2 Bakalenga 21:24 - MUKANDA WA MYIDI MUKULU

²⁴ Kadi, bena Yuda kushipa bantu bavua belele Amone tshifufu abu. Kusungulabu muanende wa balume Yoshiya bua kupinganaye tatuende Amone mu bukalenga.

Mukanda wa Nzambi Dihungila Dikulukulu ne Dihungila Dihia-dihia 2003

²⁴ Kadi bantu bonso ba mu buloba bakashiha bantu bonso bakelela mukelenge Amona tshifufu; bena buloba aba bakasungula Yoshiya, muana wandi, mukelenge mu muaba wandi.

2 Bakalenga 21:24 ပူးပေါင်းရင်းမြစ်များ

2 Samuele 5:3

Nanku bakulu bonsu ba bena Izrayele kufika, kuya kudi mukalenga Davide mu Ebrone. Davide kutua nabu ndondu kumpala kua Maweja-Nangila. Kujidilabu Davide bua ikale mukalenga wa bena Izrayele.

1 Bakalenga 12:1

Robowame kuya ku Shekeme, bualu ke muaba uvua bisamba bionsu bia ku mutu bifike bua kumubanjija mu bukalenga.

1 Bakalenga 12:20

Bena Izrayele bonsu ba ku mutu, bamane kumvua lumu lua dipingana dia Yerobowame, kudisangisha nkayabu. Kubikidishabu Yerobowame mu tshisangilu atshi, kumusungula bua ikale mukalenga wa bena Izrayele. Nanku, anu tshisamba tshia Yuda nkayatshi kushala kuitaba nzubu wa Davide.

2 Bakalenga 11:17

Mutuangaji Yoyada, kufikisha mukalenga Yowashe pamue ne bena Izrayele bonsu ku ditua ndondu ne Maweja-Nangila. Bua ndondu awu, bena Izrayele kuitaba bua kuikala bantu ba Maweja-Nangila. Mutuangaji kufikisha kabidi mukalenga Yowashe ku ditua ndondu ne bantu bende bena Izrayele.

2 Bakalenga 14:21

Patshivua Azariya, muana wa Amashiya, ne bidimu dikumi ne bisambombu, bena Yuda kumusungula bua kupinganaye tatuende mu bukalenga.

2 Bakalenga 14:5

Amashiya mumane kushindika bukalenga buende, kushipaye balombodi ba bena mvita bavua bashipa tatuende Yowashe.

2 Bakalenga 21:25

Malu makuabu a Amone, mbaafunde mu mukanda udibu babikila ne: Malu adi bakalenga ba bena Yuda benza.

2 Bakalenga 22:1

Yoshiya kudia bukalenga muikale ne bidimu muanda mukulu. Kushalaye mu bukalenga bidimu makumi asatu ne tshimue, mu Yerushalayime. Mamuende wa Yoshiya uvua Yedida, muana wa Adaya, wa mu tshimenga tshia Boskate.

2 Kulondolola 22:1

Bena mu tshimenga tshia Yerushalayime, kusungula Akaziya muana mukala wa Yorame, bua ikale mukalenga pa muaba wa tatuende. Bualu bana ba balume bakuabu bonsu ba Yorame, bakavua bamane kubashipa kudi tshisumbu tshia bena Arabe, bavua babuele mu mitanda ya bena mvita ba bena Yuda. Ke muvua Akaziya, muana wa Yorame, mushale mukalenga wa bena Yuda nanku,

2 Kulondolola 26:1

Pavua Uziya, muana wa Amashiya, ne bidimu dikumi ne bisambombu, bena Yuda kumusungula bua apingane tatuende mu bukalenga.

2 Kulondolola 33:25

Kadi bana babu bena Yuda kushipabu bantu bavua belela mukalenga Amone tshifufu tshibi abu. Kusungulabu muanende wa balume Yoshiya bua kupingana tatuende Amone mu bukalenga.

Yirmeya 1:2

Yoshiya, muana wa Amone, mumane kulala mu bukalenga bua bena Yuda bidimu dikumi ne bisatu, Maweja-Nangila kutuadija kuambila Yirmeya malu onsu aa.

1 Samuele 11:15

Bena Izrayele bonsu kuya ku Ngilgale. Bafike mu nzubu wa Mvidi Mukulu, kubandabu tshiakabidi Shawule mu bukalenga. Pashishe kulambulabu Maweja-Nangila milambu ya bobumue. Nanku Shawule ne bena Izrayele bonsu, kusanka bikole.