2 Bakalenga 20:8 - MUKANDA WA MYIDI MUKULU

⁸ Pashishe, Izkiya kukonka muambi ne: — Tshidi mua kunjadikila ne: Maweja-Nangila neangondape, nembuele tshiakabidi mu nzubu wa Mvidi Mukulu, papita matuku asatu ntshinyi?

Mukanda wa Nzambi Dihungila Dikulukulu ne Dihungila Dihia-dihia 2003

⁸ Hezikiya wakebesha Yeshaya ne, Nempete tshimanyinu kai bua ne Yehowa neangondahe, ne nembuele mu nsubu wa Yehowa hahita matuku asatu?

2 Bakalenga 20:8 ပူးပေါင်းရင်းမြစ်များ

Genese 15:8

Abrame kumukonka ne: — Maweja-Nangila Mvidi Mukulu wanyi, nemmanye ne: ditunga edi nedishale dianyi mushindu kaayi?

2 Bakalenga 19:29

“Kadi wewe Izkiya, ndi nkuleja bidi ne bua kuenzeka tshidimu etshi, neudie ntete ya kuenza bukula ya bidimenena nkayabi. Tshidimu tshialonda, neudie kabidi ntete ya bidimenena. Kadi tshidimu tshisatu, nenuyikune, nenuyinowe. Nenukune mionji yenu ya mvinyo, nenunue maluvu ayi.

2 Bakalenga 20:5

bua apingane kudi Izkiya, mukalenga wa bantu ba Maweja-Nangila, amuambile ne: “Maweja-Nangila Mvidi Mukulu wa nkambua webe Davide udi wamba ne: Ndi mumvue ditendelela diebe, kabidi ndi mumone binsonji biebe. Nanku ndi musue kujikija disama diebe. Papita matuku asatu, mutuadije kuya kabidi mu nzubu wa Mvidi Mukulu.

2 Bakalenga 20:7

Yeshaya kuzaza tumuma tua mfiku, kuenza ditapi. Kudilamikabu muaba uvua tshiuja, bua kuondapa mukalenga Izkiya.

2 Bakalenga 20:9

Yeshaya kumuambila ne: — Maweja-Nangila neakuleje tshidi mua kukujadikila, neakumbaje bionsu bidiye mulaye. Udi musue mundidimbi uya kumpala anyi upingana panyima pa bidiatshilu dikumi bia tshibandilu, tshivua Akaze muase?

Yeshaya 38:21

Pashishe Yeshaya kutuma diyi bua bafike ne ditapi dia tumuma tua mutshi wa mfiku. Kudilamikaye muaba uvua disama bua kuondapa mukalenga!

Yeshaya 38:22

Nanku Izkiya kukonka muambi Yeshaya ne: “Ntshimanyinu kaayi tshidi mua kunjadikila ne: ndi mua kubuela kabidi mu nzubu wa Maweja-Nangila?”

Yeshaya 7:11

— Lomba tshimanyinu kudi Maweja-Nangila, Mvidi Mukulu webe, nansha tshiotshi tshifuma ku kandondu ka bafue, nansha tshifuma muulu muamua.

Yeshaya 7:14

Nanku Maweja-Nangila nkayende neakupeshe tshimanyinu: nsongakaji neimite difu. Nealele muana wa balume. Neamuinyike Emanuwele, mmumue ne: “Mvidi Mukulu udi netu.”

Osheya 6:2

Papita matuku abidi nansha asatu, neatufululule. Netuende ne muoyi kumpala kuende.

Luke 18:10

— Bantu babidi bavua babuela mu nzubu wa Mvidi mukulu bua kutendelela. Umue uvua Muparushe, mukuabu mulambuishi wa bitadi.

Luke 2:12

Nenumujadikile ku tshimanyinu etshi: nenusangane muana mutekete, mujingila mikusu, muladika mu tshidilu tshia nyama.

Balombodi 6:17

Ngideyone kuamba ne: — Pawikala munnange, umpeshe tshimanyinu tshidi tshijadika ne: ke wewe Maweja-Nangila udi wakula nanyi.