2 Bakalenga 21:1 - MUKANDA WA MYIDI MUKULU

¹ Menashe kudia bukalenga, muikale ne bidimu dikumi ne bibidi. Kushalaye mu bukalenga bidimu makumi atanu ne bitanu mu Yerushalayime. Dina dia mamuende divua Efsi-Ba.

Mukanda wa Nzambi Dihungila Dikulukulu ne Dihungila Dihia-dihia 2003

¹ Manashe wakadi ne bidimu dikumi ne bibidi hakabangeye kukokesha; wakakokesha mu Yelushalema bidimu makumi atanu ne bitanu. Dina dia mamu wandi diakadi Hefesiba.

2 Bakalenga 21:1 ပူးပေါင်းရင်းမြစ်များ

2 Bakalenga 20:21

Izkiya mumane kufua, muanende wa balume Menashe kumupingana mu bukalenga.

1 Kulondolola 3:13

Akaze, Izkiya, Menashe,

2 Kulondolola 32:33

Izkiya mumane kufua, kumujikabu mu tshitupa tshia kulu tshia nkita ya ndelanganyi ya Davide. Diba dia madilu ende adi, bena Yerushalayime ne bena Yuda bakuabu bonsu bavua batumbisha lumu luende. Muanende wa balume Menashe, kumupingana mu bukalenga.

2 Kulondolola 33:1

Menashe kubuela mu bukalenga muikale ne bidimu dikumi ne bibidi. Kushalaye mu bukalenga bidimu makumi atanu ne bitanu mu Yerushalayime.

Nsumuinu 5:19

Mukajebe udi ukunanga, udi mulenga bu ngulungu. Mubidi wende akusankishe matuku onsu. Usanke amu kusanka bua dinanga didiye ukunanga nadi.

Yeshaya 62:4

Kabakukuinyika kabidi ne: “Mmukaji udibu babenge”. Ditunga diebe kabena badinyika kabidi ne: “Mbuloba bunyanguke”. Kadi nebakuinyike ne: “Munanga wa Maweja-Nangila”. Nebinyike buloba buebe ne: “Ke mukaji udi usomba mu dibaka dimpe”. Bualu neusankishe Maweja-Nangila bulelela, kabidi buloba buebe nebuikale bu mukaji musela.

Yirmeya 15:4

Nanku makalenga onsu a panshi pa buloba neakuatshike bowa, pamonawu malu onsu aa. Ke mudibu banyoka bantu bua malu mabi avua Menashe, muana wa Izkiya, mukalenga wa bena Yuda, muenze mu Yerushalayime.

Yirmeya 32:34

Kabidi bavua bateke mpingu yabu indi mbenga mu nzubu udi munjidila. Ke muvuabu bamunyanga ne mikiya.

Matayi 1:10

Izkiya kulela Menashe. Menashe kulela Amone. Amone kulela Yoshiya.