2 Bakalenga 20:1 - MUKANDA WA MYIDI MUKULU

¹ Tshikondu atshi, mukalenga Izkiya kupeta disama dia lufu. Muambi Yeshaya, muana wa Amosa, kufika bua kumusamba, umuambila miaku ivua Maweja-Nangila muambe ne: — Diba diakumbanyi bua wewe kudilongolola, bualu mu disama edi, kuena upanda to, neufue.

Mukanda wa Nzambi Dihungila Dikulukulu ne Dihungila Dihia-dihia 2003

¹ Mu matuku au disama dikole diakakuata Hezikiya, diakamutonda; Yeshaya muprofete, muana wa Amoza, wakalua kudiye, wakamuambila ne, Yehowa udi wamba ne, Ulongolole nsubu webe, bualu bua wewe neufue, kuena wikala ne muoyo.

2 Bakalenga 20:1 ပူးပေါင်းရင်းမြစ်များ

2 Samuele 17:23

Akitofele umona ne: kabena bitabe lungenyi luende, kusuikaye biseba bia kusomba pa nyama wende wa mpunde, kupinganaye mu tshimenga tshia Ngilo, nuwuaye musombela. Kulayaye bena nzubu wende, pashishe kudiowaye. Kumujikabu mu lukita lua tatuende.

2 Bakalenga 1:16

Eliya kuambila mukalenga Akaziya ne: — Maweja-Nangila udi wamba ne: “Bu muudi mutume bantu kudi mvidie Baale Zebube, udi mu tshimenga tshia Ekrone bua kumukonka malu, mmumue ne: ku mesu ebe, mu ditunga dia bena Izrayele kamuena Mvidi Mukulu udibu mua kukonka malu. Nanku, kuena ujuka mu bulalu muudi mulale emu to, neufue!”

2 Bakalenga 1:4

Pashishe ubambile kabidi ne: “Maweja-Nangila udi wambila Akaziya, mukalenga wa bena Izrayele ne: ‘Kuena ujuka kabidi mu bulalu buudi mulale emu to, neufue!’ ” Muambi Eliya kuenza bionsu bivua Maweja-Nangila mumuambile.

2 Bakalenga 19:2

Diakamue, kubikilaye Elyakime, mulombodi wa nzubu wa bukalenga, Shebna mufundi, ne bakulu ba batuangaji. Kubatumaye kudi muambi Yeshaya, muana wa Amosa. Bantu abu, bavua bavuala kabidi bilamba bia madilu.

2 Bakalenga 19:20

Ke muambi Yeshaya, muana wa Amosa, kutuma muntu bua kuambila Izkiya ne: “Maweja-Nangila Mvidi Mukulu wabena Izrayele udi wamba ne: Ndi mumvue dilomba diebe bua Senakeribe, mukalenga wa bena Ashure.

2 Bakalenga 20:2

Nanku, Izkiya kutangila ku tshimana tshia nzubu. Utendelela Maweja-Nangila, wamba ne:

Dielulula 31:14

Maweja-Nangila kuambila Moshe ne: — Ukadi pa kufua. Bikila Yoshuwa. Nufike nende kumpala kua ntenta wa kusambakena, bua mmumanyishe mikenji yanyi. Moshe ne Yoshuwa kuya ku ntenta wa kusambakena.

Dielulula 31:16

Maweja-Nangila kudianjila kumanyisha Moshe ne: — Ukadi pa kufua. Kunyima kua lufu luebe bena Izrayele nebatendelele mvidie idibu batendelela kudi bantu benyi badi mu ditunga dinuabuela. Bena Izrayele nebambenge. Nebanyangakaje ndondu umvua mutue nabu.

Filipe 2:27

Bushuwa uvua musame bikole, muambe kufua. Kadi Mvidi Mukulu mmumufuile luse. Ki mmumufuile amu yeye nkayende luse; mmutufuile ne meme kabidi, bua tshipetshi dibungama dinene dipite.

Filipe 2:30

Bualu uvua wamba kufua bua mudimu wa Kristu. Uvua mudiele mu njiwu ya lufu, bua kungenzela mudimu unuvua nuenu kanuyi mua kunkuatshila.