2 Bakalenga 20:10 - MUKANDA WA MYIDI MUKULU

¹⁰ Izkiya kuandamuna ne: — Bua mundidimbi kuya kumpala pa bidiatshilu dikumi, mbualu bukese. Nanku, ndi musue bua upingane panyima.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Hezikiya wakamba ne, Mbualu bukese bua mundidimbi uye ku mpala biendedi dikumi; mbimpe mundidimbi uhingane biendedi dikumi.

2 Bakalenga 20:10 ပူးပေါင်းရင်းမြစ်များ

2 Bakalenga 2:10

— Udi mulombe tshintu tshikole bua kutshipeta. Kadi, wewe mummone padi Maweja-Nangila ungambula bua tuetu kushiyangana, neupete tshiudi mulombe. Kadi, pawikala kuyi mummone, kuakupeta tshiudi mulombe to.

2 Bakalenga 20:11

Muambi Yeshaya kutendelela Maweja-Nangila. Maweja-Nangila kupingaja mundidimbi panyima pa bidiatshilu dikumi, bia tshibandilu tshivua mukalenga Akaze muase.

2 Bakalenga 20:9

Yeshaya kumuambila ne: — Maweja-Nangila neakuleje tshidi mua kukujadikila, neakumbaje bionsu bidiye mulaye. Udi musue mundidimbi uya kumpala anyi upingana panyima pa bidiatshilu dikumi bia tshibandilu, tshivua Akaze muase?

2 Bakalenga 3:18

Kadi, bualu ebu mbualu bukese kudi Maweja-Nangila. Yeye neafile kabidi ditunga dia bena Mowabe mu bianza bienu.

Yeshaya 49:6

Yeye kungambila ne: “Kabiena bikumbana bua wikale muena mudimu wanyi anu bua kujula tshisamba tshia Yakobe, ne bua kupingaja kundi bena Izrayele badi bashale ne muoyi. Kadi ndi mukuteke kabidi butoke bua bukua bisamba, bua umone mua kupandisha bantu too ne ku ntengu ya buloba.”

Yowanane 14:12

Ndi nnujadikila bulelela ne: muntu udi ungitaba neenze kabidi midimu indi ngenza. Neenze mikuabu mipite bunene, bualu ndi nya kudi Tatu.

Yoshua 10:12

Dituku divua Maweja-Nangila muambuluishe bena mvita ba bena Izrayele bua kutshimuna bena Amore, Yoshuwa uvua utendelela Maweja-Nangila, bena Izrayele bonsu bateleje. Uvua ulomba, wamba ne: — Diba dimanakane mulu, mu tshimenga tshia Ngibone! Ngondu imanakane mulu mu tshibandabanda tshia Ayalone!

Yoshua 10:13

Diba kuimana, ngondu kushala kaba kamue, too ne padi bena Izrayele batshimuna bena lukuna babu. Bionsu ebi bivua bienzeka anu bu mudibu bafunda mu Mukanda wa Muntu wa nsongu ne: dituku dijima adi, diba divua dimana kadiyi mua kupueka bua kubuela.