2 Bakalenga 20:20 - MUKANDA WA MYIDI MUKULU

²⁰ Malu makuabu a Izkiya, mbaafunde mu mukanda udibu babikila ne: Malu adi bakalenga ba bena Yuda benza. Mu mukanda amu, mbalejemu bukitu buvua nabu Izkiya, ne mushindu uvuaye mumbule tshiina tshimue tshia mayi, muenza ne mukidi bua kufikisha mayi mu Yerushalayime.

Mukanda wa Nzambi Dihungila Dikulukulu ne Dihungila Dihia-dihia 2003

²⁰ Bienzedi bia Hezikiya bikuabo ne bukole buandi buonso ne bu muakumbuleye dina dinene ne mitubu bia kutuma mai munda mua musoko, kabiena bifunda mu mukanda wa kulondolola kua malu a bakelenge ba Yuda, anyi?

2 Bakalenga 20:20 ပူးပေါင်းရင်းမြစ်များ

1 Bakalenga 14:19

Malu makuabu a Yerobowame adi mafunda mu mukanda udibu babikila ne: Malu adi bakalenga ba bena Izrayele benza. Mu mukanda awu, mbafundemu mvita idi Yerobowame muluangane, ne mushindu uvuaye muenze mudimu wa bukalenga.

1 Bakalenga 14:29

Malu makuabu a Robowame mbaafunde mu mukanda udibu babikila ne: Malu adi bakalenga ba bena Yuda benza.

1 Bakalenga 15:23

Bavua bafunda malu makuabu a Asa mu mukanda udibu babikila ne: Malu adi bakalenga ba bena Yuda benza. Mu mukanda awu, mbafundemu malu onsu avua Asa muenze, baleja ne dikima divuaye nadi, kabidi ne bimenga bivuaye muibake ne bimana bikole. Asa mumane kukulakaja, kuwulaye makasa.

1 Bakalenga 15:7

Bavua bafunde malu makuabu a Abiyame mu mukanda udibu babikila ne: Malu adi bakalenga ba bena Yuda benza. Abiyame kabidi uvua uluangana ne Yerobowame.

2 Bakalenga 15:26

Malu makuabu a Pekahiya mbaafunde mu mukanda udibu babikila ne: Malu adi bakalenga ba bena Izrayele benza.

2 Bakalenga 15:6

Malu makuabu a Azariya, mbaafunde mu mukanda udibu babikila ne: Malu adi bakalenga ba bena Yuda benza.

2 Bakalenga 16:19

Malu makuabu a Akaze, mbaafunde mu mukanda udibu babikila ne: Malu adi bakalenga ba bena Yuda benza.

2 Bakalenga 18:17

Pavua mukalenga wa bena Ashure mu Lakishe, kutumaye mfumu mulombodi wa bena mvita, mutangidi wa bena midimu ba mu nzubu wa bukalenga, ne mulombodi wa badi bela maluvu, mu Yerushalayime kudi mukalenga Izkiya. Bavua ne musumba munene wa bena mvita. Bobu bamane kufika mu tshimenga, kuimanabu pabuipi ne tshiina tshia mayi tshivua kulu, mu njila udi muye ku budimi bua Enrojele.

2 Bakalenga 23:28

Malu makuabu a Yoshiya, mbaafunde mu mukanda udibu babikila ne: Malu adi bakalenga ba bena Yuda benza.

2 Bakalenga 8:23

Malu makuabu a Yorame, mbaafunde mu mukanda udibu babikila ne: Malu adi bakalenga ba bena Yuda benza.

2 Kulondolola 32:24

Tshikondu atshi, mukalenga Izkiya kupeta disama dia lufu. Kutendelelaye Maweja-Nangila. Awu kumujadikila ne: kuena ufua to.

2 Kulondolola 32:3

kufilaye meji kudi balombodi ba bena mvita bende bavua bamulame, bua bajibikile mpokolu ya mayi yonsu, ivua ku mpenga kua tshimenga. Kuitababu bionsu bivuaye muambe.

2 Kulondolola 32:30

Izkiya ke uvua mujibikile mushiku wa mpokolu wa Ngikone, bua mayi apuekele muinshi mua buloba, aye ku luseke ludi diba dibuelela, afike ne munda mua Tshimenga tshia Davide. Izkiya uvua ne diakalenga mu bionsu bivuaye wenze.

2 Kulondolola 32:32

Malu makuabu a Izkiya mbaafunde mu mukanda udibu binyike ne: Malu avua muambi Yeshaya, muana wa Amosa, mumanyishe bantu. Malu awu mbaafunde kabidi mu mukanda wa bakalenga ba bena Yuda ne ba bena Izrayele. Mbafundemu muvua Izkiya muitabe Mvidi Mukulu.

2 Kulondolola 32:4

Nanku, bantu ba bungi kudisangisha, kujibikila mpokolu ya mayi yonsu, kujibikila ne tshibuelelu tshia mukidi wa muinshi mua buloba, uvua ufila mayi mu tshimenga. Bavua bambilangana ne: “Ki mbimpe bena Ashure basangane mayi a bungi padibu bafike munemu to.”

Nehemya 2:14

Ke meme kutungunuka ne luendu luseke luvua tshiibi tshia ku Mpokolu wa mayi, ne luseke luvua dijiba dia mukalenga. Kadi nyama wa mpunde umvua mubande, kavua mupete kabidi muaba wa kupitshila to.

Nehemya 3:16

Pashishe, Nehemya, muana wa Azbuke, uvua mulombodi wa tshia bibidi tshimue tshia buloba bua Bete-Sure, uvua wenza mudimu too ne pabuipi ne lukita lua Davide, ne ku dijiba dia mayi divuabu bumbule, ne ku nzubu wa bena mvita bavua balame mukalenga.