2 Bakalenga 21:3 - MUKANDA WA MYIDI MUKULU

³ Kulongololaye ne miaba ya kutendelela mvidie ivuabu banyangakaje kudi tatuende Izkiya. Kuibakaye mvidie Baale bilambuilu. Kuenzaye dikunji dia kutendelela, bu muvuabu benza kale kudi Akabe, mukalenga wa bena Izrayele. Kabidi kutendelelaye bintu bia mu tshibuashibuashi.

Mukanda wa Nzambi Dihungila Dikulukulu ne Dihungila Dihia-dihia 2003

³ Wakasa bitendelelu bia ku mikuna biakashimbula Hezikiya, tatu wandi; wakashila Bâla ne Bashela tshioshelu bu muakenza Ahaba, mukelenge wa Isalele; wakatendelela bintu bionso bia mu diulu, wakabikuatshila mudimu.

2 Bakalenga 21:3 ပူးပေါင်းရင်းမြစ်များ

1 Bakalenga 18:21

Eliya kusemena kumpala kua bena Izrayele bonsu, ubakonka ne: — Nenulekele kutendelela bakalenga babidi, dikasa mu mayi, dikuabu ku mukuna, diba kaayi? Padi Maweja-Nangila muikale Mvidi Mukulu bulelela, nutendelele Maweja-Nangila! Kadi, padi Baale muikale Mvidi Mukulu bulelela, nutendelele Baale! Muntu nansha umue kena muandamune to.

1 Bakalenga 18:26

Bambi ba Baale, kuangata ngombe uvuabu babapesha. Kulongololabu mulambu. Pashishe, kulombabu kapia kudi Baale biangatshile ku dinda too ne munda munya, bamba ne: “Mvidie Baale wetu utuitabe!” Bavua baja maja, banyunguluke tshilambuilu tshivuabu bibake. Kadi, mvidie Baale kena mubandamune diyi nansha dimue to.

2 Bakalenga 13:6

Kadi, bena Izrayele bavua anu benza buenzayi, bu Yerobowame ne bena nzubu wende. Bualu Yerobowame uvua mufikishe bena Izrayele ku dienza bibi. Nansha dikunji dia kutendelela Ashera, mvidie mukaji, divua anu dishale dimanyike mu Samariya.

2 Bakalenga 17:16

Bavua balengulula meyi onsu a Maweja-Nangila Mvidi Mukulu wabu. Bavua badienzela mpingu ibidi ya tuana tua ngombe tua tshiamu tshiengulula, badienzela kabidi makunji a kutendelela. Bavua batendelela bintu bionsu bidi mu tshibuashibuashi, benzela mvidie Baale mudimu.

2 Bakalenga 18:22

“Bulelela nenungandamune ne: tudi batekemena kudi Maweja-Nangila Mvidi Mukulu wetu. Kadi, wewe Izkiya ke uvua munyangakaje miaba yonsu ya kumutendelela, ne bilambuilu biende bionsu bivuapu. Uvua mukandike bena Yerushalayime ne bena Yuda bua kabatendeledi muaba mukuabu to, anu kumpala kua tshilambuilu tshidi mu Yerushalayime.

2 Bakalenga 18:4

Izkiya ke uvua mukandike miaba ya kutendelela mvidie, mupule bibumba bia mabue, mupule kabidi ne makunji a kutendelela. Uvua nuukosolole nyoka wa tshiamu tshikunze, uvua Moshe muenze. Bualu too ne ku tshikondu atshi, bena Izrayele batshi wa anu balambula milambu ya manananshi ku nyoka awu, uvuabu babikila ne: Nehuktane.

2 Bakalenga 8:18

Kadi, kuenzaye anu buenzayi bu muvua bakalenga bonsu ba bena Izrayele benza, — kabidi anu bu muvua bena nzubu wa Akabe benza, bualu Yorame uvua musele muana wa Akabe. — Nanku, Yorame kuenza bidi Maweja-Nangila ubenga.

