2 Bakalenga 21:18 - MUKANDA WA MYIDI MUKULU

¹⁸ Menashe mumane kufua, kumujiikabu mu lupangu luvua ku nzubu wa bukalenga, luvuabu babikila ne: “Lupangu lua Uza”. Muanende wa balume Amone kumupingana mu bukalenga.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Manashe wakalala tulu ne bankambua bandi, bakamujika mu tshibunda tshiandi tshiakadi hehi ne nsubu wandi, mu tshibunda tshia Uza mene. Amona, muanʼandi, wakakokesha mu muaba wandi.

2 Bakalenga 21:18 ပူးပေါင်းရင်းမြစ်များ

2 Bakalenga 21:19

Amone kudia bukalenga muikale ne bidimu makumi abidi ne bibidi. Kushalaye mu bukalenga bidimu bibidi mu Yerushalayime. Mamuende wa Amone uvua Meshulemete, muana wa Aruse, wa mu tshimenga tshia Yotba.

2 Bakalenga 21:26

Kumujiikabu mu lukita luende luvua mu: “Lupangu lua Uza.” Nanku, muanende wa balume Yoshiya, kumupingana mu bukalenga.

1 Kulondolola 3:14

Amone ne Yoshiya.

2 Kulondolola 21:20

Yorame uvua mubuele mu bukalenga muikale ne bidimu makumi asatu ne bibidi. Uvua mushale mukalenga bidimu muanda mukulu mu Yerushalayime. Yeye mumane kufua, muntu nansha umue kavua munyingalale bua lufu luende to. Bavua bamujike mu Tshimenga tshia Davide. Kadi kabavua bamujike mu nkita idibu bajika bakalenga to.

2 Kulondolola 24:16

Kumujikabu mu nkita ya bena diku dia bukalenga, mu Tshimenga tshia Davide. Bualu uvua muenzele bena Izrayele malu mimpe. Uvua munemeke kabidi Mvidi Mukulu ne nzubu wende.

2 Kulondolola 24:25

Pashishe, bena Arame kumuka, kushiya Yowashe mu dikenga dinene. Nanku, balombodi ba bena mvita ba Yowashe kumuelela tshifufu tshibi, bua kumusombuela bua lufu lua muana wa mutuangaji Yoyada. Kumushipelabu mu bulalu buende. Kumujikabu mu Tshimenga tshia Davide. Kadi kabena bamujika mu nkita ya bena diku dia bukalenga to.

2 Kulondolola 28:27

Akaze mumane kufua, kumujikabu mu Yerushalayime. Kadi, kabavua bamujike mu nkita ya bena diku dia bukalenga to. Muanende wa balume Izkiya kumupingana mu bukalenga.

2 Kulondolola 32:33

Izkiya mumane kufua, kumujikabu mu tshitupa tshia kulu tshia nkita ya ndelanganyi ya Davide. Diba dia madilu ende adi, bena Yerushalayime ne bena Yuda bakuabu bonsu bavua batumbisha lumu luende. Muanende wa balume Menashe, kumupingana mu bukalenga.

2 Kulondolola 33:20

Menashe mumane kufila, kumujikabu pabuipi ne nzubu wende wa bukalenga. Muanende wa balume Amone kumupingana mu bukalenga.

Yirmeya 1:2

Yoshiya, muana wa Amone, mumane kulala mu bukalenga bua bena Yuda bidimu dikumi ne bisatu, Maweja-Nangila kutuadija kuambila Yirmeya malu onsu aa.

Yirmeya 22:19

Nebamujike bu nyama. Nebakoke tshitalu tshiende panshi, bua kutshimansha, kutshiela pambelu pa biibi bia Yerushalayime.

Sefanya 1:1

Telejayi bivua Maweja-Nangila muambile Sefanya mu tshikondu tshiwa Yoshiya, muana wa Amone, mukalenga wa Yuda. Sefanya uvua muana wa Kushi. Kushi uvua muana wa Ngedaliya. Ngedaliya uvua muana wa Amanya. Amanya uvua muana wa Izkiya.

1 Samuele 25:1

Tshikondu atshi, Samuwele kufua. Kumujikabu kuende mu tshimenga tshia Rama. Bena Izrayele bonsu kudisangisha bua kuenza madilu ende. Pashishe, Davide kuya mu tshipela tshia Parane.