2 Bakalenga 20:14 - MUKANDA WA MYIDI MUKULU

¹⁴ Pashishe, muambi Yeshaya kuya kudi mukalenga Izkiya, umukonka ne: — Bantu aba bavua bakuambila tshinyi? Kabidi mbafume penyi? Izkiya kuandamuna ne: — Mbafume kule kutambe, ku Babilone.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Hashishe Yeshaya muprofete wakafika kudi Hezikiya mukelenge, wakamuebesha ne, Bantu aba bakuamba tshinyi? Bobo bakafuma kudi kunyi? Hezikiya wakamuambila ne, Bakafuma ku buloba budi kule, ku Babulona mene.

2 Bakalenga 20:14 ပူးပေါင်းရင်းမြစ်များ

2 Bakalenga 20:13

Izkiya kuakidila bantu abu, kubaleja miaba yonsu ivuabu bateka bintu bia mushinga mukole: tshiamu tshitoke tshia mushinga mukole, tshiamu tshia mpawungi, manananshi, ne mafuta a mupuya muimpe. Kubalejaye kabidi muaba uvuaye uteka bia mvita, ne bintu bionsu bikuabu. Kavua mubasokoke tshintu nansha tshimue, mu nzubu wa bukalenga, nansha mu ditunga diende dijima.

2 Bakalenga 20:15

Yeshaya kumukonka kabidi ne: — Mu nzubu webe wa bukalenga bavua bamone tshinyi? Izkiya kuandamuna ne: — Bavua bamone bintu bionsu bidimu. Tshiena mubasokoke tshintu nansha tshimue, tshia ku bintu bionsu bindi muteke.

Misambu 141:5

Ndi nganyisha muntu wa malu mimpe antute, muntu muakane andengeje; tshiena mua kubenga, ndi munange. Kadi padi bantu babi benza malu mabi, tshiena ndekela bua kukutendelela.

Nsumuinu 25:12

Mubelu udi muntu wa meji ukubela, uuteleje; udi ne mushinga mupite wa kakanu ka mpawungi ka ku munu nansha ka mu nshingu.

Yeshaya 13:5

Badi batumina ku matunga a kulekule, muaba udi diulu ne buloba bituangene, bua kuya kunyanga ditunga dijima: ke Maweja-Nangila ne badiye muangate, bua kunyoka bantu ba buloba bujima.

Yezekiyele 23:23

Ndi nsangisha bena Babilone, bena Kesede bonsu, bena Pekode, bena Showa, bena Kowa. Bena Ashure kabidi nebadisangishe nabu. Nanku nensangishe bansongalume bonsu aba ba malengele, balombodi ba ditunga ne balumbuluishi, bena mvita ne bantu banene, bonsu bikale bamanye mua kubanda bimpe pa tubalu.

Dibadika 22:9

Nanku Mvidi Mukulu kukonka Balaame ne: — Bantu baudi muladike kuebe mbanganyi?

Dielulula 28:49

Maweja-Nangila neanutumine baluishi, bafume kule ku ndekelu wa buloba, banudi kanuyi bamanye muakulu wabu. Maweja-Nangila neele bantu abu munkatshi muenu, bu mudi nyunyi wa tshiminyi wikila pa biakudia biende.

Yoshua 9:6

Pashishe kuyabu mu mitanda ya Ngilgale, muaba uvua Yoshuwa ne bena Izrayele basombe. Kubambilabu ne: — Tuetu aba tudi bafume mu ditunga dia kule, tudi tunulomba bua kutua nenu ndondu.

Yoshua 9:9

Kuandamunabu ne: — Tuetu tudi bapika bebe. Tudi bafume mutantshi mule. Bualu tudi bamane kumvua lumu lua Maweja-Nangila Mvidi Mukulu webe. Tudi bamanye malu a dikema avuaye muenze mu ditunga dia Ejipitu.