2 Bakalenga 20:19 - MUKANDA WA MYIDI MUKULU

¹⁹ Izkiya kuandamuna Yeshaya ne: — Tshidi Maweja-Nangila muambe tshidi bualu buimpe. Izkiya uvua udiambila munda munda ne: “Nanku pantshidi ne muoyi, netuikale basombe bimpe mu bupole!”

Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Hashishe Hezikiya wakambila Yeshaya ne, Dî dia Yehowa diwakungambila ndimpe. Wakamba kabidi ne, Kakuena bualu, bikalaku ditalala kakuyi ditshina mu matuku andi nshala ne muoyo.

2 Bakalenga 20:19 ပူးပေါင်းရင်းမြစ်များ

1 Bakalenga 11:12

Kadi bualu bua tatuebe Davide, tshiena nkunyenga bukalenga pautshidi ne muoyi to. Nennyenge bukalenga kudi muanebe.

1 Bakalenga 2:38

Shimeyi kuitaba ne: — Eyowa, mukalenga wanyi, mbimpe bitambe! Nengenze bionsu biudi muambe. Shimeyi kusomba mu Yerushalayime matuku a bungi.

2 Bakalenga 20:20

Malu makuabu a Izkiya, mbaafunde mu mukanda udibu babikila ne: Malu adi bakalenga ba bena Yuda benza. Mu mukanda amu, mbalejemu bukitu buvua nabu Izkiya, ne mushindu uvuaye mumbule tshiina tshimue tshia mayi, muenza ne mukidi bua kufikisha mayi mu Yerushalayime.

2 Bakalenga 22:20

Kuakumona makenga onsu aa to. Neufue anu bimpe. Nebakujiike mu Yerushalayime.’ ” Ilkiya mutuangaji munene, ne bantu bavuaye nabu, kuyabu kuambila mukalenga Yoshiya bionsu abi.

Estere 9:30

Mikanda eyi, bavua bayitumina bena Yuda ba mu matunga lukama ne makumi abidi ne muanda mutekete a bukalenga bua Ahashaveroshe, bavua babajingila bupole ne ditalala.

Yobe 1:21

Wamba ne: Panu bavua bandele butaka, nengumuke kabidi panu amu butaka. Maweja-Nangila kumpesha bionsu, amu yeye kubiangata tshiakabidi. Ndi ntumbisha amu kutumbisha Maweja-Nangila.

Misambu 39:9

Unsungidile ku bubi buanyi buonsu, kabanseki kudi bidingidingi.

Yirmeya 33:6

Kadi, ndi ngondapa tshimenga etshi, mudibu bondapa muntu ne mputa. Nentshiondape, ntshipesha bukole bua mubidi. Nemfile bupole ne ditalala kudi bantu batshi.

Muadi 3:22

Ke buimpe bua Maweja-Nangila budi kabuyi bujika, dinanga diende didi kadiyi ndekelu.

Muadi 3:39

Kadi muntu udi wabakana bua tshinyi? Nansha yeye ne mibi, ki mbamushipe to!

Lewitiki 10:3

Nanku Moshe kuambila Arone ne: — Ke muvua Maweja-Nangila mumane kukudimuka, pawaye wamba ne: “Bonsu badi bangenzela mudimu, badi ne bua kunnemeka, bualu ndi wa tshijila. Bantumbishe, bantu bonsu batangile.” Arone kushala mupuwa.

Zekâya 8:19

— Matuku anudi nujila biakudia, mu ngondu muinayi, muitanu, wa muanda mutekete, nansha wa dikumi, ku tshidimu tshionsu, neikale a tshibilu tshinene adi bena Yuda basanka, batshionkomoka. Kadi nuambilangane amu malu malelela, nukebe kabidi diakalenga dia bonsu!

Luke 2:10

Kadi mutumibue kubambila ne: — Kanutshinyi to. Ndi munutuadile Lumu lua Disanka luasankisha bantu bonsu bikole:

Luke 2:14

“Butumbi buonsu budi kudi Mvidi Mukulu mulu mu diulu, bupole buende budi pa buloba, kudi bantu badiye munange!”

1 Samuele 3:18

Nanku Samuwele kena musokoke bualu nansha bumue. Eli kuamba ne: — Yeye udi Maweja-Nangila! Enze mudiye musue.