashidi munkatshi mua bantu.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Wakateka luhingu lua Bashela luakasongeye mu nsubu wa Yehowa, mu nsubu mene wakambila Yehowa Davidi ne muanʼandi Solomo ne, Nenjadike dina dianyi mu nsubu eu ne mu Yelushalema unakasungula munkatshi mua bisamba bia Bena Isalele tshiendelele;

2 Bakalenga 21:7 ပူးပေါင်းရင်းမြစ်များ

2 Samuele 7:13

Muanebe awu, neangibakile nzubu. Nemmujadike mu bukalenga kashidi.

1 Bakalenga 8:29

Tabala! Tangila nzubu ewu butuku ne munya ne muoyi wa kalolu. Bualu udi mumane kuamba ne: ‘Ke muaba unudi mua kumonangana nanyi. Teleja mundi nkutendelela muaba ewu.

1 Bakalenga 8:44

“Paudi utuma bena Izrayele mu mvita bua kuluisha baluishi babu, padibu bakudimuke batangila tshimenga etshi tshia Yerushalayime, tshiuvua mumane kusungula, batangila ku nzubu ewu undi mukuibakile, padibu bakutendelela wewe Maweja-Nangila,

1 Bakalenga 9:3

Maweja-Nangila kuambila Shelomu ne: — Ndi mumvue kulomba kuebe, ne mushindu uudi untendakena. Nanku, ndi njidila nzubu ewu uudi muibake. Ndi muitabe bua kusombamu kashidi, bua meme kuikala munkatshi muenu. Nengikale mulame nzubu ewu. Netumuenzele bimpe misangu yonsu.

1 Bakalenga 9:7

nennuipate mu buloba bumvua munupe. Nengumuke mu nzubu ewu, undi mujidile bua nuenu kuntendelelamu. Nanku, bantu ba bisamba bikuabu nebanuseke miaba yonsu, banuele bibingu.

2 Bakalenga 16:11

Mutuangaji Uriya kuenza tshilambuilu tshipiatshipia, bilondeshile luidi luvuabu bamutumine kudi Akaze. Uriya kujikija dibaka dia tshilambuilu, Akaze kayi muanji kupingana mu Yerushalayime, ufuma ku Damase to.

2 Bakalenga 21:4

Kuenzaye bilambuilu bikuabu, bia bantu benyi mu nzubu wa Mvidi Mukulu, wa mu Yerushalayime. Maweja-Nangila uvua mumane kuamba bua nzubu awu ne: “Meme Maweja-Nangila nensombe mu nzubu ewu.”

2 Bakalenga 23:27

Ke Maweja-Nangila kuamba ne: — Bu mumvua mumane kubenga kale bua kumona bantu ba mu bukalenga bua Izrayele kumpala kuanyi, ke mundi kabidi mbenga bua kumona bantu ba mu bukalenga bua Yuda kumpala kuanyi. Ndi musue kubenga Yerushalayime, tshimenga tshimvua musungule. Ndi musue kubenga kabidi ne nzubu wa Mvidi Mukulu ewu umvua mumane kulaya bua kusombamu.

2 Bakalenga 23:4

Pashishe, mukalenga Yoshiya kuambila Ilkiya, mutuangaji munene, ne batuangaji bakuabu bavuaye nabu, ne batuangaji bavua balame ku mushiku wa nzubu wa Mvidi Mukulu, bua kumushabu mu muaba wa tshijila bintu bionsu bia kutendelela nabi mvidie Baale, mvidie mukaji Ashera, ne bintu bionsu bia mu tshibuashibuashi. Kumukabu ne bintu abi mu Yerushalayime. Kuyabu kubioshila mu tshibandabanda tshia Sedrone. Pashishe, kuyabu ne butu bua bintu abi mu tshimenga tshia Betele.