2 Bakalenga 8:27

Akaziya uvua muenze buenzayi anu bu muvua bena diku dia Akabe benza. Uvua wenza bidi Maweja-Nangila ubenga, anu muvuabu benza kudi baku bende bena diku dia Akabe.

2 Kulondolola 32:12

Nangananga Izkiya ewu ki nguvua munyangakaje miaba yonsu ya kutendelela mvidie ne bilambuilubionsu bivuaku anyi? Uvua mukandike bena Yuda ne bena Yerushalayime bua kabatendeledi, kabalambudi milambu muaba mukuabu to, anu pa tshilambuilu tshimue epele tshidimu Yerushalayime!

2 Kulondolola 34:3

Tshidimu tshia muanda mukulu tshia bukalenga bua Yoshiya, yeye mutshikale nsongalume, kukebaye mua kumanya tshidi Mvidi Mukulu wa nkambua wende Davide musue. Pashishe bidimu binayi bimane kupita, kutuadjaye kumusha miaba ya kutendelela mvidie ya bantu benyiivua mu Yerushalayime, ne mu bukalenga bua Yuda. Kumushaye kabidi makunji ne mpingu bia kutendelela mvidie bia mishindu yonsu.

Yobe 31:26

Pamvua mmona diba dikenka muadi muonsu pamvua mmona ngondu wenda utokesha buloba,

Yeshaya 65:11

Kadi nuenu badi bengela nyima, badi bapua njila wa mukuna wanyi wa tshijila muoyi, nennuenzele tshinyi? Nuenu nudi nufila biakudia kudi mvidie Ngade, bua kupeta dikasa dimpe. Nudi nulambula mvidie wa Meni, maluvu mashilangane bua kuepuka dikasa dibi!

Yirmeya 7:30

Maweja-Nangila udi wamba ne: Ndi mubenge buenzavi bonsu bua bena Yuda. Mbateke mpingu yabu mibi indi mbenga mu nzubu wanyi wa tshijila, bua nzubu awu ikale ne mikiya.

Mika 6:16

Nenuidikije malu mabi onsu, avua mukalenga Omri wenza ne bena diku dia Akabe, muanende wa balume. Nudi nulonda bilele biabu! Ke pandi mbutula tshimenga tshienu. Nuenu badi basombamu, bantu nebanuseke. Bundu budi bukuata bantu banyi bonsu, nebunukuate kabidi.”

Dielulula 16:21

Kanuena mua kuasa dikunji, nansha kukuna mutshi, bua kutendelela mvidie mikuabu, pabuipi ne tshilambuilu, tshinudi benzela Maweja-Nangila Mvidi Mukulu wenu to.

Dielulula 17:2

Misangu mikuabu, mu tshimue tshia ku bimenga tshidi Maweja-Nangila Mvidi Mukulu wenu mua kunupa bua nuenu kusomba, muntu mulume nansha mukaji udi mua kuenza bibi, kunyangakaja ndondu.

Dielulula 17:3

Tshilejilu: muntu udi utendelela mvidie ya bisamba bikuabu, nansha diba, ngondu, nansha bintu bivule bidi mu tshibuashibuashi. — Maweja-Nangila katshia ki mmunuambile bua kuenza nanku! —

Dielulula 20:18

Bualu bantu aba, badi mua kunulongesha buenzayi, budibu benza bua kusankisha mvidie yabu. Nuenu balonde buenzayi ebu, nudi nuenzela Maweja-Nangila Mvidi Mukulu wenu bibi.

Dielulula 4:19

Kanutangidi mulu bua kutendelela diba, ngondu, mitotu, nansha bintu bionsu bidi mu tshibuashibuashi. Kanubienzedi mudimu, kanubikukuidi. Maweja-Nangila mmuitabe anu bua bisamba bikuabu bitendelele bintu abi.