2 Bakalenga 23:6

Yoshiya kutuma bantu bua bajule dikunji dia mvidie mukaji Ashera, divua mu nzubu wa Mvidi Mukulu. Kumukabu nadi mu Yerushalayime, bua kuya kudioshila mu tshibandabanda tshia Sedrone. Kuoshabu dikunji adi, kudibutula. Butu buadi kubutangalajabu muaba uvua nkita ya bantu bonsu.

2 Kulondolola 33:15

Uvua mumushe mvidie ya bantu benyi ne lupingu, bivuabu bateke mu nzubu wa Mvidi Mukulu. Uvua munyangakaje bilambuilu bionsu bivuaye muase pa mukuna uvua wa Mvidi Mukulu, ne mu Yerushalayime. Uvua mupatule bintu abi mu tshimenga, bua kuya kubimansha.

2 Kulondolola 33:7

Uvua muenze kabidi lupingu lukuabu, muluteke mu nzubu wa Mvidi Mukulu bua kuntendelela. Kadi, Mvidi Mukulu uvua muambile Davide ne muanende wa balume Shelomu ne: “Nzubu ewu udi mu Yerushalayime, tshimenga tshindi mumane kusungula ku bimenga bionsu bia mu buloba bua bena Izrayele, ke muaba undi nsomba kashidi munkatshi mua bantu.

2 Kulondolola 6:6

Kadi mpindiewu, ndi musungule Yerushalayime bua nuenu kuntendelelamu. Meme kukusungula wewe Davide bua kulombola bantu banyi.”

2 Kulondolola 7:12

Maweja-Nangila kumumuenekela munkatshi mua butuku, umuambila ne: — Ndi mumvue dilomba diebe. Ndi muanyishe nzubu ewu bua bikale bandambuilamu milambu.

2 Kulondolola 7:16

Ndi musungule nzubu ewu, mumujidile bua meme kuikala munkatshi muenu kashidi. Nennutabalele kashidi, amu ne muoyi wa kunuenzela bimpe.

2 Kulondolola 7:20

nenkuipate mu buloba bumvua mukupe, nengumuke mu nzubu ewu undi mujidile bua nuenu kuntendelelamu. Nanku bantu ba bisamba bikuabu nebaseke bena Izrayele, bahele bibingu.

Nehemya 1:9

Kadi, nuenu bapingane kundi, bakumbaje mikenji yanyi, nansha nuenu mu bupika ku ndekelu kua buloba, meme nennukebe, nnupingaje muaba umvua mumane kusungula bua meme kusomba.’

Misambu 74:2

Uvuluke bantu bebe bauvua mudisunguile ku kale. Kupu muoyi bisamba biuvua mupikule, mubienze biebe. Kuvulaminyi mukuna wa Siyone, muaba uuvua musue kusomba.

Misambu 78:58

Kupendabu Maweja-Nangila, batendelela pa mikuna miaba ya bantu benyi, mvidie ya bantu ba bisamba bikuabu, kumufikishabu munda ne disonga dia mpingu ya mvidie ya patupu.

Yirmeya 32:34

Kabidi bavua bateke mpingu yabu indi mbenga mu nzubu udi munjidila. Ke muvuabu bamunyanga ne mikiya.

Yirmeya 7:30

Maweja-Nangila udi wamba ne: Ndi mubenge buenzavi bonsu bua bena Yuda. Mbateke mpingu yabu mibi indi mbenga mu nzubu wanyi wa tshijila, bua nzubu awu ikale ne mikiya.

Yezekiyele 23:38

Kadi mbenze kabidi malu mabi makuabu! Dituku mene adi bavua bapishe kabidi muaba wanyi wa tshijila mikiya, bapepeje dituku dia Dikisha dinjidila meme.

Dielulula 16:21

Kanuena mua kuasa dikunji, nansha kukuna mutshi, bua kutendelela mvidie mikuabu, pabuipi ne tshilambuilu, tshinudi benzela Maweja-Nangila Mvidi Mukulu wenu to.